കുരുമുളക് സ്‌പ്രേ ആക്രമം; യുവാവ് പിടിയിൽ

കോട്ടയം: ഓട്ടോ ഡ്രൈവർമാരെ കുരുമുളക് സ്‌പ്രേ ഉപയോഗിച്ച്​ അക്രമിച്ച സംഭവത്തിൽ നിരവധി ക്രിമിനൽ കേസുകളിൽ പ്രതിയായ യുവാവ് അറസ്റ്റിൽ. കാരാപ്പുഴ കരയിൽ പതിനറിൽചിറ കൊച്ചുപറമ്പിൽ ബാദുഷയെയാണ്​ (24) കോട്ടയം വെസ്റ്റ് പൊലീസ്​ അറസ്റ്റ് ചെയ്തത്. കഴിഞ്ഞ ദിവസം രാത്രി കെ.എസ്.ആർ.ടി.സി ബസ് സ്റ്റാൻഡിനു മുന്നിലായിരുന്നു സംഭവം. സ്റ്റാൻഡിനു പരിസരത്ത് അസഭ്യം പറഞ്ഞു ചുറ്റിത്തിരിഞ്ഞ ബാദുഷ അടക്കമുള്ളവരെ ഓട്ടോഡ്രൈവർമാർ ചോദ്യം ചെയ്‌തിരുന്നു. ഇതിനുപിന്നാലെ രണ്ടംഗസംഘം ബൈക്കിലെത്തി കുരുമുളക് സ്‌പ്രേ അടിച്ചശേഷം രക്ഷപ്പെടുകയായിരുന്നു. ആക്രമണത്തിൽ പരിക്കേറ്റ ഓട്ടോഡ്രൈവർമാരായ ബിൻഷാദ്, രാജു എന്നിവർ ജില്ല ജനറൽ ആശുപത്രിയിൽ ചികിത്സ തേടിയിരുന്നു. പ്രതികളെ കണ്ടെത്തുന്നതിനായി ഡിവൈ.എസ്.പി ജെ. സന്തോഷ്‌കുമാറി‍ൻെറ നേതൃത്വത്തിൽ പ്രത്യേക അന്വേഷണ സംഘം രൂപവത്​കരിച്ചിരുന്നു. വെസ്റ്റ് എസ്.ഐ ടി.ശ്രീജിത്തി‍ൻെറ നേതൃത്വത്തിൽ നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്. അടിപിടി, അക്രമം, കഞ്ചാവ് കച്ചവടം, വധശ്രമം അടക്കം നിരവധി ക്രിമിനൽ കേസുകളിൽ പ്രതിയാണ് ബാദുഷയെന്ന്​ പൊലീസ്​ പറഞ്ഞു. കേസിൽ ഇയാളുടെ കുട്ടാളിയെ കൂടി അറസ്റ്റ്​ ചെയ്യാനുണ്ട്​. ഇയാൾ ഒളിവിലാണ്​. KTL BADHUSHA PRATHI ബാദുഷ(24) വൈദ്യുതി മുടങ്ങും കോട്ടയം: സെൻട്രൽ സെക്​ഷനിലെ കല്ലപുരക്കൽ, സ്വരമുക്ക്, ഭാമശ്ശേരി എന്നിവിടങ്ങളിൽ ബുധനാഴ്ച രാവിലെ ഒമ്പത്​ മുതൽ ആറു വരെ വൈദ്യുതി മുടങ്ങും തെങ്ങണ: ചീരംചിറ, താരാപ്പടി, മണ്ണാത്തിപ്പാറ , കുളങ്ങരപടി ,ഇടത്തറകടവ് , പുതുചിറ , സങ്കേതം , മുട്ടത്തുപടി എന്നീ ഭാഗങ്ങളിൽ ബുധനാഴ്ച രാവിലെ ഒമ്പത്​ മുതൽ അഞ്ചുവരെ വൈദ്യുതി മുടങ്ങും