കട്ടപ്പന: ശക്തമായ കാറ്റിലും മഴയിലും വന്മരം ഒടിഞ്ഞുവീണ് കണ്ണംപടിയിൽ വീട് തകർന്നു. കണ്ണംപടി തേക്കുതോട്ടം പാണതോട്ടത്തിൽ ദാസന്റെ വീടാണ് തകർന്നത്. വെള്ളിയാഴ്ച രാവിലെ എട്ടരയോടെയാണ് സംഭവം. ചുവട് ദ്രവിച്ച വേങ്ങമരം വീടിന് മുകളിലേക്ക് ചരിഞ്ഞുനിൽക്കുന്നത് രാവിലെയാണ് ശ്രദ്ധയിൽപെട്ടത്. ഉടൻ ദാസനും ഭാര്യ സിന്ധുവും ചേർന്ന് വനംവകുപ്പ് ഓഫിസിലും പഞ്ചായത്ത് അംഗത്തെയും അറിയിക്കാൻപോയി. ഇതിന് പിന്നാലെയാണ് മരംവീണത്. ഈ സമയം വീട്ടിലുണ്ടായിരുന്ന സിന്ധുവിന്റെ മാതാവ് രാധ ശബ്ദംകേട്ട് പുറത്തേക്ക് ഓടിയതിനാൽ അപകടമുണ്ടായില്ല. റവന്യൂ, വനം ഉദ്യോഗസ്ഥർ സ്ഥലം സന്ദർശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.