ശാസ്താംകോട്ട: ഭാര്യയുടെ പിതാവിനെയും മാതാവിനെയും കൊല്ലാൻ ശ്രമിച്ച കേസിലെ പ്രതിയെ പിടികൂടി. ശാസ്താംകോട്ട വേങ്ങ തുണ്ടിൽ തെക്കത്തിൽ ജയന്തി കോളനിയിൽ അക്കു എന്ന് വിളിക്കുന്ന നാസിം (22) ആണ് അറസ്റ്റിലായത്. കഴിഞ്ഞമാസം നാലിന് വൈകീട്ട് അഞ്ചിനാണ് കേസിനാസ്പദമായ സംഭവമുണ്ടായത്. പ്രതിയുടെ നവജാതശിശുവിന്‍റെ മുഖത്ത് കരി എഴുതിയെന്ന് ആരോപിച്ചുകൊണ്ട് ഭാര്യാമാതാവിനെ അസഭ്യം പറയുകയും മൺവെട്ടിയുടെ ഇരുമ്പ് പൈപ്പുകൊണ്ട് തലയിൽ അടിച്ച് മുറിവേൽപ്പിക്കുകയും ഭാര്യാപിതാവിനെ കത്തി കൊണ്ട് വെട്ടിപ്പരിക്കേൽപ്പിക്കുകയും ചെയ്തു. ഭാര്യാസഹോദരിയെ മർദിച്ചതായും പരാതിയിൽ പറയുന്നു. ശാസ്താംകോട്ട എസ്.എച്ച്.ഒ അനൂപിന്‍റെ നേതൃത്വത്തിൽ എസ്.ഐമാരായ എ.അനീഷ്, പ്രവീൺ പ്രകാശ്, സലിം എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.