ബാലുശ്ശേരി: പൊടിശല്യം കാരണം സംസ്ഥാന പാത നവീകരണ പ്രവൃത്തി നാട്ടുകാർക്കും കച്ചവടക്കാർക്കും ദുരിതമാകുന്നു. കൊയിലാണ്ടി - താമരശ്ശേരി റോഡ് പണി നടക്കുന്ന കോക്കല്ലൂർ, പനായി, ബാലുശ്ശേരി ഭാഗങ്ങളിലാണ് പൊടിശല്യം കാരണം കഷ്ടപ്പെടുന്നത്. നിലവിലെ റോഡ് പല ഭാഗങ്ങളിലും കുത്തിപ്പൊളിച്ചിടുന്നതും ഓവുച്ചാൽ നിർമാണത്തിനായി കീറിയ മണ്ണ് നീക്കം ചെയ്യാതെ കിടക്കുന്നതുമാണ് പൊടിശല്യം രൂക്ഷമാകാൻ ഇടയായത്. പൊടിശല്യം കാരണം ബാലുശ്ശേരി പോസ്റ്റ് ഓഫിസ് ജങ്ഷൻ മുതൽ ബാലുശ്ശേരി മുക്ക് വരെയുള്ള ഭാഗത്തുകൂടി കാൽനടയാത്ര പോലും ദുസ്സഹമായിരിക്കയാണ്. നാട്ടുകാർ അനുഭവിക്കുന്ന ബുദ്ധിമുട്ടുകൾക്ക് പരിഹാരം കാണണമെന്നാവശ്യപ്പെട്ട് ഡി.വൈ.എഫ്.ഐ പ്രവർത്തകർ ശനിയാഴ്ച റോഡ് പണി തടഞ്ഞു. തുടർന്ന് കരാറുകാരുമായി നടത്തിയ ചർച്ചയിൽ വരുംദിവസങ്ങളിൽ കൂടുതൽ വാഹനങ്ങൾ ഉപയോഗപ്പെടുത്തി കൂടുതൽ തവണ റോഡ് നനക്കാം എന്ന ഉറപ്പിന്മേൽ സമരം താൽക്കാലികമായി അവസാനിപ്പിച്ചു, ഡി.വൈ.എഫ്.ഐ ബാലുശ്ശേരി മേഖല കമ്മിറ്റിയുടെ നേതൃത്വത്തിൽ നടന്ന പ്രതിഷേധത്തിൽ ബ്ലോക്ക്‌ പ്രസിഡൻറ് എസ്.എസ്. അതുൽ, മേഖല സെക്രട്ടറി പി. ധൻരാജ്, പ്രസിഡൻറ് പി. സനൂപ്, ബി.ജെ. ബിജിലേഷ്, ജിഗേഷ്, ബിൽജിത് എന്നിവർ നേതൃത്വം നൽകി. cap സംസ്ഥാനപാത നവീകരണപ്രവൃത്തി കാരണം ബാലുശ്ശേരിയിൽ പൊടിശല്യം രൂക്ഷമായ നിലയിൽ ഡി.വൈ എഫ്.ഐ പ്രവർത്തകർ പ്രവൃത്തി തടഞ്ഞപ്പോൾ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.