അപകടമൊളിപ്പിച്ച കിണറുകളെ സൂക്ഷിക്കണം

കൊ​ല്ലം: വേ​ന​ൽ ക​ത്തു​മ്പോ​ൾ കി​ണ​റു​ക​ൾ വ​റ്റി​വ​ര​ളു​ന്ന സ്ഥി​തി രൂ​ക്ഷ​മാ​ക​വെ ആ​ഴ​ങ്ങ​ളി​ൽ മ​ര​ണം അ​പ്ര​തീ​ക്ഷി​ത പി​ടി​മു​റു​ക്കു​ന്ന സം​ഭ​വ​ങ്ങ​ളും പ​തി​വാ​കു​ന്നു. ഒ​രാ​ഴ്ച​ക്കു​ള്ളി​ൽ ജി​ല്ല​യി​ൽ മൂ​ന്ന്​ പേ​ർ​ക്കാ​ണ്​ കി​ണ​റാ​ഴ​ങ്ങ​ളി​ൽ ശ്വാ​സം കി​ട്ടാ​തെ ജീ​വ​ൻ ന​ഷ്ട​മാ​യ​ത്.

ക​ട​യ്ക്ക​ലി​ൽ കി​ണ​റി​ൽ വീ​ണ ആ​ടി​നെ ര​ക്ഷി​ക്കാ​നി​റ​ങ്ങി​യ 25കാ​ര​ൻ മ​രി​ച്ച​താ​ണ്​ ജി​ല്ല​യി​ൽ ഈ ​മാ​സം തു​ട​ക്ക​ത്തി​ൽ ത​ന്നെ ന​ട​ന്ന ആ​ദ്യ കി​ണ​ർ ദു​ര​ന്തം. കു​ന്നി​ക്കോ​ട്​ കി​ണ​ർ വൃ​ത്തി​യാ​ക്കാ​ൻ ഇ​റ​ങ്ങി​യ 61കാ​ര​നും ശ്വാ​സം​മു​ട്ടി മ​രി​ച്ചു. ഇ​തി​ന്​ പി​ന്നാ​ലെ​യാ​ണ്​ ക​ഴി​ഞ്ഞ ദി​വ​സം ശാ​സ്താം​കോ​ട്ട​യി​ൽ കി​ണ​റ്റി​ൽ വീ​ണ വ​ള്ളി​പ​യ​ർ എ​ടു​ക്കാ​ൻ ഇ​റ​ങ്ങി​യ വ​യോ​ധി​ക​നാ​യ ക​ർ​ഷ​ക​നും ജീ​വ​ശ്വാ​സം ല​ഭി​ക്കാ​തെ മ​രി​ച്ച​ത്.

കി​ണ​റി​നു​ള്ളി​ൽ വി​ഷ​വാ​ത​കം ശ്വ​സി​ച്ച്​ തൊ​ഴി​ലാ​ളി​ക​ൾ മ​രി​ച്ച സം​ഭ​വം ഉ​ൾ​പ്പെ​ടെ ക​ഴി​ഞ്ഞ വ​ർ​ഷ​ങ്ങ​ളി​ൽ നി​ര​വ​ധി കി​ണ​ർ അ​പ​ക​ട​മ​ര​ണ​ങ്ങ​ൾ​ക്ക്​ ജി​ല്ല സാ​ക്ഷ്യം​വ​ഹി​ച്ചി​രു​ന്നു. അ​പ്പോ​ഴൊ​ക്കെ​യും നി​ര​വ​ധി മു​ന്ന​റി​യി​പ്പു​ക​ൾ ന​ൽ​കി​യി​ട്ടും ഇ​​പ്പോ​ഴും കി​ണ​റു​ക​ളി​ൽ ജീ​വ​ൻ പൊ​ലി​യു​ന്ന സം​ഭ​വ​ങ്ങ​ൾ പ​തി​വാ​കു​ക​യാ​ണ്.

അ​പ​ക​ട സാ​ധ്യ​ത ആ​ലോ​ചി​ക്കാ​തെ, മു​ൻ​ക​രു​ത​ലി​ല്ലാ​തെ കി​ണ​റു​ക​ളി​ൽ ഇ​റ​ങ്ങു​ന്ന​താ​ണ്​ അ​പ​ക​ട​ങ്ങ​ൾ​ക്ക്​ വ​ഴി​വെ​ക്കു​ന്ന​തെ​ന്ന്​ അ​ഗ്നി​ര​ക്ഷാ​സേ​ന അ​ധി​കൃ​ത​ർ ഉ​ൾ​പ്പെ​ടെ പ​റ​യു​ന്നു. കി​ണ​റി​നു​ള്ളി​ൽ ഓ​ക്സി​ജ​ൻ സാ​ന്നി​ധ്യം കു​റ​യു​ന്ന​താ​ണ്​ അ​പ​ക​ട​ങ്ങ​ൾ​ക്ക്​ പ്ര​ധാ​ന​മാ​യും കാ​ര​ണ​മാ​കു​ന്ന​ത്.

ഇ​തു​കൂ​ടാ​തെ​യാ​ണ്​ വി​ഷ​വാ​ത​ക​ങ്ങ​ളാ​യ കാ​ർ​ബ​ൺ മോ​ണോ​ക്സൈ​ഡ്, കാ​ർ​ബ​ൺ​ഡ​യോ​ക്സൈ​ഡ്, ഹൈ​ഡ്ര​ജ​ൻ സ​ൾ​ഫൈ​റ്റ്, മീ​ഥൈ​ൻ എ​ന്നി​വ​യു​ടെ സാ​ന്നി​ധ്യ​വും അ​പ​ക​ട​ത്തി​ലേ​ക്ക്​ ന​യി​ക്കു​ന്നു. കി​ണ​റ്റി​ൽ ഇ​റ​ങ്ങു​ന്ന​തി​ന്​ മു​മ്പ്​ അ​ഗ്നി​ര​ക്ഷാ​സേ​ന​യെ വി​വ​ര​മ​റി​യി​ക്ക​ണം എ​ന്ന​തു​ൾ​പ്പെ​ടെ നി​ർ​ദേ​ശ​ങ്ങ​ൾ പാ​ലി​ക്ക​പ്പെ​ടു​ന്ന​തേ​യി​ല്ല.

മോ​ട്ടോ​ർ ഘ​ടി​പ്പി​ച്ച, വാ​യു​സ​ഞ്ചാ​രം ഇ​ല്ലാ​ത്ത കി​ണ​റു​ക​ളി​ൽ ഇ​റ​ങ്ങു​ന്ന​തി​ന്​ മു​മ്പ്​ ഓ​ക്സി​ജ​ൻ സാ​ന്നി​ധ്യം ഉ​റ​പ്പാ​ക്ക​ണ​മെ​ന്ന പ്രാ​ഥ​മി​ക പാ​ഠം ഓ​ർ​ത്താ​ൽ ത​ന്നെ മ​തി​യാ​കും അ​പ്ര​തീ​ക്ഷി​ത ദു​ര​ന്ത​ത്തി​ൽ നി​ന്ന്​ ര​ക്ഷ​നേ​ടാ​ൻ.

ഇ​ക്കാ​ര്യ​ങ്ങ​ൾ ഓ​ർ​ക്കാം:

• വി​ഷ​വാ​ത​ക സാ​ന്നി​ധ്യം തി​രി​ച്ച​റി​യാ​ൻ മെ​ഴു​കു​തി​രി​യോ ക​ട​ലാ​സോ ക​ത്തി​ച്ച് കി​ണ​റ്റി​ൽ ഇ​റ​ക്കു​ക. തീ ​കെ​ട്ടു​പോ​കു​ന്ന​തി​ന്​ താ​ഴേ​ക്ക്​ ഓ​ക്സി​ജ​ൻ കു​റ​വാ​യി​രി​ക്കും.
• ഓ​ക്‌​സി​ജ​ന്‍ ല​ഭി​ക്കാ​ന്‍ വെ​ള്ളം കോ​രി കി​ണ​റ്റി​ലേ​ക്ക്​ പ​ല​ത​വ​ണ ഒ​ഴി​ക്കു​ക. മ​ര​ച്ചി​ല്ല​ക​ൾ മു​ക​ളി​ലേ​ക്കും താ​ഴേ​ക്കും പ​ല​ത​വ​ണ ഇ​റ​ക്കി ക​യ​റ്റാം.
• കി​ണ​റ്റി​ൽ ഇ​റ​ങ്ങു​ന്ന​തി​ന്​ മു​മ്പ്​ അ​ഗ്നി​ര​ക്ഷാ​സേ​ന​യെ വി​വ​ര​മ​റി​യി​ക്കു​ക.
• ശ​രീ​ര​ത്തി​ൽ വ​ടം​കെ​ട്ടി​യി​ട്ട്​ വേ​ണം കി​ണ​റ്റി​ൽ ഇ​റ​ങ്ങേ​ണ്ട​ത്.
• മു​ക​ളി​ൽ​നി​ന്ന്​ വ​ലി​ച്ചു​ക​യ​റ്റാ​ൻ ക​ഴി​യു​ന്ന രീ​തി​യി​ൽ വേ​ണം വ​ടം ശ​രീ​ര​ത്തി​ൽ കെ​ട്ടേ​ണ്ട​ത്.
• ശ്വ​സ​ന ഉ​പ​ക​ര​ണ​ങ്ങ​ൾ ഉ​പ​യോ​ഗി​ക്കു​ന്ന​ത്​ ശീ​ല​മാ​ക്കാം.
• കി​ണ​റി​നു​ള്ളി​ൽ ഇ​റ​ങ്ങി​യ ആ​ൾ കു​ഴ​ഞ്ഞു​വീ​ണാ​ൽ മു​ക​ളി​ൽ​നി​ന്ന്​ തു​ട​ർ​ച്ച​യാ​യി വെ​ള്ളം ത​ളി​ച്ചു​കൊ​ടു​ത്ത്​ ഓ​ക്സി​ജ​ൻ അ​ള​വ്​ വ​ർ​ധി​പ്പി​ക്കാ​ൻ ശ്ര​മി​ക്കാം.
• കു​ഴ​ഞ്ഞു​വീ​ണ ആ​ളെ ര​ക്ഷി​ക്കാ​ൻ ഇ​റ​ങ്ങു​ന്ന​ത്​ സു​ര​ക്ഷ മു​ൻ​ക​രു​ത​ലു​ക​ൾ ഉ​റ​പ്പു​വ​രു​ത്തി​യാ​കാം.