റോഡിൽ കുഴിയുണ്ട്; സൂക്ഷിക്കുക

കോ​ട്ട​യം: എം.​സി റോ​ഡി​ൽ ഗാ​ന്ധി സ്ക്വ​യ​റി​നു സ​മീ​പ​ത്തെ കു​ഴി​ക​ൾ അ​പ​ക​ട​ക്കെ​ണി​യാ​കു​ന്നു. ഇ​രു​ച​ക്ര​വാ​ഹ​ന​യാ​ത്ര​ക്കാ​രാ​യ​ നി​ര​വ​ധി പേ​രാ​ണ്​ ദി​വ​സ​വും കു​ഴി​ക​ളി​ൽ വീ​ഴു​ന്ന​ത്. ഗാ​ന്ധി സ്ക്വ​യ​റി​ൽ​നി​ന്ന്​ റൗ​ണ്ടാ​ന​യി​ലേ​ക്ക്​ വ​രു​ന്ന റോ​ഡി​ലാ​ണ്​ വ്യാ​പ​ക​മാ​യി റോ​ഡ്​ ത​ക​ർ​ന്ന്​ കു​ഴി രൂ​പ​പ്പെ​ട്ട​ത്​. നേ​​ര​ത്തെ ഇ​വി​ടെ പൈ​പ്പ്​ പൊ​ട്ടി​യി​രു​ന്നു. തു​ട​ർ​ന്ന്​ ജെ.​സി.​ബി കൊ​ണ്ട്​​ കു​ഴി​യെ​ടു​ത്ത്​ പൈ​പ്പ്​ ന​ന്നാ​ക്കി​യ ശേ​ഷം കു​ഴി മൂ​ടി. എ​ന്നാ​ൽ ക​ന​ത്ത മ​ഴ​യി​ൽ റോ​ഡ്​ പാ​ടേ ത​ക​ർ​ന്നു.

തി​ര​ക്കേ​റി​യ റോ​ഡാ​യ​തി​നാ​ൽ വാ​ഹ​ന​ങ്ങ​ൾ കു​ഴി ഒ​ഴി​വാ​ക്കി ഒ​രു ഭാ​ഗ​ത്തു​കൂ​ടി പോ​കു​ന്ന​ത്​ റൗ​ണ്ടാ​ന വ​രെ ഗ​താ​ഗ​ത​ക്കു​രു​ക്കി​നി​ട​യാ​ക്കു​ന്നു. രാ​വി​ലെ​യും വൈ​കീ​ട്ടും വാ​ഹ​ന​ങ്ങ​ളു​ടെ വ​ലി​യ നി​ര​യാ​ണി​വി​ടെ. രാ​ത്രി വ​രു​ന്ന ഇ​രു​ച​ക്ര​വാ​ഹ​ന​ങ്ങ​ളാ​ണ്​ കൂ​ടു​ത​ലും അ​പ​ക​ട​ത്തി​ൽ​പെ​ടു​ന്ന​ത്. കു​ഴി​യ​റി​യാ​തെ വ​ന്ന്​ തെ​റി​ച്ചു​വീ​ഴു​ക​യാ​ണ്. ക​ഴി​ഞ്ഞ ദി​വ​സം പു​ല​ർ​ച്ചെ ബൈ​ക്കി​ലെ​ത്തി​യ യു​വാ​വ്​ റോ​ഡി​ൽ ​തെ​റി​ച്ചു​വീ​ണി​രു​ന്നു.

ശ​ബ്​​ദം​കേ​ട്ട്​ പ​രി​സ​ര​ത്തെ ക​ട​ക്കാ​രും പ​​ത്രം എ​ടു​ക്കു​ന്ന​വ​രും ഓ​ടി​യെ​ത്തി. മ​റ്റ്​ വാ​ഹ​ന​ങ്ങ​ൾ വ​രാ​തി​രു​ന്ന​തി​നാ​ൽ വ​ലി​യ അ​പ​ക​ട​മൊ​ഴി​വാ​യി. ഇ​ത്​ സ്ഥി​രം സം​ഭ​വ​മാ​ണെ​ന്ന്​​ സ​മീ​പ​ത്തെ ക​ട​ക്കാ​ർ പ​റ​യു​ന്നു.