വടകര: നഗരത്തിലെ മൂന്നു കെട്ടിടങ്ങളിൽ തീയിട്ട പ്രതിയെ സ്ഥലത്ത് എത്തിച്ച് തെളിവെടുപ്പ് നടത്തിയത് കനത്തസുരക്ഷയിൽ. താലൂക്ക് ഓഫിസ് സമീപത്തെ രണ്ടു കെട്ടിടങ്ങളിലും എടോടിയിലെ കെട്ടിടത്തിലും തീയിട്ട കേസിൽ അറസ്റ്റിലായ ആന്ധ്ര സ്വദേശി സതീഷ് നാരായണനെയാണ് കനത്തസുരക്ഷയിൽ തെളിെവടുപ്പ് നടത്തിയത്. ശനിയാഴ്ച ഉച്ചക്ക് ഒന്നോടെ റൂറൽ ജില്ല പൊലീസ് സൂപ്രണ്ട് ഡോ. എ. ശ്രീനിവാസ‍ൻെറ നേതൃത്വത്തിലാണ് ക്രൈംബ്രാഞ്ച് ഡിവൈ.എസ്.പി ആർ. ഹരിദാസും സംഘവും തെളിവെടുപ്പ് നടത്തിയത്. എടോടിയിലെ എൽ.ഐ.സി കെട്ടിടത്തിലും താലൂക്ക് ഓഫിസിന് സമീപത്തെ എൽ.എ.എൻ.എച്ച് ഓഫിസിലെയും ജില്ല വിദ്യാഭ്യാസ ഓഫിസിലെയും ശൗചാ ലയങ്ങളിലും തീയിട്ട കേസിലുമാണ് ഇയാളെ അറസ്റ്റ് ചെയ്തത്. ഇയാൾ കൃത്യത്തിനിടയിൽ കിടന്ന റവന്യൂ വകുപ്പി‍ൻെറ ജീപ്പിൽനിന്നും വിരലടയാളങ്ങൾ ശേഖരിച്ചു. താലൂക്ക് ഓഫിസ് കത്തിച്ച സംഭവത്തിലും ഇയാളുടെ പങ്ക് സംബന്ധിച്ച് സൂചന ലഭിച്ചിട്ടുണ്ടെന്നാണ് പൊലീസ് നൽകുന്ന വിശദീകരണം. എന്നാൽ, തെളിവെടുപ്പിനിടെ ഓഫിസി‍ൻെറ ഭാഗത്തേക്ക് കൊണ്ടുപോയില്ല. തീവെച്ച കെട്ടിടങ്ങളിലെ ചുമരുകളിൽ ഫേസ്ബുക്കിലും ഇൻസ്റ്റഗ്രാമിലും പിന്തുടരണമെന്നും ഇയാളുടെ കാമുകിയുടെയും തെലുങ്ക് സിനിമ താരങ്ങളുടെയും പേരുകൾ എഴുതി വെച്ചിട്ടുണ്ടെന്നും പൊലീസ് പറഞ്ഞു. സമൂഹമാധ്യമങ്ങളിലെ ഇയാളുടെ ഇടപെടലുകളെക്കുറിച്ച് പൊലീസ് അന്വേഷണം നടത്തുമെന്ന് ജില്ല പൊലീസ് മേധാവി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.