കുന്നിടിഞ്ഞുവീണ്​ വഴി നഷ്​ടപ്പെട്ട കുടുംബം ദുരിതത്തിൽ

കണ്ണനല്ലൂർ: മണ്ണിടിഞ്ഞുവീണതോടെ വീട്ടിലേക്കുള്ള വഴി നഷ്​ടപ്പെട്ട കുടുംബം ദുരിതത്തിൽ. തമിഴ്നാട് സ്വദേശിയായ വിജയലക്ഷ്​മി ഭവനിൽ ചന്ദ്രകലക്കും കുടുംബത്തിനുമാണ് വീട്ടിലേക്കുള്ള വഴി നഷ്​ടമായത്. മണ്ണിടിച്ചിലുണ്ടായ കുന്നിന് മുകളിലൂടെയായിരുന്നു ഇവരുടെ വീട്ടിലേക്കുള്ള വഴി. മണ്ണെടുത്തുതുടങ്ങിയപ്പോൾ തന്നെ വഴി തകർന്നുവീഴാൻ ഇടയാകുമെന്ന് പലരോടും പറഞ്ഞെങ്കിലും ആരും ചെവിക്കൊണ്ടില്ലെന്ന് ഇവർ പറയുന്നു. നടപ്പാത നഷ്​ടമായതോടെ ഇവർ ഒറ്റപ്പെട്ട നിലയിലായി. അതേസമയം, ഇവരുടെ വഴി ബലപ്പെടുത്താൻ സംരക്ഷണഭിത്തി നിർമിക്കാൻ ശ്രമിച്ചതാണെന്നാണ് പറയുന്നത്.