പലചരക്ക് മൊത്ത വ്യാപാര സ്ഥാപനങ്ങളിൽ പരിശോധന

കൊ​ട്ടാ​ര​ക്ക​ര: പൊ​തു വി​പ​ണി​യി​ൽ അ​രി​യു​ടെ വി​ല ക്ര​മാ​തീ​ത​മാ​യി വ​ർ​ധി​ക്കു​ന്ന സാ​ഹ​ച​ര്യ​ത്തി​ലും നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല​ക്ക​യ​റ്റം, ക​രി​ഞ്ച​ന്ത, പൂ​ഴ്ത്തി​വെ​പ്പ്, മ​റി​ച്ചു​വി​ൽ​പ​ന എ​ന്നി​വ ത​ട​യു​ന്ന​തി​നും താ​ലൂ​ക്ക് സ​പ്ലൈ ഓ​ഫി​സ​ർ ജോ​ൺ തോ​മ​സി​ന്‍റെ നേ​തൃ​ത്വ​ത്തി​ൽ പൊ​തു​വി​ത​ര​ണം, ഭ​ക്ഷ്യ സു​ര​ക്ഷ, ലീ​ഗ​ൽ മെ​ട്രോ​ള​ജി, റ​വ​ന്യൂ എ​ന്നീ വ​കു​പ്പു​ക​ൾ ചേ​ർ​ന്ന് കൊ​ട്ടാ​ര​ക്ക​ര​യി​ലെ വി​വി​ധ സ്ഥ​ല​ങ്ങ​ളി​ൽ പ​ല​ച​ര​ക്ക് മൊ​ത്ത വ്യാ​പാ​ര സ്ഥാ​പ​ന​ങ്ങ​ളി​ൽ പ​രി​ശോ​ധ​ന ന​ട​ത്തി.

ആ​ന്ധ്ര​യി​ൽ​നി​ന്നു​ള്ള അ​രി വ​ര​വ് കു​റ​ഞ്ഞ​താ​ണ് പൊ​തു വി​പ​ണി​യി​ൽ അ​രി​വി​ല വ​ർ​ധി​ക്കാ​ൻ കാ​ര​ണ​മെ​ന്ന് വ്യാ​പാ​രി​ക​ൾ അ​റി​യി​ച്ചു. മൊ​ത്ത വ്യാ​പാ​രി പ്ര​തി​നി​ധി​ക​ളു​മാ​യി താ​ലൂ​ക്ക് സ​പ്ലൈ ഓ​ഫി​സ​ർ സം​സാ​രി​ച്ച​തി​ൽ കു​റ​ഞ്ഞ വി​ല​ക്ക്​ നേ​ര​ത്തേ സ്റ്റോ​ക്ക് ചെ​യ്തി​ട്ടു​ള്ള ജ​യ അ​രി, കു​റ​ഞ്ഞ വി​ല​യ്ക്ക് ത​ന്നെ ഉ​പ​ഭോ​ക്താ​ക്ക​ൾ​ക്ക് ന​ൽ​കാ​മെ​ന്ന് ധാ​ര​ണ​യാ​യി.

വി​ൽ​പ​ന​യി​ൽ ചെ​റി​യ ലാ​ഭം മാ​ത്ര​മേ എ​ടു​ക്കാ​വൂ എ​ന്ന് താ​ലൂ​ക്ക് സ​പ്ലൈ ഓ​ഫി​സ​ർ വ്യാ​പാ​രി​ക​ൾ​ക്ക് നി​ർ​ദേ​ശം ന​ൽ​കി. ഒ​രു വ്യാ​പാ​രി​ക്ക് നോ​ട്ടീ​സ്​ ന​ൽ​കി. പ​രി​ശോ​ധ​ന രാ​വി​ലെ 9.40 ന് ​ആ​രം​ഭി​ച്ച് ഉ​ച്ച​ക്ക്​ അ​വ​സാ​നി​ച്ചു. പ​രി​ശോ​ധ​ന​യി​ൽ ഫു​ഡ് സേ​ഫ്റ്റി ഓ​ഫി​സ​ർ ഡോ. ​ല​ക്ഷ്മി നാ​യ​ർ, റേ​ഷ​നി​ങ് ഇ​ൻ​സ്​​പെ​ക്ട​ർ​മാ​രാ​യ എ​ച്ച്. ഷ​മീം, എ​ൽ. ര​ശ്മി, എ​സ്. ദി​വ്യ, ലീ​ഗ​ൽ മെ​ട്രോ​ള​ജി അ​സി. ഇ​ൻ​സ്​​പെ​ക്ട​ർ ആ​ർ. രാ​ജേ​ഷ് എ​ന്നി​വ​ർ പ​ങ്കെ​ടു​ത്തു.