നീലേശ്വരം: ആദ്യ നീലേശ്വരം നഗരസഭയിൽ സ്ഥാനാർഥികളായ ഈ ദമ്പതികൾ വീണ്ടും തെരഞ്ഞെടുപ്പ് രംഗത്തേക്ക്. തൈക്കടപ്പുറം മുപ്പതിൽ കണ്ടത്തെ ടി.വി. ഉമേശനും ഭാര്യ കെ. രേണുകയുമാണ് തെരഞ്ഞെടുപ്പിൽ വീണ്ടും മത്സരിച്ച് സ്ഥാനാർഥിത്വം വീട്ടുകാര്യമാക്കുന്നത്.
നീലേശ്വരം നഗരസഭ യു.ഡി.എഫ് സ്ഥാനാർഥികളാണ് ഈ ദമ്പതികൾ. നഗരസഭ വാർഡ് അഞ്ച് ചിറപ്പുറത്ത് ഉമേശൻ മത്സരിക്കുമ്പോൾ ഭാര്യ രേണുക വാർഡ് 31 കണിചിറയിൽ ജനവിധി തേടുന്നു. ഉമശൻ സി.എം.പി (സി.പി.ജോൺ) ജില്ല ജോ. സെക്രട്ടറി കൂടിയാണ്. മുൻ കണ്ണൂർ കെൽട്രോൺ ഫുട്ബാൾ-കേരള ഫുട്ബാൾ ടീമംഗമായിരുന്നു. സി.എം.പി മഹിള ഫെഡറേഷെൻറ ജില്ല കമ്മിറ്റി അംഗമാണ് രേണുക. ഇരുവരും വ്യാഴാഴ്ച നാമനിർദേശ പത്രിക സമർപ്പിച്ചു.
ചിറപ്പുറം വാർഡിൽ ഉമേശെൻറ എതിരാളി മുൻ നഗരസഭ വിദ്യാഭ്യാസ സ്ഥിരം സമിതി അധ്യക്ഷൻ പി.പി. മുഹമ്മദ് റാഫിയാണ്. കണിച്ചിറ വാർഡിൽ രേണുക മുൻ വാർഡ് കൗൺസിലർ കെ. പ്രീതക്കെതിരെയാണ് മത്സരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.