സന്തോഷ്, പ്രദീപ് കുമാർ
കൊല്ലം: ശാസ്താംകോട്ട ഭാഗങ്ങളിൽ കൊല്ലം എക്സൈസ് സ്പെഷൽ സ്‌ക്വാഡ് നടത്തിയ റെയ്ഡിൽ വ്യാജ മദ്യവുമായി സഹോദരന്മാർ പിടിയിലായി. കൊല്ലം എക്സൈസ് സ്പെഷൽ സ്കോഡ് സർക്കിൾ ഇൻസ്പെക്ടർ ടോണി ജോസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ അസി.എക്സൈസ് ഇൻസ്പെക്ടർ എം. മനോജ് ലാലിന്റെ നേതൃത്വത്തിലുള്ള ഷാഡോ സംഘമാണ് പ്രതികളെ പിടികൂടിയത്.
200 എം.എൽ പ്ലാസ്റ്റിക് കുപ്പികളിൽ നിറച്ച വ്യാജ മദ്യത്തിന്റെ 50 കുപ്പികൾ പിടിച്ചെടുത്തു. ശൂരനാട് വടക്ക് പടിഞ്ഞാറ്റം വിനോദ് ഭവനത്തിൽ സന്തോഷ് (39), സഹോദരൻ പ്രദീപ് കുമാർ (41) എന്നിവരാണ് പിടിയിലായത്. വീട്ടിൽ ബാറിന് സമാനമായ രീതിയിൽ എല്ലാവിധ സജ്ജീകരണങ്ങളോടും കൂടിയാണ് വ്യാജ മദ്യ വിൽപന നടത്തിവന്നത്.
നിരവധി അബ്കാരി കേസുകളിൽ പ്രതികളാണിവർ. അന്തർ സംസ്ഥാന തൊഴിലാളികളും പ്രദേശത്തെ കൂലിപ്പണിക്കാരുമാണ് സ്ഥിരം പതിവുകാർ. എക്സൈസ് ഷാഡോ സംഘം വേഷ പ്രച്ഛന്നരായി അന്തർ സംസ്ഥാന തൊഴിലാളികളോടൊപ്പം പോയാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.