നെടുങ്കണ്ടം: തൂക്കുപാലത്ത് അനധികൃതമായി പ്രവര്‍ത്തിച്ച ഇറച്ചിക്കടയും പച്ചക്കറി കടയും അടച്ചു പൂട്ടാന്‍ നോട്ടീസ്. ഭക്ഷ്യസുരക്ഷ വകുപ്പി‍ൻെറ ലൈസന്‍സും ആരോഗ്യവകുപ്പില്‍നിന്ന് ഹെല്‍ത്ത് കാര്‍ഡും ഇല്ലാതെ പ്രവര്‍ത്തിച്ച കടകള്‍ക്കെതിരെയാണ് നടപടി. തൂക്കുപാലം മേഖലയില്‍ പഴകിയതും ഭക്ഷ്യയോഗ്യമല്ലാത്തതുമായ പച്ചമീന്‍, ഇറച്ചി എന്നിവ വില്‍ക്കുന്നുവെന്ന പരാതിയെത്തുടര്‍ന്ന് നടത്തിയ പരിശോധനയിലാണ് അനധികൃത സ്ഥാപനങ്ങള്‍ കണ്ടെത്തിയത്. ആരോഗ്യവകുപ്പ്, ഭക്ഷ്യസുരക്ഷ വകുപ്പ്, പഞ്ചായത്ത് എന്നിവയുടെ സംയുക്ത പരിശോധനയാണ് നടന്നത്. തൂക്കുപാലം ബെവ്കോ ഔട്ട്‌ലെറ്റി‍ൻെറ പരിസരത്തെ മാലിന്യം അടിയന്തരമായി നീക്കണമെന്നും ഉപഭോക്താക്കള്‍ക്ക് പൊതുശൗചാലയം നിര്‍മിച്ചു നല്‍കണമെന്നും ആവശ്യപ്പെട്ട് ബെവ്കോ അധികൃതര്‍ക്കും നോട്ടീസ് നല്‍കി. പരിശോധന സംഘത്തില്‍ ഉടുമ്പന്‍ചോല ഭക്ഷ്യസുരക്ഷ ഓഫിസര്‍ ആന്‍ മരിയ, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ മനോജ് കുമാര്‍, സന്തോഷ്, മഞ്ജു, പഞ്ചായത്ത് ജീവനക്കാരായ അനന്തകൃഷ്ണന്‍, ബിനോയി എന്നിവരും ഉണ്ടായിരുന്നു. idl ndkm തൂക്കുപാലത്ത് അധികൃതർ പരിശോധന നടത്തുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.