കരുനാഗപ്പള്ളി: കരുനാഗപ്പള്ളി-കുന്നത്തൂര്‍ സംയോജിത കുടിവെള്ള പദ്ധതിക്ക് ഭരണാനുമതിയും സാങ്കേതിക അനുമതിയും ലഭിച്ചതായി സി.ആര്‍. മഹേഷ് എം.എല്‍.എ. 307 കോടി രൂപയാണ് പദ്ധതിക്കായി അനുവദിച്ചിരിക്കുന്നത്. കൂടാതെ 65.5 കോടി രൂപ നബാര്‍ഡ് ഫണ്ടുമുണ്ട്. കരുനാഗപ്പള്ളി നിയോജക മണ്ഡലത്തില്‍ തഴവ, തൊടിയൂര്‍, കുലശേഖരപുരം പഞ്ചായത്തുകളാണ് ഈ പദ്ധതിയില്‍ ഉള്‍പ്പെടുന്നത്. കല്ലടയാറില്‍ ഞാങ്കടവില്‍നിന്നുള്ള വെള്ളമാണ് പദ്ധതിയിലൂടെ വിതരണം ചെയ്യുന്നത്. ഇതിനായി ഐവര്‍കാല അമ്പുവിളയില്‍ ട്രീറ്റ്‌മൻെറ് പ്ലാൻറും നിര്‍മിക്കും. കല്ലടയാറില്‍ റോവാട്ടര്‍ കിണറും അമ്പുവിളയില്‍ ട്രീറ്റ്‌മൻെറ് പ്ലാൻറും ഉള്‍പ്പെടെ നിര്‍മിക്കുന്നതിനാണ് നബാര്‍ഡ് ഫണ്ട് അനുവദിച്ചിട്ടുള്ളത്. പദ്ധതിക്കായി എല്ലാ പഞ്ചായത്തിലും പ്രത്യേകം ഓവര്‍ഹെഡ് ടാങ്കുകളും നിര്‍മിക്കും. ഇതിനായി സ്ഥലം ഏറ്റെടുത്തു നല്‍കുന്ന നടപടികള്‍ അവസാനഘട്ടത്തിലാണ്. കുന്നത്തൂര്‍, പോരുവഴി, ശൂരനാട് വടക്ക് പഞ്ചായത്തുകളാണ് പദ്ധതിയില്‍ ഉള്‍പ്പെടുന്നത്. പദ്ധതിക്കായി 155 കിലോമീറ്റര്‍ പൈപ്പ് ലൈനുകള്‍ സ്ഥാപിക്കേണ്ടിവരും. 25000 ഗാര്‍ഹിക കണക്ഷനുകളും നല്‍കാനാകും. പദ്ധതി യാഥാർഥ്യമാകുന്നതോടെ തഴവ, തൊടിയൂര്‍, കുലശേഖരപുരം പഞ്ചായത്തുകളിലെ രൂക്ഷമായ കുടിവെള്ളക്ഷാമത്തിന് പരിഹാരമാകമെന്നും എം.എല്‍.എ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.