കൊല്ലം: ഐ.എൻ.ടി.യു.സി സംസ്ഥാന പ്രസിഡന്റ് തെരഞ്ഞെടുപ്പിന്റെ തുടർ നടപടികൾ എറണാകുളം മുൻസിഫ് കോടതി സ്റ്റേ ചെയ്ത സാഹചര്യത്തിൽ സംസ്ഥാന പ്രസിഡന്റ് ആർ. ചന്ദ്രശേഖരനെ മാറ്റിനിർത്തി അഡ്ഹോക് കമ്മിറ്റിക്ക് രൂപം നൽകണമെന്ന് അഫിലിയേറ്റഡ് ഐ.എൻ.ടി.യു.സി യൂനിയനുകൾ. ഈ ആവശ്യം ഉന്നയിച്ച് അഖിലേന്ത്യ പ്രസിഡന്റ് സഞ്ജീവ റെഡ്ഡിക്ക് നിവേദനം നൽകിയതായി സംയുക്ത ഐ.എ.ൻ.ടി.യു.സി അഫിലിയേറ്റ് യൂനിയൻ നേതാക്കൾ വാർത്ത സമ്മേളനത്തിൽ അറിയിച്ചു. വൈദ്യുതി ബോർഡിലെ ഐ.എൻ.ടി.യു.സി യൂനിയനെ ഹിതപരിശോധനയിൽ പരാജയപ്പെടുത്തുന്നതിന് സി.പി.ഐ (എം.എൽ) യൂനിയനുമായി ചേർന്ന ചന്ദ്രശേഖരന് പ്രവർത്തകർ മാപ്പുതരില്ലെന്ന് അവർ പറഞ്ഞു. ജില്ല, സംസ്ഥാന തെരഞ്ഞെടുപ്പുകളിൽ കൃത്രിമം നടത്തിയാണ് ചന്ദ്രശേഖരനും അദ്ദേഹത്തെ അനുകൂലിക്കുന്നവരും ജയിച്ചത്. യഥാർഥത്തിൽ രണ്ടു ലക്ഷം പേർ പോലുമില്ലാത്ത ഐ.എൻ.ടി.യു.സിക്ക് 18 ലക്ഷം തൊഴിലാളികളുണ്ടെന്ന് അവകാശപ്പെടുന്നത് ഇത്തരത്തിലുള്ള കടലാസ് യൂനിയനുകളുടെ പേരിലാണ്. കൊല്ലം ജില്ലയിലും ഇത്തരം അട്ടിമറി നടന്നതായി അവർ ചൂണ്ടിക്കാട്ടി. വാർത്ത സമ്മേളനത്തിൽ ഐ.എൻ.ടി.യു.സി സംസ്ഥാന സെക്രട്ടറി അഡ്വ. ഇ. യൂസഫ് കുഞ്ഞ്, വൈസ് പ്രസിഡന്റ് അഡ്വ. കല്ലട കുഞ്ഞുമോൻ, സംസ്ഥാന ജില്ല ഭാരവാഹികളായിരുന്ന സുഭാഷ് കലവറ, കുന്നത്തൂർ പ്രസാദ്, വലിയവിള വേണു, കുരീപുഴ വിജയൻ, പരവൂർ ഹക്കിം, കൊട്ടിയം ഗോപൻ, മനക്കര സാലി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.