കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി​യി​ൽ അ​തി​ക്ര​മം തു​ട​ർ​ക്ക​ഥ

കൊ​ട്ടാ​ര​ക്ക​ര: ഡോ. ​വ​ന്ദ​ന​ദാ​സി​നെ കൊ​ല​പ്പെ​ടു​ത്തി​യി​ട്ട് ഒ​രാ​ണ്ട്​ പി​ന്നി​ട്ട​തി​ന്​ പി​ന്നാ​ലെ കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി​യി​ൽ​ അ​തി​ക്ര​മ​ത്തി​ന്‍റെ ത​നി​യാ​വ​ർ​ത്ത​നം. യൂ​ത്ത് കോ​ൺ​ഗ്ര​സ് സം​സ്ഥാ​ന ജ​ന​റ​ൽ സെ​ക്ര​ട്ട​റി​യും ന​ഗ​ര​സ​ഭ കൗ​ൺ​സി​ല​റു​മാ​യ പ​വി​ജ​യും ഡി.​വൈ.​എ​ഫ്.​ഐ ഏ​രി​യ ക​മ്മി​റ്റി മു​ൻ അം​ഗ​വും ഭ​ർ​ത്താ​വു​മാ​യ സു​മേ​ഷും ഉ​ൾ​പ്പെ​ട്ട സം​ഘം താ​ലൂ​ക്ക് ആ​ശു​പ​ത്രി സെ​ക്യൂ​രി​റ്റി ജീ​വ​ന​ക്കാ​ർ​ക്കു​നേ​രെ അ​തി​ക്ര​മം അ​ഴി​ച്ചു​വി​ട്ട​ത്​ ക​ഴി​ഞ്ഞ ദി​വ​സ​മാ​ണ്. ഇ​തി​ൽ ഏ​ഴു സെ​ക്യൂ​രി​റ്റി ജീ​വ​ന​ക്കാ​ർ​ക്ക് പ​രി​ക്കേ​റ്റു.

ആ​റു​മാ​സം മു​മ്പ് സെ​ക്യൂ​രി​റ്റി ജീ​വ​ന​ക്കാ​ര​ന്‍റെ ത​ല​യി​ൽ​ ക​ല്ലു​കൊ​ണ്ട് ഇ​ടി​ച്ച്​ പ​രി​ക്കേ​ൽ​പ്പി​ച്ച​ത്​ ഇ​വി​ടു​ത്തെ അ​തി​ക്ര​മ​ത്തി​ന്‍റെ മ​റ്റൊ​രു ഉ​ദാ​ഹ​ര​ണം. ഡോ. ​വ​ന്ദ​ന​ദാ​സ്​ കൊ​ല്ല​പ്പെ​ട്ട സം​ഭ​വ​ത്തി​നു​ശേ​ഷം കൂ​ടു​ത​ൽ സെ​ക്യൂ​രി​റ്റി ജീ​വ​ന​ക്കാ​രെ നി​യ​മി​ച്ചി​രു​ന്നു. എ​ന്നാ​ൽ, ഇ​വ​ർ​ക്ക് ജീ​വ​ന് ഭീ​ഷ​ണി​യാ​കു​ന്ന സം​ഭ​വ​ങ്ങ​ളാ​ണ് പു​റ​ത്തു​വ​രു​ന്ന​ത്. ചു​രു​ങ്ങി​യ കാ​ല​ത്തി​നു​ള്ളി​ൽ അ​തി​ക്ര​മ​വു​മാ​യി ബ​ന്ധ​പ്പെ​ട്ട് 70 ത​വ​ണ​യാ​ണ്​ ആ​ശു​പ​ത്രി ജീ​വ​ന​ക്കാ​ർ പ്ര​തി​ഷേ​ധ യോ​ഗം ചേ​ർ​ന്ന​ത്. രാ​ത്രി​യി​ൽ മ​ദ്യ​ല​ഹ​രി​യി​ൽ ആ​ശു​പ​ത്രി​യി​ൽ എ​ത്തു​ന്ന​വ​രാ​ണ് പ്ര​ശ്ന​ക്കാ​രി​ൽ ഭൂ​രി​പ​ക്ഷ​വും.

സെ​ക്യൂ​രി​റ്റി ജീ​വ​ന​ക്കാ​ർ​ക്ക് പ​ല​പ്പോ​ഴും ഇ​വ​രെ നി​യ​ന്ത്രി​ക്കാ​നാ​വു​ന്നി​ല്ല. ആ​ശു​പ​ത്രി​യി​ൽ പൊ​ലീ​സ് എ​യ്ഡ് പോ​സ്റ്റ് ഉ​ണ്ടെ​ങ്കി​ലും ഒ​രാ​ൾ മാ​ത്ര​മാ​ണ് അ​വി​ടു​ള്ള​ത്. രാ​ത്രി​യി​ൽ കൂ​ടു​ത​ൽ പൊ​ലീ​സു​കാ​രെ നി​യ​മി​ക്ക​ണ​മെ​ന്ന ആ​വ​ശ്യം അ​ധി​കൃ​ത​ർ അ​വ​ഗ​ണി​ക്കു​ക​യാ​ണ്.