റാഷിദ് മൊണ്ടൽ, ടോട്ടൻ ഷെയ്ഖ്, ഹസൻ
കോട്ടയം: ത്രിവേണി മൊബൈൽ സൂപ്പർ മാർക്കറ്റ് വാഹനത്തിന്റെ ബാറ്ററികൾ മോഷ്ടിച്ച ഇതരസംസ്ഥാന സ്വദേശികളായ മൂന്നുപേരെ അറസ്റ്റ് ചെയ്തു. വെസ്റ്റ് ബംഗാൾ സ്വദേശികളായ റാഷിദ് മൊണ്ടൽ (33), ടോട്ടൻ ഷെയ്ഖ് (32), കർണാടക സ്വദേശിയായ ഹസൻ (53) എന്നിവരെയാണ് വെസ്റ്റ് പൊലീസ് അറസ്റ്റ് ചെയ്തത്.
പുത്തനങ്ങാടി കുരിശുപള്ളിക്ക് സമീപം കൺസ്യൂമർഫെഡിന്റെ കീഴിലുള്ള ഗോഡൗണിൽ നിർത്തിയിട്ട ത്രിവേണി മൊബൈൽ സൂപ്പർമാർക്കറ്റ് വാഹനങ്ങളുടെ ബാറ്ററിയും ഇൻവെർട്ടർ ബാറ്ററിയും ഉൾപ്പെടെ മൂന്ന് ബാറ്ററിയാണ് ഇവർ മോഷ്ടിച്ചത്. എസ്.എച്ച്.ഒ എം. ശ്രീകുമാർ, എസ്.ഐമാരായ റിൻസ് എം. തോമസ്, സജികുമാർ, സിജു കെ. സൈമൺ, സി.പി.ഒമാരായ കെ.എം. രാജേഷ്, ശ്യാം എസ്. നായർ, സലമോൻ എന്നിവരാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.