കഞ്ചാവുമായി യുവാവ് പിടിയില്‍

ഈരാറ്റുപേട്ട: വിൽപനക്കായി വീട്ടില്‍ സൂക്ഷിച്ച 360 ഗ്രാം കഞ്ചാവുമായി യുവാവിനെ പൊലീസ്​ പിടികൂടി. നടക്കൽ കീരിയാത്തോട്ടം ഭാഗം തടവനാൽവീട്ടില്‍ സജ്നാസ് (31) ആണ് ഈരാറ്റുപേട്ട പൊലീസിന്‍റെ പിടിയിലായത്. ജില്ല പൊലീസ് മേധാവിക്ക്​ ലഭിച്ച രഹസ്യവിവരത്തിന്‍റെ അടിസ്ഥാനത്തില്‍ പാലാ എ.എസ്​.പി പി. നിധിൻരാജിന്‍റെ നി‍ർദേശത്തെ തുടർന്ന് ഈരാറ്റുപേട്ട എസ്​.എച്ച്​.ഒ പ്രസാദ് എബ്രഹാം വർഗീസ്, എസ്​.ഐ വി.വി. വിഷ്ണു, എ.എസ്​.ഐ പ്രശാന്ത് എം.പി, സീനിയർ സിവിൽ സി.പി.ഒ കെ.ആർ. ജിനു, സി.പി.ഒമാരായ ജോബി ജോസഫ്, ശരത്ത് കൃഷ്ണദേവ്, ജിനു ജി.നാഥ്, ജോസിമോൾ എന്നിവരാണ് പ്രതിയെ അറസ്റ്റ് ചെയ്തത്. KTL Sajnas പിടിയിലായ സജ്​നാസ്​ 'മേയ് 20' വിനാശവികസനത്തിന്‍റെ ഒന്നാംവാർഷികമായി ആചരിക്കാനൊരുങ്ങി യു.ഡി.എഫ്​ കോട്ടയം: പിണറായി സർക്കാറിന്‍റെ ഒന്നാം വാർഷികദിനമായ വെള്ളിയാഴ്ച യു.ഡി.എഫ് സംസ്ഥാന കമ്മിറ്റിയുടെ ആഹ്വാനപ്രകാരം വിനാശവികസനത്തിന്‍റെ ഒന്നാംവാർഷികമായി ആചരിക്കും. ഇതിന്‍റെ ഭാഗമായി ജില്ലയിലെ നിയോജകമണ്ഡലങ്ങളിലെ വിവിധ കേന്ദ്രങ്ങളിൽ യു.ഡി.എഫിന്‍റെ ആഭിമുഖ്യത്തിൽ വൈകീട്ട് നാല്​ മുതൽ ആറ്​ വരെ സായാഹ്നധർണ നടക്കും. പരിപാടിയുടെ ജില്ലതല ഉദ്ഘാടനം രാവിലെ 11ന് തിരുനക്കര ഗാന്ധി സ്ക്വയറിന് മുന്നിൽ കെ.പി.സി.സി അച്ചടക്ക സമിതി ചെയർമാൻ തിരുവഞ്ചൂർ രാധാകൃഷ്ണൻ എം.എൽ.എ നിർവഹിക്കും. യു.ഡി.എഫ് ജില്ല ചെയർമാൻ സജി മഞ്ഞക്കടമ്പിൽ അധ്യക്ഷതവഹിക്കും. ----------------------------------------------------- മെഡിക്കൽ കോളജ് പരിസരത്ത് തെരുവുനായ ശല്യം രൂക്ഷം ഗാന്ധിനഗർ: മെഡിക്കൽ കോളജ് പരിസരത്ത് തെരുവുനായ്ക്കളുടെ ശല്യം രൂക്ഷമാകുന്നു. ആശുപത്രി പരിസരത്തെ വിവിധ ഭാഗങ്ങളിൽ കൂട്ടത്തോടെ നടക്കുന്ന തെരുവുനായകൾ ആശുപത്രിയിലെത്തുന്നവർക്ക്​ ശല്യമാകുന്നു. കഴിഞ്ഞദിവസം ആശുപത്രിക്ക് സമീപത്ത് അലഞ്ഞുനടന്നിരുന്ന തെരുവുനായ ലോട്ടറി വിൽപനക്കാരൻ ഉൾപ്പെടെ മൂന്നുപേരെ കടിച്ചു. സാമ്പത്തികമായി പിന്നാക്കാവസ്ഥയിലുള്ള ഇവർക്ക് വിലകൂടിയ മരുന്ന് പുറത്തുനിന്ന് വാങ്ങി കുത്തിവെപ്പ്​ എടുക്കാൻ കഴിയാതെ ബുദ്ധിമുട്ടേണ്ടിവന്നു. പിന്നീട് മറ്റുചിലരുടെ സഹായത്തോടെ രണ്ടുപേർ കുത്തിവെപ്പ്​ എടുത്തെങ്കിലും ഒരാൾ ഇതുവരെ കുത്തിവെപ്പ്​ എടുത്തിട്ടില്ല. തെരുവുനായ്ക്കളുടെ ശല്യം ഒഴിവാക്കുവാൻ ബന്ധപ്പെട്ട അധികൃതരുടെ ഭാഗത്തുനിന്ന് നടപടിയുണ്ടാകണമെന്ന ആവശ്യം ശക്തമാണ്​. ktl dogs മെഡിക്കൽ കോളജ് പരിസരത്തെ തെരുവുനായ്ക്കൾ