അസൗകര്യങ്ങളിൽ വീർപ്പുമുട്ടി ഇലവീഴാപ്പൂഞ്ചിറ

കാ​ഞ്ഞാ​ർ: ദി​നം​പ്ര​തി നൂ​റു​ക​ണ​ക്കി​ന് വി​നോ​ദ​സ​ഞ്ചാ​രി​ക​ൾ എ​ത്തു​ന്ന ഇ​ല​വീ​ഴാ​പൂ​ഞ്ചി​റ അ​സൗ​ക​ര്യ​ങ്ങ​ളാ​ൽ വീ​ർ​പ്പു​മു​ട്ടു​ന്നു. അ​വ​ധി ദി​ന​നോ​ട​നു​ബ​ന്ധി​ച്ച് നി​ര​വ​ധി പേ​രാ​ണ്​ ക​ഴി​ഞ്ഞ ദി​വ​സ​ങ്ങ​ളി​ൽ ഇ​ല​വീ​ഴാ​പ്പൂ​ഞ്ചി​റ​യി​ൽ എ​ത്തി​യ​ത്. കോ​ട്ട​യം-​ഇ​ടു​ക്കി ജി​ല്ല​ക​ളു​ടെ അ​തി​ർ​ത്തി പ​ങ്കി​ടു​ന്ന പ്ര​ദേ​ശ​മാ​ണ് ഇ​ല​വീ​ഴാ​പ്പൂ​ഞ്ചി​റ. കോ​ട്ട​യം ജി​ല്ല​യി​ലെ കാ​ഞ്ഞി​രം​ക​വ​ല​യി​ൽ​നി​ന്ന്​ ആ​ധു​നി​ക​രീ​തി​യി​ൽ ടാ​റി​ങ് പൂ​ർ​ത്തി​യാ​യ​തോ​ടെ നി​ര​വ​ധി വി​നോ​ദ​സ​ഞ്ചാ​രി​ക​ളാ​ണ് അ​തു​വ​ഴി എ​ത്തു​ന്ന​ത്.

കാ​ഞ്ഞാ​റി​ൽ​നി​ന്നു​ള്ള റോ​ഡും ടാ​റി​ങ് പൂ​ർ​ത്തി​യാ​യി​ട്ടു​ണ്ട്. ച​ക്കി​ക്കാ​വി​ൽ​നി​ന്ന്​ ഇ​ല​വീ​ഴാ​പ്പൂ​ഞ്ചി​റ​വ​രെ​യു​ള്ള ഭാ​ഗം ടാ​റി​ങ് ന​ട​ത്താ​തെ ദീ​ർ​ഘ​കാ​ലം കി​ട​ന്നി​രു​ന്നു. നാ​ട്ടു​കാ​രു​ടെ നി​ര​ന്ത​ര ആ​വ​ശ്യ​ങ്ങ​ൾ​ക്ക് ശേ​ഷ​മാ​ണ് ടാ​റി​ങ് പൂ​ർ​ത്തി​യാ​ക്കി​യ​ത്. കാ​ഞ്ഞാ​ർ വ​ഴി​യും നി​ര​വ​ധി വി​നോ​ദ​സ​ഞ്ചാ​രി​ക​ൾ പൂ​ഞ്ചി​റ​യി​ൽ എ​ത്തു​ന്നു​ണ്ട്. ഇ​വി​ടെ എ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്ക് പ്രാ​ഥ​മി​ക ആ​വ​ശ്യം നി​ർ​വ​ഹി​ക്കാ​നു​ള്ള സൗ​ക​ര്യം പോ​ലു​മി​ല്ല. ഇ​തു​മൂ​ലം വ​നി​ത​ക​ൾ ഉ​ൾ​പ്പെ​ടെ​യു​ള്ള വി​നോ​ദ​സ​ഞ്ചാ​രി​ക​ൾ ബു​ദ്ധി​മു​ട്ടു​ക​യാ​ണ്. ഇ​ല​വീ​ഴാ​പ്പൂ​ഞ്ചി​റ വ്യൂ ​പോ​യ​ന്‍റി​ന്‍റെ 800 മീ​റ്റ​ർ താ​ഴെ വ​രെ​യാ​ണ് ന​ല്ല​റോ​ഡു​ള്ള​ത്.

ഇ​വി​ടെ നി​ന്ന്​ വി​നോ​ദ​സ​ഞ്ചാ​രി​ക​ളെ ട്രി​പ്പ് ജീ​പ്പി​ലാ​ണ് മു​ക​ളി​ലെ​ത്തി​ക്കു​ന്ന​ത്. ഈ 800 ​മീ​റ്റ​ർ ഭാ​ഗം ഗ​ർ​ത്ത​ങ്ങ​ളാ​യി​ട്ടാ​ണ് കി​ട​ക്കു​ന്ന​ത്. ജീ​പ്പ് ക​ട​ന്നു​പോ​കു​മ്പോ​ൾ പ്ര​ദേ​ശ​മാ​കെ പൊ​ടി​കൊ​ണ്ട് നി​റ​യും. പൊ​ടി​ശ​ല്യ​വും അ​തി​ജീ​വി​ച്ച് വേ​ണം വ്യൂ ​പോ​യ​ന്‍റി​ലെ​ത്താ​ൻ. പൊ​ളി​ഞ്ഞു​കി​ട​ക്കു​ന്ന ഭാ​ഗം ക​ല്ല് പാ​കി​യെ​ങ്കി​ലും ന​ന്നാ​ക്കി​യാ​ൽ പൊ​ടി​ശ​ല്യം ഒ​രു പ​രി​ധി വ​രെ​യെ​ങ്കി​ലും ത​ട​യാ​നാ​കും. ഇ​തി​നു​പോ​ലും അ​ധി​കൃ​ത​ർ ത​യാ​റാ​കു​ന്നി​ല്ല. ഇ​ല​വീ​ഴാ​പൂ​ഞ്ചി​റ​യി​ലെ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്ക് പ്രാ​ഥ​മി​ക ആ​വ​ശ്യം നി​റ​വേ​റ്റാ​നു​ള്ള സൗ​ക​ര്യം എ​ങ്കി​ലും ഒ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.