ശാസ്താംകോട്ട: കുന്നത്തൂർ താലൂക്കിൽ ഗോഡൗണിലെ തൊഴിൽ സമരം മൂലം റേഷൻ വിതരണം മുടങ്ങിയ സാഹചര്യത്തിൽ പ്രശ്നത്തിൽ ഭക്ഷ്യമന്ത്രി ഇടപെടണമെന്ന് കേരള സ്‌റ്റേറ്റ് റീെട്ടയിൽ റേഷൻ ഡീലേഴ്സ് അസോസിയേഷൻ കുന്നത്തൂർ താലൂക്ക് കമ്മിറ്റി ആവശ്യപ്പെട്ടു. അടിയന്തരമായി ഈ മാസം 22ന് മുമ്പ് ഭക്ഷ്യധാന്യങ്ങൾ എത്തിക്കാൻ നടപടി സ്വീകരിക്കണം. അല്ലാത്തപക്ഷം ശക്തമായ പ്രക്ഷോഭം ആരംഭിക്കാനും യോഗം തീരുമാനിച്ചു. സംസ്ഥാന സെക്രട്ടറി കുറ്റിയിൽ ശ്യാം ഉദ്ഘാടനം ചെയ്തു. താലൂക്ക് പ്രസിഡൻറ് എൻ.ആർ. കുറുപ്പ് അധ്യക്ഷത വഹിച്ചു. ജനറൽ സെക്രട്ടറി ബഷീർ റാവുത്തർ, ചന്ദ്രശേഖര പിള്ള, സോമൻ പിള്ള, മജീദ് റാവുത്തർ, ശാന്തകുമാർ, രാമചന്ദ്രൻ പിള്ള, വിശ്വനാഥൻ, ജോയി, റിയാസ്, ജനാർദനൻ പിള്ള, നിധിൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.