അടിമാലി: റവന്യൂ ഭൂമിയിലെ തേക്ക് മരങ്ങള്‍ മുറിച്ചതുമായി ബന്ധപ്പെട്ട് പൊലീസ് രജിസ്റ്റര്‍ ചെയ്ത കേസിലെ മുഖ്യ പ്രതിയായ റേഞ്ച് ഓഫിസറെ ചോദ്യം ചെയ്യുന്നത് തുടരുന്നു. അടിമാലി മുന്‍ റേഞ്ച് ഓഫിസര്‍ ജോജി ജോണിനെയാണ് വെള്ളത്തൂവല്‍ പൊലീസ് ചോദ്യം ചെയ്യുന്നത്. സുപ്രീം കോടതി നിർദേശപ്രകാരമാണ് ജോജി ജോൺ മൂന്നുദിവസം പൊലീസിന് മുന്നിൽ ഹാജരായി കേസ് സംബന്ധിച്ച വിവരങ്ങൾ നൽകുന്നത്. ചോദ്യം ചെയ്യലിന്‍റെ മൂന്നാം ദിവസമായ ബുധനാഴ്ച പൊലീസ് നിർണായക തീരുമാനം എടുക്കും. മോഷണക്കുറ്റം ചുമത്തിയ കേസിൽ സുപ്രീം കോടതി ഇടപെടൽ ഉള്ളതിനാൽ പൊലീസ് അതീവ ജാഗ്രതയോടെയാണ് മുന്നോട്ട് നീങ്ങുന്നത്. 2021 സെപ്റ്റംബറിലാണ് ജോജി ജോണ്‍ ഉൾപ്പെടെയുള്ളവര്‍ക്കെതിരെ ജാമ്യമില്ലാ വകുപ്പുപ്രകാരം വെള്ളത്തൂവല്‍ പൊലീസ് കേസ് രജിസ്റ്റര്‍ ചെയ്തത്. കൊന്നത്തടി വില്ലേജിലെ മങ്കുവയില്‍നിന്ന് റവന്യൂ ഭൂമിയില്‍നിന്ന് അടക്കം എട്ട് തേക്ക് മരങ്ങള്‍ മുറിച്ചുകടത്തിയ സംഭവത്തിലാണ് ജോജി ജോണിനെ ഒന്നാം പ്രതിയാക്കി കേസെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.