കൊട്ടാരക്കര: കേരള കോൺഗ്രസ് (ബി) ചെയർമാനും മന്ത്രിയുമായിരുന്ന ആർ. ബാലകൃഷ്ണപിള്ളയുടെ ഒന്നാം ചരമവാർഷികം വിപുലമായി ആചരിക്കും. മേയ് മൂന്നിന് വൈകീട്ട് കൊട്ടാരക്കര മാർത്തോമ്മ ജൂബിലി മന്ദിരത്തിൽ നടക്കുന്ന അനുസ്മരണ സമ്മേളനത്തിൽ വിവിധതുറയിലുള്ള പ്രമുഖർ പങ്കെടുക്കും. ബാലകൃഷ്ണപിള്ളയുടെ വാളകത്തുള്ള ബലികുടീരത്തിൽനിന്ന് രണ്ടിന് വൈകീട്ട് നാലിന് യൂത്ത് ഫ്രണ്ട് (ബി) യുടെ നേതൃത്വത്തിൽ ദീപശിഖ പ്രയാണം ആരംഭിച്ച് സമ്മേളനസ്ഥലത്ത് സമാപിക്കും. മൂന്നിന് രാവിലെ 10ന് കൊട്ടാരക്കര താലൂക്കാശുപത്രിയിൽ 50 ഓളം പാർട്ടി പ്രവർത്തകർ രക്തദാനം നടത്തും. ഉച്ചക്ക് 12ന് താലൂക്കാശുപത്രിയിൽ അന്നദാനം നടത്തും. തുടർന്ന് ജൂബിലി മന്ദിരത്തിലുള്ള ആർ. ബാലകൃഷ്ണപിള്ളയുടെ സ്മൃതി മണ്ഡപത്തിൽ പുഷ്പാർച്ചനയും അനുസ്മരണ സമ്മേളനവും നടക്കും. പ്രവർത്തകർ അവയവദാന സമ്മതപത്രം ഒപ്പിട്ട് പാർട്ടി നേതാക്കൾക്ക് നൽകും. കേരളം മുഴുവനുമുള്ള അഗതിമന്ദിരത്തിൽ ഭക്ഷണം നൽകും. കൊട്ടാരക്കരയിൽ ആർ. ബാലകൃഷ്ണപിള്ളക്കായി സാംസ്കാരിക രാഷ്ട്രീയപഠന കേന്ദ്രം സ്ഥാപിക്കും. നടപടികൾ സംബന്ധിച്ച് മന്ത്രിയും സ്ഥലം എം.എൽ.എയുമായ കെ.എൻ. ബാലഗോപാലിനോട് സംസാരിച്ചതായി കെ.ബി. ഗണേഷ് കുമാർ എം.എൽ.എ പറഞ്ഞു. ബജറ്റിൽ രണ്ടു കോടി രൂപയാണ് ആർ. ബാലകൃഷ്ണപിള്ള സാംസ്കാരിക കേന്ദ്രത്തിനായി അനുവദിച്ചിരുന്നത്. ഇതു നടപ്പാക്കാൻ ഇടപെടും. കൊട്ടാരക്കര നഗരസഭയിൽ അനുയോജ്യമായ സ്ഥലത്ത് ബാലകൃഷ്ണപിള്ളയുടെ വെങ്കല പ്രതിമ സ്ഥാപിക്കും. ഇതിനായി സ്ഥലം നഗരസഭ കണ്ടെത്തും. പ്രതിമക്കായുള്ള പണം കൂട്ടായ്മയിലൂടെ സംഘടിപ്പിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.