ഊരിലേക്കുള്ള റോഡ് തകർന്നു; പ്രക്ഷോഭത്തിനൊരുങ്ങി പ്രദേശവാസികൾ

കാ​ഞ്ഞ​ങ്ങാ​ട്: താ​യ​ന്നൂ​ർ മ​ല​യാ​റ്റു​ക​ര ഊ​രി​ലേ​ക്കു​ള്ള റോ​ഡ് പൂ​ർ​ണ​മാ​യും ത​ക​ർ​ന്നു. മ​ഹാ​ത്മാ ഗാ​ന്ധി ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി കോ​ൺ​ക്രീ​റ്റ് റോ​ഡ് നി​ർ​മി​ക്കാ​ൻ ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യി​ട്ടും നാ​ളി​തുവ​രെ ക​രാ​റു​കാര​ൻ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്താ​ത്ത​തി​നാ​ൽ കാ​ൽ​ന​ട​യാ​ത്ര പോ​ലും ദുസ്സഹ​മാ​യി. എ​ണ്ണ​പ്പാ​റ മ​ല​യാ​റ്റു​ക​ര ഊ​രി​ലെ ആ​ദി​വാ​സി​ക​ൾ​ക്കാ​ണ് ഇ​ത്ത​ര​മൊ​രു ദു​ര​വ​സ്ഥ.

ഊ​രി​ലേ​ക്ക് വ​രു​ന്ന​തും, ആ​ന​ക്കു​ഴി റോ​ഡി​ൽ നി​ന്ന് എ​ണ്ണ​പ്പാ​റ വി​ല്ലേ​ജ് ഓ​ഫി​സി​ലേ​ക്ക് എ​ളു​പ്പ​ത്തി​ൽ എ​ത്തി​പ്പെ​ടാ​ൻ ക​ഴി​യു​ന്ന​തു​മാ​യ റോ​ഡി​െ​ന്റ കു​ത്ത​നെ​യു​ള്ള ഭാ​ഗം കോ​ൺ​ക്രീ​റ്റ് ചെ​യ്ത് ബാ​ക്കി​വ​രു​ന്ന ഒ​രു കി​ലോ​മീ​റ്റ​ർ ദൂ​രം ടാ​റിം​ഗ് ചെ​യ്യ​ണ​മെ​ന്ന​ത് നാ​ട്ടു​കാ​രു​ടെ ദീ​ർ​ഘ​കാ​ല ആ​വ​ശ്യ​മാ​യി​രു​ന്നു. ക​ഴി​ഞ്ഞ ഭ​ര​ണ​സ​മി​തി​യു​ടെ അ​വ​സാ​ന കാ​ല​ത്ത് ഈ ​റോ​ഡ് 150 മീ​റ്റ​ർ ആ​ദ്യ ഘ​ട്ട​ത്തി​ൽ കോ​ൺ​ക്രീ​റ്റ് ചെ​യ്യാ​ൻ ടെ​ണ്ട​ർ ന​ട​പ​ടി​ക​ൾ പൂ​ർ​ത്തി​യാ​ക്കി. എ​ഗ്രി​മെ​ന്റ് വെ​ക്കാ​ത്ത ഈ ​​പ്രവൃത്തിയും ​തേ റോ​ഡി​ലെ വേ​റെ ഒ​രു ക​യ​റ്റ​വും കോ​ൺ​ക്രീ​റ്റ് ചെ​യ്യാ​ൻ നി​ല​വി​ലെ ഭ​ര​ണ സ​മി​തി ര​ണ്ട് പ്ര​വൃ​ത്തി​ക​ളി​ലാ​യി ടെ​ൻ​ഡ​ർ ചെ​യ്ത് 2022 മേ​യ് മാ​സം ക​രാ​റു​കാ​ര​ന് വ​ർ​ക്ക് ഓ​ർ​ഡ​ർ ന​ൽ​കി​യി​രു​ന്നു. നാ​ലു ല​ക്ഷ​ത്തി തൊ​ണ്ണൂ​റ്റി എ​ട്ടാ​യി​രം രൂ​പ വീ​ത​മു​ള്ള ര​ണ്ട് വ​ർ​ക്കു​ക​ളാ​ണ് ന​ട​ത്തേ​ണ്ട​ത്.

റോ​ഡി​ന്റെ നി​ർ​മാ​ണ പ്ര​വൃ​ത്തി തു​ട​ങ്ങു​ന്ന​തി​നോ​ട് അ​ധി​കാ​രി​ക​ൾ കാ​ണി​ക്കു​ന്ന അ​നാ​സ്ഥ​യ്ക്കെ​തി​രെ എ​ണ്ണ​പ്പാ​റ ഊ​രു​കൂ​ട്ട​ത്തി​ന്റെ നേ​തൃ​ത്വ​ത്തി​ൽ പ​ഞ്ചാ​യ​ത്ത് തൊ​ഴി​ലു​റ​പ്പ് ഒാ​ഫി​സ് ആ​ദി​വാ​സി​ക​ൾ ഉ​പ​രോ​ധി​ച്ച​തി​നെ​തു​ട​ർ​ന്ന് ക​ഴി​ഞ്ഞ ആ​സ്റ്റി​ൽ അ​മ്പ​ല​ത്ത​റ എ​സ്.​ഐ​യു​ടെ നേ​തൃ​ത്വ​ത്തി​ൽ ച​ർ​ച്ച​ന​ട​ത്തു​ക​യും ഒ​രാ​ഴ്ച​ക്ക​കം നി​ർ​മാ​ണം തു​ട​ങ്ങ​ണ​മെ​ന്ന് ക​രാ​റു​കാ​ര​നോ​ട് നി​ർ​ദേ​ശി​ക്കു​ക​യും ചെ​യ്തി​രു​ന്നു​വെ​ങ്കി​ലും ക​രാ​റു​കാ​ര​ൻ തീ​രു​മാ​ന​ങ്ങ​ൾ മു​ഖ​വി​ല​ക്കെ​ടു​ത്തി​ല്ലെ​ന്നാ​ണ് പ​രാ​തി.

സെ​പ്റ്റം​ബ​ർ 25 ന് ​ഊ​രി​ലെ യു​വാ​ക്ക​ൾ ക​രാ​റു​കാ​ര​െ​ന്റ വീ​ടി​ന് മു​ന്നി​ൽ കു​ത്തി​യി​രി​പ്പ് സ​മ​രം ന​ട​ത്താ​ൻ തീ​രു​മാ​നി​ച്ച വി​വ​ര​മ​റി​ഞ്ഞ് സ്പെ​ഷ​ൽ ബ്രാ​ഞ്ച് എ​സ്.​ഐ. രാ​മ​കൃ​ഷ്ണ​ന്റെ ഇ​ട​പെ​ട​ലി​നെ​തു​ട​ർ​ന്ന് ക​രാ​റു​കാ​ര​ൻ അ​ഞ്ച്​ ലോ​ഡ് ക​രി​ങ്ക​ൽ ജി​ല്ലി​യും എം​സാ​ൻ​ഡും ഇ​റ​ക്കി. ബാ​ക്കി പ്ര​വൃ​ത്തി​ക​ൾ ന​ട​ത്താ​ൻ ക​രാ​റു​കാ​ര​ൻ ഇ​തു​വ​രെ തി​രി​ഞ്ഞു നോ​ക്കി​യി​ട്ടി​ല്ലെ​ന്ന് ഊ​രി​ലെ അം​ഗ​ങ്ങ​ൾ പ​റ​യു​ന്നു. ക​ഴി​ഞ്ഞ ജൂ​ൺ എ​ട്ടി​ന് ഓം​ബു​ഡ്സ്മാ​ൻ സി​റ്റിം​ഗി​ൽ എ​ണ്ണ​പ്പാ​റ മ​ല​യാ​ളു​ക​ര റോ​ഡ് കോ​ൺ​ക്രീ​റ്റ് എ​ത്ര​യും​പെ​ട്ട​ന്ന് ചെ​യ്യാ​ൻ നി​ർ​ദ്ദേ​ശം ന​ൽ​കി​യി​രു​ന്നു എ​ങ്കി​ലും ക​രാ​റു​കാ​ര​ൻ മു​ഖ​വി​ല​ക്കെ​ടു​ക്കു​ന്നി​ല്ലെ​ന്നാ​ണ് ആ​ക്ഷേ​പം.

റോ​ഡ് കോ​ൺ​ക്രീ​റ്റ് ചെ​യ്യു​ന്ന​തി​നു​വേ​ണ്ടി തൊ​ഴി​ലു​റ​പ്പി​ൽ ഉ​ൾ​പ്പെ​ടു​ത്തി ആ​ദി​വാ​സി​ക​ൾ ത​ന്നെ ഈ ​റോ​ഡ് ലെ​വ​ൽ ചെ​യ്തി​രു​ന്നു. ക​ഴി​ഞ്ഞ മ​ഴ​യി​ൽ റോ​ഡ് മു​ഴു​വ​നാ​യി ത​ക​ർ​ന്നു. അ​ർ​ബു​ദ രോ​ഗി​ക​ളു​ൾ​പ്പ​ടെ അ​ഞ്ച് കി​ട​പ്പു​രോ​ഗി​ക​ളു​ള്ള ഊ​രി​ൽ റോ​ഡി​ല്ലാ​ത്ത​തി​നാ​ൽ വ​ലി​യ പ്ര​യാ​സം നേ​രി​ടു​ക​യാ​ണ്. എ​ത്ര​യും പെട്ടെ​ന്ന് റോ​ഡ് കോ​ൺ​ക്രീ​റ്റ് ചെ​യ്യാ​ത്ത പ​ക്ഷം ക​ടു​ത്ത സ​മ​ര പ​രി​പാ​ടി​ക​ൾ​ക്കി​റ​ങ്ങു​മെ​ന്ന് എ​ണ്ണ​പ്പാ​റ ഊ​രി​ലെ ആ​ദി​വാ​സി​ക​ൾ പ​റ​യു​ന്നു.