കുടുംബശ്രീ ജനകീയ ഹോട്ടലുകള്‍ പ്രതിസന്ധിയിൽ; ‘രുചി’ മങ്ങുമോ?

കോ​ട്ട​യം: പ​ച്ച​ക്ക​റി​യ​ട​ക്ക​മു​ള്ള നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല വ​ർ​ധ​ന​വി​ൽ പ്ര​തി​സ​ന്ധി​യി​ലാ​യി കു​ടും​ബ​ശ്രീ ജ​ന​കീ​യ ഹോ​ട്ട​ലു​ക​ള്‍. സ​ബ്‌​സി​ഡി നി​ല​ച്ച​തും പ്ര​തി​സ​ന്ധി രൂ​ക്ഷ​മാ​ക്കി​യി​രി​ക്കു​ക​യാ​ണ്. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലാ​യി 110 ഹോ​ട്ട​ലാ​ണു​ണ്ടാ​യി​രു​ന്ന​ത്. വി​ല വ​ര്‍ധ​ന​യും സ​ബ്‌​സി​ഡി നി​ല​ച്ച​തും മൂ​ലം വി​വി​ധ ഘ​ട്ട​ങ്ങ​ളി​ലാ​യി ഇ​തി​ൽ 52 ഹോ​ട്ട​ലു​ക​ള്‍ പൂ​ട്ടി. അ​വ​ശേ​ഷി​ക്കു​ന്ന​വ​ർ​ക്കാ​ണ്​ ഇ​പ്പോ​ഴ​​ത്തെ വ​ൻ വി​ല​ക്ക​യ​റ്റം തി​രി​ച്ച​ടി​യാ​യി​രി​ക്കു​ന്ന​ത്.

മീ​ൻ അ​ട​ക്ക​മു​ള്ള​വ​യി​ൽ നി​ന്ന്​ കി​ട്ടു​ന്ന ലാ​ഭ​മാ​യി​രു​ന്നു പ​ല ഹോ​ട്ട​ലു​ക​ളെ​യും നി​ല​നി​ർ​ത്തി​യി​രു​ന്ന​ത്. എ​ന്നാ​ൽ, മീ​ൻ വി​ല കു​തി​ച്ചു​ക​യ​റി​യ​തോ​ടെ ഈ ​വ​ഴി​യും അ​ട​ഞ്ഞു. ഹോ​ട്ട​ൽ ന​ട​ത്തി​പ്പു​കാ​രാ​യ വ​നി​ത​ക​ളാ​ണ് ഇ​തോ​ടെ വ​രു​മാ​ന​മി​ല്ലാ​തെ വ​ല​യു​ന്ന​ത്. തു​ട​ക്ക​കാ​ല​ത്ത്​ ജി​ല്ല​യി​ലെ ഹോ​ട്ട​ലു​ക​ളു​ടെ ആ​റു​മാ​സ​ത്തെ വ​രു​മാ​നം 6.50 കോ​ടി​യാ​യി ഉ​യ​ര്‍ന്നി​രു​ന്നു. ഓ​രോ ഊ​ണി​നും 10 രൂ​പ​യാ​ണ്​ സ​ബ്‌​സി​ഡി​യാ​യി അ​നു​വ​ദി​ക്കു​ന്ന​ത്.

ഇ​തോ​​ടെ ഒ​രു ഊ​ണി​ന്​ 30 രൂ​പ ല​ഭി​ക്കു​ന്ന സാ​ഹ​ച​ര്യ​മു​ണ്ടാ​യി​രു​ന്നു. സ്​​പെ​ഷ​ലു​ക​ളു​ടെ ക​ച്ച​വ​ടം കൂ​ടി ന​ട​ക്കു​മ്പോ​ൾ ത​ട്ടി​യും മു​ട്ടി​യും ​കൊ​ണ്ടു​പോ​കാ​ൻ ക​ഴി​യു​​മെ​ന്നാ​യി​രു​ന്നു സ്ഥി​തി. ജ​ന​കീ​യ ഹോ​ട്ട​ലു​ക​ളു​ടെ കെ​ട്ടി​ട വാ​ട​ക, വാ​ട്ട​ർ ചാ​ര്‍ജ്, വൈ​ദ്യു​തി ചാ​ര്‍ജ് എ​ന്നി​വ ത​ദ്ദേ​ശ സ്ഥാ​പ​ന​ങ്ങ​ള്‍ ന​ല്‍കു​മെ​ന്നാ​യി​രു​ന്നു പ്ര​ഖ്യാ​പ​ന​മെ​ങ്കി​ലും ചി​ല​യി​ട​ങ്ങ​ളി​ല്‍ ഇ​ത് ന​ട​ന്നി​ല്ലെ​ന്നും ആ​ക്ഷേ​പ​മു​ണ്ട്.

സൂ​പ്പ​ർ​ഹി​റ്റാ​യത്​ 20 ​രൂ​പ​യു​ടെ ഊ​ണ്​

20 ​രൂ​പ​ക്ക്​ തോ​ര​നും ഒ​ഴി​ച്ചു​ക​റി​യും അ​ച്ചാ​റും പ​പ്പ​ട​വും ഉ​ള്‍പ്പെ​ടെ​യു​ള്ള ഊ​ണി​ന് പ്രി​യ​മേ​റി​യ​തോ​ടെ ജ​ന​കീ​യ ഹോ​ട്ട​ലു​ക​ളു​ടെ വ​ള​ര്‍ച്ച അ​തി​വേ​ഗ​മാ​യി​രു​ന്നു. ജി​ല്ല​യി​ൽ തു​ട​ക്ക​ത്തി​ലു​ണ്ടാ​യി​രു​ന്ന 40 ഹോ​ട്ട​ലു​ക​ളു​ടെ എ​ണ്ണം നൂ​റി​ന് മു​ക​ളി​ലേ​ക്ക്​ ഉ​യ​ര്‍ന്നു. പ്ര​തി​ദി​നം ഓ​രോ ​ഹോ​ട്ട​ലി​ൽ​നി​ന്നും 150ഓ​ളം ഊ​ണ് വി​റ്റ്​ പോ​യി​രു​ന്നു. പ​ല ടൗ​ണി​ലും ഇ​തി​ൽ കൂ​ടു​ത​ൽ വി​ൽ​പ​ന ന​ട​ന്നി​രു​ന്നു. സ​ബ്‌​സി​ഡി​യി​ല്ലെ​ങ്കി​ലും കാ​പ്പി​ക്കും പ​ല​ഹാ​ര​ത്തി​നും ആ​ളെ​ത്തി. ദീ​ര്‍ഘ​ദൂ​ര യാ​ത്ര​ക്കാ​ര്‍ പ​ല​രും ക്യൂ ​നി​ന്ന് പാ​ഴ്‌​സ​ല്‍ വാ​ങ്ങി മ​ട​ങ്ങി. മീ​ൻ വി​ഭ​വ​ങ്ങ​ൾ​ സാ​ധാ​ര​ണ​നി​ര​ക്കി​ലാ​യി​രു​ന്നു വി​ൽ​പ​ന. ഊ​ണി​നൊ​പ്പം മീ​ൻ അ​ട​ക്ക​മു​ള്ള സ്​​പെ​ഷ​ൽ വി​റ്റു​പോ​കു​ന്ന​താ​യി​രു​ന്നു പ​ല​ ഹോ​ട്ട​ലു​ക​ളെ​യും നി​ല​നി​ർ​ത്തി​യി​രു​ന്ന​ത്.

ഇ​ങ്ങ​നെ​യാ​ണേ​ൽ പൂ​ട്ടാ​തെ​ന്തു​ചെ​യ്യും

2022 അ​വ​സാ​നം മു​ത​ലാ​ണ് സ​ബ്‌​സി​ഡി മു​ട​ന്തി​യ​ത്. ഇ​തോ​ടെ​യാ​ണ്​ ഹോ​ട്ട​ലു​ക​ളി​ൽ പ​ല​തും പൂ​ട്ടി​യ​ത്. സ​ബ്‌​സി​ഡി നി​ല​ച്ച​തോ​ടെ കു​ടും​ബ​ശ്രീ പ്ര​വ​ര്‍ത്ത​ക​ര്‍ വാ​യ്പ​യെ​ടു​ത്തും മ​റ്റു​മാ​ണ് ഹോ​ട്ട​ല്‍ ചെ​ല​വി​നു​ള്ള പ​ണം ക​ണ്ടെ​ത്തി​യി​രു​ന്ന​ത്. പൂ​ട്ടി​പ്പോ​യ​വ​ക്കും സ​ബ്‌​സി​ഡി കി​ട്ടാ​നു​ണ്ട്. 40 ല​ക്ഷ​ത്തോ​ളം രൂ​പ ഈ ​ഇ​ന​ത്തി​ല്‍ ല​ഭി​ക്കാ​നു​ണ്ട്. സ​ബ്​​സി​ഡി കു​ടി​ശ്ശി​ക ഉ​ട​ൻ വി​ത​ര​ണം ​ചെ​യ്തി​​ല്ലെ​ങ്കി​ൽ അ​വ​ശേ​ഷി​ക്കു​ന്ന​ത്​ കൂ​ടി പൂ​ട്ടി പോ​കു​മെ​ന്ന്​ ഹോ​ട്ട​ലു​ട​മ​ക​ൾ പ​റ​യു​ന്നു.