വീ​ട്ടു​മു​റ്റ​ത്ത് പൂ​മ്പാ​റ്റ​ക​ളു​ടെ ലോ​കം സൃ​ഷ്ടി​ച്ച് ഹ​രീ​ഷ്

നീ​ലേ​ശ്വ​രം: കാ​ലം തെ​റ്റാ​തെ ഈ ​വ​ർ​ഷ​വും ഹ​രീ​ഷി​ന്റെ തോ​ട്ട​ത്തി​ലേ​ക്ക് പൂ​മ്പാ​റ്റ​ക​ൾ പ​റ​ന്നെ​ത്തി. യു​വ ക​ർ​ഷ​ക​നും കാ​സ​ർ​കോ​ട് എ.​ആ​ർ ക്യാ​മ്പി​ലെ പൊ​ലീ​സ് ഉ​ദ്യോ​ഗ​സ്ഥ​നു​മാ​യ കോ​ളം​കു​ള​ത്തെ ഹ​രീ​ഷി​ന്റെ വീ​ട്ടു​മു​റ്റ​ത്തെ പൂ​ന്തോ​ട്ട​ത്തി​ലാ​ണ് പൂ​മ്പാ​റ്റ​ക​ൾ കൂ​ട്ട​ത്തോ​ടെ പ​റ​ന്ന് തേ​ൻ കു​ടി​ക്കാ​നെ​ത്തി​യ​ത്. കാ​ലം തെ​റ്റി​ക്കാ​തെ ദേ​ശാ​ട​നം ചെ​യ്ത് ക​രി​നീ​ല​ക്ക​ടു​വ ഇ​ന​ത്തി​ൽ​പെ​ട്ട നാ​ട​ൻ കി​ലു​ക്കാ​ൻപെ​ട്ടി വ​ർ​ഗ​ത്തി​ൽ​പെ​ടു​ന്ന​താ​ണ് ഈ ​പൂ​മ്പാ​റ്റ​ക​ൾ.

പൂ​മ്പാ​റ്റ​ക​ളെ മാ​ത്രം ആ​ക​ർ​ഷി​ക്കു​ന്ന ഈ ​ചെ​ടി​യി​ലേ​ക്ക് (റാ​റ്റി​ൽ വി​ഡ്) നൂ​റു​ക​ണ​ക്കി​ന് പൂ​മ്പാ​റ്റ​ക​ളാ​ണ് ദൂ​രെ​നി​ന്ന് പ​റ​ന്നെ​ത്തു​ന്ന​ത്. ഇ​വ​യോ​ടൊ​പ്പം നീ​ല, മ​ഞ്ഞ നി​റ​ങ്ങ​ളി​ലു​ള്ള മ​റ്റു പൂ​മ്പാ​റ്റ​ക​ളും വി​രു​ന്നു​വ​രു​ന്നു​ണ്ട്. തു​ട​ർ​ച്ച​യാ​യി അ​ഞ്ചാ​മ​ത്തെ വ​ർ​ഷ​മാ​ണ് പൂ​മ്പാ​റ്റച്ചെ​ടി ഹ​രീ​ഷ് വീ​ട്ടു​മു​റ്റ​ത്ത് ന​ട്ടു​വ​ള​ർ​ത്തു​ന്ന​ത്. എ​ല്ലാ​വ​ർ​ഷ​വും സെ​പ്റ്റം​ബ​ർ-​ഒ​ക്ടോ​ബ​ർ മാ​സ​ങ്ങ​ളി​ലാ​ണ് ഈ ​ചെ​ടി വ​ള​ർ​ന്നു​പ​ന്ത​ലി​ക്കു​ന്ന​ത്. സ​മ​യം കൃ​ത്യ​മാ​യി മ​ന​സ്സി​ലാ​ക്കി​വ​രു​ക​യും ചെ​ടി​യു​ടെ ഇ​ല​യു​ടെ നീ​ര് കു​ടി​ച്ചു തീ​ർ​ക്കു​ന്ന​ത്തോ​ടെ പൂ​മ്പാ​റ്റ​ക​ൾ അ​ടു​ത്ത ഇ​ടം​തേ​ടി പോ​വു​ക​യുമാണ് പ​തി​വ്.

നി​ല​വി​ൽ ജി​ല്ല​യി​ലെ ഒ​ട്ട​ന​വ​ധി സ​സ്യ​ങ്ങ​ളു​ടെ വി​ത്തു​ക​ൾ സം​ര​ക്ഷി​ക്കു​ന്ന മ​ണ്ണി​ന്റെ കാ​വ​ലാ​ൾ കൂ​ട്ടാ​യ്മ​ക്ക് നേ​തൃ​ത്വം വ​ഹി​ക്കു​ന്ന ഹ​രീ​ഷ് ജി​ല്ല​ക്ക് പു​റ​ത്തും ഒ​ട്ട​ന​വ​ധി ആ​ളു​ക​ൾ​ക്ക് വി​ത്തു​ക​ൾ കൈ​മാ​റി​യി​ട്ടു​ണ്ട്. ആ​ൺവ​ർ​ഗ​ത്തി​ൽ​പെ​ട്ട ചെ​ടി​ക​ളി​ലെ ഇ​ല​ക​ളി​ലെ തേ​ൻ മാ​ത്ര​മേ ഈ ​പൂ​മ്പാ​റ്റ​ക​ൾ കു​ടി​ക്കാ​റു​ള്ളൂ. പൂ​മ്പാ​റ്റ​ക​ളു​ടെ വ​ര​വി​നാ​യി ആ​റു​മാ​സം മു​മ്പ് ഹ​രീ​ഷ് വി​ത്തി​ട്ട് മു​ള​പ്പി​ച്ച് ചെ​ടി​ക​ളെ വ​ലു​താ​യി വ​ള​ർ​ത്തി​യെ​ടു​ക്കും. നി​ല​വി​ൽ കോ​ളം​കു​ള​ത്തെ ഹ​രീ​ഷി​ന്റെ വൃ​ന്ദാ​വ​നം ഹൗ​സി​ൽ പോ​യാ​ൽ നൂ​റു​ക​ണ​ക്കി​ന് പൂ​മ്പാ​റ്റ​ക​ളെ കാ​ണാം.