ചവറ സൗത്ത്: ചവറ തെക്കുംഭാഗത്ത് പച്ചക്കറിക്കടക്ക് ഭാഗികമായി തീപിടിച്ചു. നടയ്ക്കാവില്‍ കാട്ടില്‍ ശ്രീധരന്‍ പിളളയുടെ ഉടമസ്ഥതയിലുള്ള ശ്രീഭദ്ര പച്ചക്കറിക്കടയാണ് കത്തിയത്. വ്യാഴാഴ്ച രാത്രി 8.15ഓടെയായിരുന്നു സംഭവം. കട പൂട്ടിയശേഷം കടയില്‍നിന്ന് തീയും പുകയും ഉയരുന്നതുകണ്ട് സമീപത്ത് കച്ചവടം നടത്തിയിരുന്നവർ വിവരം പൊലീസിനെയും ചവറ അഗ്നിരക്ഷാസേനയെയും അറിയിച്ചു. കമ്പ്യൂട്ടര്‍, നിരീക്ഷണ കാമറ, സ്വിച്ച് ബോര്‍ഡ് എന്നിവ പൂര്‍ണമായും കത്തിനശിച്ചു. പച്ചക്കറിക്കും കേടുപറ്റി. ഏകദേശം 75000 രൂപയുടെ നഷ്ടം കണക്കാക്കുന്നു. സംഭവം അറിഞ്ഞ് ഉടന്‍ തന്നെ പൊലീസുമെത്തി. സമീപത്തുള്ളവരും നാട്ടുകാരും തീ പടര്‍ന്ന് പിടിക്കുന്നതിന് മുമ്പുതന്നെ അണച്ചു. ഷോര്‍ട്ട് സര്‍ക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം. chavara212 ചവറ തെക്കുഭാഗത്ത് തീപിടിച്ച് പച്ചക്കറിക്കടയിലെ സ്വിച്ച് ബോര്‍ഡും മറ്റും കത്തിയ നിലയില്‍
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.