ഗൃഹനാഥന് നായുടെ കടിയേറ്റു

കാഞ്ഞിരപ്പള്ളി: വീട്ടുമുറ്റത്ത് നിന്ന . തമ്പലക്കാട് അറത്തില്‍ വര്‍ഗീസ് ജോസഫിനാണ് കടിയേറ്റത്. വെള്ളിയാഴ്ച വൈകീട്ട് നാലോടെയാണ്​ സംഭവം. ഇദ്ദേഹത്തെ കാഞ്ഞിരപ്പള്ളി ജനറല്‍ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളജിലും പ്രവേശിപ്പിച്ചു. ഗൃഹനാഥനെ ആക്രമിക്കുന്നതുകണ്ട് അയല്‍വാസികള്‍ ബഹളംവെച്ചതോടെ ഓടിപ്പോയ നായ്​ സമീപത്തുള്ളവരുടെ വളര്‍ത്തുമൃഗങ്ങളെയും കടിച്ചു. ചുവന്ന നിറമുള്ള നായുടെ കഴുത്തില്‍ വെളുത്ത നിറത്തിലുള്ള ബെല്‍റ്റുണ്ട്. പേപ്പട്ടിയാകാം ഇതെന്ന് കരുതുന്നു. പ്രദേശത്ത് കുറുക്ക‍ന്‍റെ ശല്യവും ഏറിവരുകയാണ്. ഒരുമാസം മുമ്പ് തമ്പലക്കാട് ഷാപ്പുകവലക്ക്​ സമീപം താമസിക്കുന്ന വീട്ടമ്മയെ കുറുക്കന്‍ ആക്രമിച്ചിരുന്നു.