പത്തനാപുരം: പുലിയെക്കണ്ട് ഭയന്നോടിയ ടാപ്പിങ് തൊഴിലാളികൾക്ക് പരിക്കേറ്റു. സ്റ്റേറ്റ് ഫാമിങ് കോർപറേഷൻ ജീവനക്കാരനായ കുമരംകുടിയിൽ ക്വാർട്ടേഴ്സില്‍ താമസിക്കുന്ന ടാപ്പിങ് തൊഴിലാളി ശരത്തി (28) നാണ് പരിക്കേറ്റത്. ശനിയാഴ്ച രാവിലെയായിരുന്നു സംഭവം. കുമരംകുടി എസ്റ്റേറ്റിലെ ആനപ്പാറ ഭാഗത്ത് ടാപ്പിങ് ചെയ്തുകൊണ്ടിരിക്കെ കാട്ടിൽനിന്ന് കുരങ്ങിനെ പിന്തുടർന്നെത്തിയ പുലി ശരത്തിന് നേരെ തിരിയുകയായിരുന്നു. ശബ്ദം കേട്ട് ശരത് ഓടി രക്ഷപ്പെടാൻ ശ്രമിക്കവേ കാൽ വഴുതി വീണു. തുടർന്ന് പുലി സമീപത്തെ കുറ്റിക്കാട്ടിലേക്ക് ഓടിമറഞ്ഞു. ഫാമിങ് കോർപറേഷൻ എസ്റ്റേറ്റുകളിൽ തുടർച്ചയായി വന്യമൃഗശല്യം ഉണ്ടാകുന്നുണ്ട്. കാട്ടാനയുടെ ആക്രമണത്തിൽ കഴിഞ്ഞവര്‍ഷം ടാപ്പിങ് സൂപ്പർവൈസർ കുമരംകുടി എസ്റ്റേറ്റിൽ മരിച്ചിരുന്നു. വെള്ളംതെറ്റി, കടശ്ശേരി, കുമരംകുടി, അമ്പനാർ, മുള്ളുമല, ചെരിപ്പട്ടകാവ് മേഖലകളിൽ നിരവധി പേർ വന്യമൃഗങ്ങളെ കണ്ട് വിരണ്ടോടി അപകടത്തിൽപെടുകയും മാരകമായി പരിക്കേൽക്കുകയും ചെയ്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.