അമിതമായി പൊറോട്ട നൽകി; അഞ്ചുപശുക്കൾ ചത്തു

കൊ​ല്ലം: തീ​റ്റ​യി​ൽ അ​മി​ത​മാ​യി പൊ​റോ​ട്ട ന​ൽ​കി​യ​തി​നെ​ത്തു​ട​ർ​ന്ന്​ അ​ഞ്ചു പ​ശു​ക്ക​ൾ ച​ത്തു. ഒ​മ്പ​തെ​ണ്ണം അ​വ​ശ​നി​ല​യി​ലാ​യി. വെ​ളി​ന​ല്ലൂ​ർ വ​ട്ട​പ്പാ​റ അ​ൻ​സി​റ മ​ൻ​സി​ലി​ൽ ഹ​സ്ബു​ല്ല എ​ന്ന ക്ഷീ​ര​ക​ർ​ഷ​ക​ന്‍റെ ഉ​രു​ക്ക​ളാ​ണ് ച​ത്ത​ത്. ശ​നി​യാ​ഴ്ച വൈ​കീ​ട്ട് നാ​ല​ര​യോ​ടെ ആ​യി​രു​ന്നു സം​ഭ​വം. പ​ശു​ക്ക​ൾ​ക്ക്​ സ്ഥി​ര​മാ​യി പൊ​റോ​ട്ട ന​ൽ​കി​യി​രു​ന്നു. ഒ​രു നി​ശ്ചി​ത അ​ള​വി​ലാ​യി​രു​ന്നു ന​ൽ​കി​യി​രു​ന്ന​ത്. ക​ഴി​ഞ്ഞ​ദി​വ​സം ഹ​സ്ബു​ല്ല സ്ഥ​ല​ത്തി​ല്ലാ​യി​രു​ന്നു. പൊ​റോ​ട്ട​യും ച​ക്ക​യും അ​മി​ത​മാ​യി തീ​റ്റ​യി​ൽ ചേ​ർ​ത്ത​തു​മൂ​ലം വ​യ​ർ ക​മ്പ​നം (വീ​ർ​ക്കു​ക) ഉ​ണ്ടാ​യാ​ണ്​ പ​ശു​ക്ക​ൾ ച​ത്ത​ത്. കാ​ലി​ത്തീ​റ്റ​ക്ക് വി​ല​യേ​റി​യ​തി​നാ​ൽ പൊ​റോ​ട്ട​യും പ​യ​റും ച​ക്ക​യും പു​ളി​യ​രി​യും മ​റ്റു​മാ​യാ​യി​രു​ന്നു പ​തി​വ് തീ​റ്റ​യാ​യി പ​ശു​ക്ക​ൾ​ക്ക്​ ന​ൽ​കി​യി​രു​ന്ന​ത്. 20 വ​ർ​ഷ​മാ​യി ന​ട​ത്തു​ന്ന ഫാ​മി​ൽ 30 പ​ശു​ക്ക​ളും ര​ണ്ടു പോ​ത്തും ര​ണ്ടു കാ​ള​ക​ളു​മാ​ണു​ള്ള​ത്. പ​ശു​ക്ക​ളി​ൽ ഒ​ന്ന് വ​യ​ർ ക​മ്പി​ച്ച് കു​ഴ​ഞ്ഞു​വീ​ണ​തി​നെ തു​ട​ർ​ന്ന് വെ​ളി​ന​ല്ലൂ​ർ മൃ​ഗാ​ശു​പ​ത്രി​യു​മാ​യി ബ​ന്ധ​പ്പെ​ടു​ക​യാ​യി​രു​ന്നു. തു​ട​ർ​ന്ന്​ പ​ശു​ക്ക​ൾ ഒ​ന്നി​നു​പി​റ​കെ ഒ​ന്നാ​യി വീ​ഴാ​ൻ തു​ട​ങ്ങി​യ​തോ​ടെ കൊ​ല്ല​ത്തെ ജി​ല്ല വെ​റ്റ​റി​ന​റി കേ​ന്ദ്ര​ത്തി​ൽ വി​വ​ര​മ​റി​യി​ച്ചു.

ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ ഡോ. ​ഡി. ഷൈ​ൻ​കു​മാ​റി​ന്‍റെ നി​ർ​ദേ​ശ​പ്ര​കാ​രം വെ​റ്റ​റി​ന​റി സ​ർ​ജ​ൻ​മാ​രാ​യ ജി. ​മ​നോ​ജ്, കെ. ​മാ​ലി​നി, എം.​ജെ. സേ​തു​ല​ക്ഷ്മി എ​ന്നി​വ​ര​ട​ങ്ങു​ന്ന എ​മ​ർ​ജ​ൻ​സി റെ​സ്പോ​ൺ​സ് ടീം ​സ്ഥ​ല​ത്തെ​ത്തി. ശ​നി​യാ​ഴ്ച ഒ​രു പ​ശു​വും ഞാ​യ​റാ​ഴ്ച രാ​വി​ലെ​യോ​ടെ നാ​ലു​ പ​ശു​ക്ക​ളും ച​ത്തു. പ​ശു​ക്ക​ളു​ടെ പോ​സ്റ്റ്​​മോ​ർ​ട്ട​വും അ​വ​ശ​നി​ല​യി​ലാ​യ പ​ശു​ക്ക​ളു​ടെ ചി​കി​ത്സ​യും എ​മ​ർ​ജ​ൻ​സി റെ​സ്പോ​ൺ​സ് ടീം ​ഏ​റ്റെ​ടു​ത്തു. പോ​സ്റ്റ്മോ​ർ​ട്ടം ക​ഴി​ഞ്ഞ പ​ശു​ക്ക​ളെ വീ​ട്ടു​വ​ള​പ്പി​ൽ ത​ന്നെ സം​സ്ക​രി​ച്ചു.

വ​യ​ർ ക​മ്പ​ന​വും തു​ട​ർ​ന്നു​ള്ള അ​മ്ല​വി​ഷ​ബാ​ധ​യും നി​ർ​ജ​ലീ​ക​ര​ണ​വു​മാ​ണ്​ മ​ര​ണ​കാ​ര​ണ​മാ​യ​തെ​ന്ന് ഡോ​ക്ട​ർ​മാ​ർ പ​റ​ഞ്ഞു. അ​വ​ശ​നി​ല​യി​ലാ​യ ഒ​മ്പ​തു​ പ​ശു​ക്ക​ളു​ടെ നി​ല തു​ട​രു​ക​യാ​ണ്. മ​ന്ത്രി ജെ. ​ചി​ഞ്ചു​റാ​ണി സം​ഭ​വ​സ്ഥ​ല​വും ഫാ​മും സ​ന്ദ​ർ​ശി​ച്ച്​ സ്ഥി​തി​ഗ​തി​ക​ൾ​വി​ല​യി​രു​​ത്തി. പോ​സ്റ്റ്മോ​ർ​ട്ടം റി​പ്പോ​ർ​ട്ട് ത​യാ​റാ​യാ​ൽ ഉ​ട​ൻ ന​ഷ്ട​പ​രി​ഹാ​ര​ത്തി​നു​ള്ള ന​ട​പ​ടി സ്വീ​ക​രി​ക്കു​മെ​ന്ന് മ​ന്ത്രി അ​റി​യി​ച്ചു.

പൊ​റോ​ട്ട ഒ​രു​പോ​ലെ വി​ല്ല​ൻ: മൃ​ഗ​ങ്ങ​ൾ​ക്കും മ​നു​ഷ്യ​ർ​ക്കും

കൊ​ല്ലം: നെ​യ്യും പൂ​രി​ത കൊ​ഴു​പ്പു​ക​ളും ഉ​പ​യോ​ഗി​ച്ച് നി​ർ​മി​ക്കു​ന്ന പൊ​റോ​ട്ട ധാ​രാ​ളം ക​ഴി​ക്കു​ന്ന​ത്​ ദ​ഹ​ന​സം​ബ​ന്ധ​മാ​യ പ്ര​ശ്ന​ങ്ങ​ൾ​ക്ക്​ കാ​ര​ണ​മാ​കും. ന​ന്നാ​യി പൊ​ടി​ച്ച മൈ​ദ​മാ​വും കു​റ​ഞ്ഞ നാ​രു​ക​ളും ഉ​ള്ള പൊ​റോ​ട്ട വ​യ​റ്റി​ൽ ചെ​ന്നാ​ൽ ദ​ഹ​ന​സ്​​തം​ഭ​നം പോ​ലു​ള്ള രോ​ഗ​ങ്ങ​ൾ ഉ​ണ്ടാ​കു​ന്ന​തും ത​ക്കസമയത്ത് ചി​കി​ത്സ ല​ഭി​ക്കാ​തി​രു​ന്നാ​ൽ വ​യ​റ്റി​ൽ കി​ട​ന്ന്​ പു​ളി​ച്ച് അ​മ്ല​വി​ഷ​ബാ​ധ ഉ​ണ്ടാ​കു​ന്ന​തി​നും കാ​ര​ണ​മാ​കും. പൂ​രി​ത കൊ​ഴു​പ്പു​ക​ളു​ള്ള എ​ണ്ണ കൊ​ണ്ടു​ണ്ടാ​ക്കു​മ്പോ​ൾ പൊ​റോ​ട്ട പ​ഴ​കി​യാ​ൽ അ​തി​ൽ ഫം​ഗ​സ് ബാ​ധ​യും ഉ​ണ്ടാ​കാ​നു​ള്ള സാ​ധ്യ​ത ഏ​റെ​യാ​ണ്. ച​ക്ക, പെ​റോ​ട്ട, ക​ഞ്ഞി എ​ന്നി​വ അ​മി​ത​മാ​യി പ​ശു​ക്ക​ളു​ടെ ഉ​ള്ളി​ൽ ചെ​ന്നാ​ൽ ലാ​ക്റ്റി​ക് അ​സി​ഡോ​സി​സ് അ​ഥ​വാ അ​മ്ല​വി​ഷ​ബാ​ധ ഉ​ണ്ടാ​കു​ന്ന​തും തു​ട​ർ​ന്ന് നി​ർ​ജ​ലീ​ക​ര​ണ​വും അ​തു​മൂ​ല​മു​ള്ള മ​ര​ണ​വും സം​ഭ​വി​ക്കാ​ൻ കാ​ര​ണ​മാ​കാ​റു​ണ്ട്. 

ലാ​ക്ടി​ക് അ​സി​ഡോ​സി​സ് അ​ഥ​വാ അ​മ്ല​വി​ഷ​ബാ​ധ മ​ര​ണ കാ​ര​ണ​മാ​കു​ന്ന​ത് എ​ങ്ങ​നെ?

മ​നു​ഷ്യ​നെ പോ​ലെ​യ​ല്ല പ​ശു​ക്ക​ളു​ടെ വ​യ​ർ. മ​നു​ഷ്യ ശ​രീ​ര​ത്തി​ൽ ഏ​ക വ​യ​റാ​ണ് ഉ​ള്ള​തെ​ങ്കി​ൽ പ​ശു​ക്ക​ൾ​ക്ക് നാ​ലു വ​യ​റു​ക​ളു​ണ്ട്. റൂ​മ​ൻ, റെ​റ്റി​കു​ലം, ഒ​മേ​സം, അ​ബാ​മേ​സം എ​ന്നി​ങ്ങ​നെ​യാ​ണ് അ​വ​യു​ടെ ശാ​സ്ത്രീ​യ പേ​രു​ക​ൾ. പ്ര​ധാ​ന​മാ​യും നാ​രു​ക​ളും മാം​സ്യ​ങ്ങ​ളും ഉ​ള്ള ആ​ഹാ​ര​പ​ദാ​ർ​ഥ​ങ്ങ​ൾ ദ​ഹി​പ്പി​ക്കാ​നാ​ണ് പ​ശു​വി​ന്റെ ആ​ദ്യ വ​യ​റാ​യ റൂ​മ​ൻ രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്. പു​ല്ല്, വ​യ്​​ക്കോ​ൽ, ധാ​ന്യ​ങ്ങ​ൾ അ​ട​ങ്ങി​യ തീ​റ്റ തു​ട​ങ്ങി​യ​വ റൂ​മ​ൻ പ​കു​തി​യോ​ളം ദ​ഹി​പ്പി​ക്കും. അ​മി​ത​മാ​യി അ​ന്ന​ജ​മു​ള്ള ആ​ഹാ​ര​പ​ദാ​ർ​ഥ​ങ്ങ​ൾ കൂ​ടി​യ അ​ള​വി​ൽ ദ്രു​ത​ഗ​തി​യി​ൽ ചെ​ല്ലു​മ്പോ​ൾ (ഉ​ദാ​ഹ​ര​ണ​മാ​യി ചോ​റ് ച​ക്ക, ചീ​ഞ്ഞ​ളി​ഞ്ഞ പ​ഴ​ങ്ങ​ൾ, പാ​യ​സം, പൊ​റോ​ട്ട) ആ​ദ്യ​ത്തെ അ​റ​യി​ലെ ബാ​ക്ടീ​രി​യ​ക​ൾ അ​തി​ൽ പ്ര​വ​ർ​ത്തി​ച്ച്​ അ​വ​യെ വി​ഘ​ടി​പ്പി​ക്കും. അ​തോ​ടൊ​പ്പം പു​റ​ത്തു​വ​രു​ന്ന അ​മി​ത​മാ​യ ലാ​ക്ടി​ക് അ​മ്ലം വ​യ​റി​ലെ ഗു​ണ​ക​ര​മാ​യ ബാ​ക്ടീ​രി​യ​ക​ളെ ന​ശി​പ്പി​ക്കു​ക​യും വീ​ണ്ടും ദ​ഹ​ന​ത്തി​നു​ള്ള വ​യ​റി​ന്‍റെ ശേ​ഷി ന​ശി​പ്പി​ക്കു​ക​യും ചെ​യ്യും. വ​യ​റി​ന്‍റെ അ​മ്ല​നി​ല കൂ​ടു​മ്പോ​ഴേ​ക്കും അ​തി​ന്‍റെ ച​ല​നം നി​ല​ക്കു​ക​യും ശ​രീ​ര​ത്തി​ലെ ജ​ല​മെ​ല്ലാം വ​യ​റി​ലേ​ക്ക് വ​ലി​ച്ചെ​ടു​ക്കു​ക​യും അ​ങ്ങ​നെ നി​ർ​ജ​ലീ​ക​ര​ണം സം​ഭ​വി​ക്കു​ക​യും ഷോ​ക്ക് എ​ന്ന പ്ര​തി​ഭാ​സ​ത്തി​ലൂ​ടെ മ​ര​ണം സം​ഭ​വി​ക്കു​ക​യും ചെ​യ്യും. അ​ര​മ​ണി​ക്കൂ​ർ മു​ത​ൽ മൂ​ന്നു​മ​ണി​ക്കൂ​ർ സ​മ​യം​കൊ​ണ്ടു​ത​ന്നെ മ​ര​ണം സം​ഭ​വി​ച്ചി​രി​ക്കും.