പീരുമേട്: കെ.എസ്.ആർ.ടി.സി കുമളി ഡിപ്പോയിൽ റദ്ദാക്കിയ ഓർഡിനറി സർവിസുകളിൽ നാലെണ്ണം തിങ്കളാഴ്ച പുനരാരംഭിച്ചു. ദേശീയപാത വഴി അഞ്ച് ഓർഡിനറി സർവിസാണ് ഉണ്ടായിരുന്നത്. ഇത് പൂർണമായി റദ്ദാക്കിയതിനെ തുടർന്ന് കോട്ടയം-കുമളി റൂട്ടിലെ യാത്രക്ലേശത്തെക്കുറിച്ച് കഴിഞ്ഞ ദിവസം ‘മാധ്യമം’ റിപ്പോർട്ട് ചെയ്തിരുന്നു. രാവിലെ 5.30ന് ചങ്ങനാശ്ശേരി, 6.40ന് കോട്ടയം, 8.10ന് കോട്ടയം, 8.30ന് കോട്ടയം സർവിസുകളാണ് ഇവ. തിങ്കളാഴ്ച 12000ത്തിൽപരം രൂപയുടെ വരുമാനം എല്ലാ സർവിസുകൾക്കും ലഭിച്ചു. രാവിലെയും വൈകീട്ടും യാത്രക്കാരുടെ തിരക്കുള്ള സമയം സർവിസ് നടത്തിയിരുന്ന ബസുകൾ റദ്ദാക്കിയതിൽ വ്യാപക പ്രതിഷേധം ഉയർന്നിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.