തെരുവുവിളക്ക് തകർന്നിട്ട് വർഷങ്ങൾ

കൊട്ടിയം: അപകടങ്ങൾ പതിവായ ബൈപാസ് റോഡിൽ തെരുവുവിളക്ക് സ്ഥാപിച്ചിരുന്ന വൈദ്യുതി തൂണ് തകർന്നുകിടക്കാൻ തുടങ്ങിയിട്ട് വർഷങ്ങൾ. ഈ തൂണിലുണ്ടായിരുന്ന എൽ.ഇ.ഡി വിളക്ക് ഇപ്പോൾ കാണാനില്ല. ബൈപാസ് റോഡ് ആരംഭിക്കുന്ന മേവറത്ത് റോഡരികിലായാണ് വൈദ്യുതി തൂൺ കിടക്കുന്നത്. ഒന്നര വർഷം മുമ്പ് ഏതോ വാഹനം ഇടിച്ചാണ് തെരുവുവിളക്ക് സ്ഥാപിച്ചിരുന്ന വൈദ്യുതി തൂൺ തകർന്നുവീണത്.