മലിനജല ശുദ്ധീകരണ പ്ലാന്‍റ്​ നിർമാണം തോട്ടം തൊഴിലാളികൾ തടഞ്ഞു

മൂ​ന്നാ​ർ: മൂ​ന്നാ​റി​ൽ പ​ഞ്ചാ​യ​ത്തി​ന്റെ മ​ലി​ന​ജ​ല ശു​ദ്ധീ​ക​ര​ണ പ്ലാ​ന്റി​ന്റെ (സെ​പ്റ്റേ​ജ് ട്രീ​റ്റ്മെ​ന്റ് പ്ലാ​ന്റ്) നി​ർ​മാ​ണം ക​ണ്ണ​ൻ ദേ​വ​ൻ ക​മ്പ​നി തൊ​ഴി​ലാ​ളി​ക​ൾ ത​ട​ഞ്ഞു. പ്ലാ​ന്റ് സ്ഥാ​പി​ച്ച് പു​റ​ത്തു​നി​ന്ന് ശു​ചി​മു​റി മാ​ലി​ന്യം കൊ​ണ്ടു​വ​രു​ന്ന​ത് പ​രി​സ്ഥി​തി മ​ലി​നീ​ക​ര​ണ​ത്തി​നും ത​ങ്ങ​ളു​ടെ കു​ടി​വെ​ള്ള സ്രോ​ത​സ്സു​ക​ൾ മ​ലി​ന​മാ​കാ​നും കാ​ര​ണ​മാ​കു​മെ​ന്നാ​ണ് തൊ​ഴി​ലാ​ളി​ക​ളു​ടെ വാ​ദം. ക​മ്പ​നി​യു​ടെ ക​ല്ലാ​ർ എ​സ്റ്റേ​റ്റി​ലു​ള്ള പ​ഞ്ചാ​യ​ത്തി​ന്റെ മാ​ലി​ന്യ സം​സ്ക​ര​ണ കേ​ന്ദ്ര​ത്തി​ലാ​ണ് ട്രീ​റ്റ്മെ​ന്റ് പ്ലാ​ന്‍റ്​ നി​ർ​മാ​ണം.

ശു​ചി​ത്വ​കേ​ര​ള മി​ഷ​ന്റെ സ​ഹാ​യ​ത്തോ​ടെ മൂ​ന്നു​കോ​ടി രൂ​പ ചെ​ല​വി​ലാ​ണ് പ്ലാ​ന്റ് സ്ഥാ​പി​ക്കു​ന്ന​ത്. മൂ​ന്നാ​റി​ലെ ഹോ​ട്ട​ലു​ക​ൾ, റി​സോ​ർ​ട്ടു​ക​ൾ, മ​റ്റ് സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ​നി​ന്നു​ള്ള ശു​ചി​മു​റി മാ​ലി​ന്യം ശേ​ഖ​രി​ച്ച് ശു​ദ്ധീ​ക​രി​ക്കു​ന്ന​താ​ണ് പ​ദ്ധ​തി. നി​ല​വി​ൽ മു​തി​ര​പ്പു​ഴ​യാ​റി​ലേ​ക്കും മ​റ്റ് ജ​ല​സ്രോ​ത​സ്സു​ക​ളി​ലേ​ക്കു​മാ​ണ് ഈ ​സ്ഥാ​പ​ന​ങ്ങ​ൾ പ​ല​തും ശു​ചി​മു​റി മാ​ലി​ന്യം ഒ​ഴു​ക്കു​ന്ന​ത്. ക​ല്ലാ​റി​ലെ മാ​ലി​ന്യ സം​സ്ക​ര​ണ കേ​ന്ദ്ര​ത്തി​ന്​ സ​മീ​പ​മു​ള്ള ഫാ​ക്ട​റി ഡി​വി​ഷ​നി​ലെ തൊ​ഴി​ലാ​ളി​ക​ളാ​ണ് സം​ഘ​ടി​ച്ചെ​ത്തി​യ​ത്.

പ്ലാ​ന്റി​ന്റെ കോ​ൺ​ക്രീ​റ്റി​ങ്ങി​നാ​യി മി​ക്സി​ങ് കൊ​ണ്ടു​വ​ന്ന ര​ണ്ട് ടാ​ങ്ക​ർ ലോ​റി മാ​ലി​ന്യ സം​സ്ക​ര​ണ കേ​ന്ദ്ര​ത്തി​ന്റെ പ്ര​വേ​ശ​ന ക​വാ​ട​ത്തി​ൽ ഇ​വ​ർ ത​ട​ഞ്ഞു. ക​മ്പ​നി ഉ​ദ്യോ​ഗ​സ്ഥ​രും സ്ഥ​ല​ത്തു​ണ്ടാ​യി​രു​ന്നു. പ​ഞ്ചാ​യ​ത്ത്‌ പ്ര​സി​ഡ​ന്റ്‌ പ്ര​വീ​ണ ര​വി​കു​മാ​റും സെ​ക്ര​ട്ട​റി കെ.​എ​ൻ. സ​ഹ​ജ​നും സ്ഥ​ല​ത്തെ​ത്തി പ​ദ്ധ​തി​യു​ടെ ഗു​ണ​ഫ​ല​ങ്ങ​ൾ വി​ശ​ദീ​ക​രി​ച്ചെ​ങ്കി​ലും തൊ​ഴി​ലാ​ളി​ക​ൾ അം​ഗീ​ക​രി​ച്ചി​ല്ല. തു​ട​ർ​ന്ന് ടാ​ങ്ക​ർ ലോ​റി​ക​ൾ തി​രി​കെ​പ്പോ​യി.

മാ​ലി​ന്യ​വ​ണ്ടി​ക​ളും ത​ട​ഞ്ഞു

മൂ​ന്നാ​ർ പ​ഞ്ചാ​യ​ത്ത്‌ ക​ല്ലാ​റി​ൽ ന​ട​പ്പാ​ക്കു​ന്ന മ​ലി​ന​ജ​ല ട്രീ​റ്റ്മെ​ന്റ് പ്ലാ​ന്റി​ന്റെ നി​ർ​മാ​ണം ത​ട​ഞ്ഞ ക​ണ്ണ​ൻ ദേ​വ​ൻ ക​മ്പ​നി തൊ​ഴി​ലാ​ളി​ക​ൾ ഇ​വി​ടേ​ക്ക് മാ​ലി​ന്യം ക​യ​റ്റി​വ​ന്ന പ​ഞ്ചാ​യ​ത്ത്‌ വ​ക വാ​ഹ​ന​ങ്ങ​ളും ത​ട​ഞ്ഞു. തു​ട​ർ​ന്ന് ഈ ​വാ​ഹ​ന​ങ്ങ​ൾ ക​ണ്ണ​ൻ ദേ​വ​ൻ ക​മ്പ​നി​യു​ടെ മൂ​ന്നാ​ർ ടൗ​ണി​ലെ റീ​ജ​ന​ൽ ഓ​ഫി​സി​ന് മു​ന്നി​ൽ നി​ർ​ത്തി​യി​ട്ടു.

മൂ​ന്നാ​ർ ടൗ​ണി​ൽ​നി​ന്ന് പ​ഞ്ചാ​യ​ത്ത്‌ ശേ​ഖ​രി​ക്കു​ന്ന മാ​ലി​ന്യം ക​ല്ലാ​റി​ലെ സം​സ്ക​ര​ണ കേ​ന്ദ്ര​ത്തി​ലാ​ണ് നി​ക്ഷേ​പി​ക്കു​ന്ന​ത്. ഇ​ത് പി​ന്നീ​ട് ത​രം​തി​രി​ച്ച് വ​ള​മാ​ക്കും. 15 ട​ണ്ണോ​ളം മാ​ലി​ന്യം ക​യ​റ്റി​വ​ന്ന മൂ​ന്ന് വാ​ഹ​ന​ങ്ങ​ളാ​ണ് ഇ​വ​ർ സം​സ്ക​ര​ണ കേ​ന്ദ്ര​ത്തി​ലേ​ക്ക് ക​ട​ക്കു​ന്ന​ത് ത​ട​ഞ്ഞ​ത്. പ​ഞ്ചാ​യ​ത്ത്‌ പ്ര​സി​ഡ​ന്റും സെ​ക്ര​ട്ട​റി​യും ആ​വ​ശ്യ​പ്പെ​ട്ടെ​ങ്കി​ലും തൊ​ഴി​ലാ​ളി​ക​ൾ വ​ഴ​ങ്ങാ​തെ വ​ന്ന​തോ​ടെ​യാ​ണ് മാ​ലി​ന്യം നി​റ​ച്ച വാ​ഹ​ന​ങ്ങ​ൾ ക​മ്പ​നി​യു​ടെ പ്ര​ധാ​ന ഓ​ഫി​സി​ന് മു​ന്നി​ൽ നി​ർ​ത്തി​യി​ട്ട​ത്.

തൊ​ഴി​ലാ​ളി​ക​ളെ തെ​റ്റി​ദ്ധ​രി​പ്പി​ച്ച് മൂ​ന്നാ​റി​ലെ മാ​ലി​ന്യ​സം​സ്ക​ര​ണ പ​ദ്ധ​തി ക​മ്പ​നി അ​ട്ടി​മ​റി​ക്കു​ക​യാ​ണെ​ന്നും ഇ​തി​നെ​തി​രെ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും പ​ഞ്ചാ​യ​ത്ത്‌ അ​ധി​കൃ​ത​ർ പ​റ​ഞ്ഞു.