കൊല്ലം: കടലിലെ കാഴ്ചകൾ നടന്നുകണ്ട് ആസ്വദിക്കാൻ അവസരമൊരുക്കുന്ന മിറാക്കിൾ എക്സ്പോക്ക് കൊല്ലം ആശ്രാമം മൈതാനത്ത് തുടക്കം. നീൽ എന്‍റർടെയ്ൻമെന്‍റി‍ൻെറ നേതൃത്വത്തിൽ 'മിറാകോളോ ദി വിസ്പറിങ് സീ' എന്ന പേരിൽ സംഘടിപ്പിച്ച പോർട്ടബിൾ അണ്ടർ വാട്ടർ ടണൽ അക്വേറിയം പ്രദർശനമാണ് കടലി‍ൻെറയും കടൽജീവികളുടെയും വർണകാഴ്ചകളൊരുക്കിയിരിക്കുന്നത്. ശനിയാഴ്ച തുടക്കമിട്ട പ്രദർശനം ജൂൺ 26 വരെ തുടരും. 18 രാജ്യങ്ങളിൽനിന്നുള്ള പതിനായിരത്തിലേറെ കടൽജീവികളും മത്സ്യങ്ങളും പ്രധാന ആകർഷണങ്ങളാണെന്ന് നീൽ എന്‍റർടെയ്ൻമെന്‍റ് ഡയറക്ടർ അർച്ചന ഉണ്ണി വാർത്തസമ്മേളനത്തിൽ പറഞ്ഞു. പ്രവർത്തന ദിവസങ്ങളിൽ വൈകീട്ട് മൂന്നുമുതൽ രാത്രി ഒമ്പതുവരെയും അവധി ദിവസങ്ങളിൽ രാവിലെ 11 മുതൽ രാത്രി ഒമ്പതുവരെയുമാണ് പ്രദർശനം. മുതിർന്നവർക്ക് 100 രൂപയും 10 വയസ്സിൽ താഴെ കുട്ടികൾക്ക് 50 രൂപയുമാണ് നിരക്ക്. സനദ്ദാന പ്രഖ്യാപന സമ്മേളനം കൊല്ലം: ഖാദിസിയ്യ ബിരുദദാന പ്രഖ്യാപന സമ്മേളനം ഈമാസം എഴിന് മൂന്നാംകുറ്റിയിൽ നടക്കും. വൈകീട്ട് അഞ്ചിന് ചേരുന്ന സമ്മേളനത്തിന് ഫസൽ കോയമ്മ അൽ ബുഖാരി തങ്ങൾ നേതൃത്വം നൽകും. പേരോട് അബ്ദുൽ റഹുമാൻ സഖാഫി മുഖ്യപ്രഭാഷണം നടത്തും. സംസ്ഥാന ഹജ്ജ് കമ്മിറ്റി ചെയർമാനും കേന്ദ്രഹജ്ജ് കമ്മിറ്റിയംഗവുമായ സി. മുഹമ്മദ് ഫൈസിക്ക് സ്വീകരണം നൽകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.