കോഴിക്കോട്: ട്രേഡ് യൂനിയൻ സർവിസ് സംഘടനാ സംയുക്ത സമിതി സംഘടിപ്പിക്കുന്ന ദേശീയ പണിമുടക്കിന്‍റെ പ്രചാരണാർഥം ജാഥ സംഘടിപ്പിക്കുമെന്ന് സമരസമിതി ജില്ല ഭാരവാഹികൾ വാർത്തസമ്മേളനത്തിൽ അറിയിച്ചു. മാർച്ച് 28, 29 തീയതികളിൽ നടക്കുന്ന ദേശീയ പണിമുടക്കിന് മുന്നോടിയായി ബുധനാഴ്ച വൈകീട്ട് 5.30ന് വടകരയിൽനിന്നാണ് സംയുക്ത ട്രേഡ് യൂനിയൻ ജില്ല പ്രചാരണ ജാഥ ആരംഭിക്കുക. സി.ഐ.ടി.യു അഖിലേന്ത്യാ സെക്രട്ടറി കെ. ചന്ദ്രൻപിള്ള ഉദ്ഘാടനം ചെയ്യും. ഐ.എൻ.ടി.യു.സി നേതാവ് കെ. രാജീവ് ജാഥ നയിക്കും. മാർച്ച് 17ന് രാവിലെ ഒമ്പതിന് ഓർക്കാട്ടേരിയിൽനിന്നാരംഭിച്ച് വിവിധ സ്വീകരണകേന്ദ്രങ്ങൾ പിന്നിട്ട് വൈകീട്ട് ആറിന് ബാലുശ്ശേരിയിൽ ജാഥ അവസാനിക്കും. 18ന് രാവിലെ കക്കോടിയിൽനിന്നാരംഭിച്ച് വൈകീട്ട് 5.30ന് മുതലക്കുളം മൈതാനിയിൽ പൊതുയോഗത്തോടെ ജാഥ സമാപിക്കും. വിവിധ ആവശ്യങ്ങൾ ഉന്നയിച്ച് മാർച്ച് 28, 29 തീയതികളിലാണ് ദേശീയ പണിമുടക്ക് സംഘടിപ്പിക്കുന്നത്. ട്രേഡ് യൂനിയൻ സർവിസ് സംഘടനാ സംയുക്ത സമിതി ജില്ല കൺവീനർ ടി. ദാസൻ, കെ. ഷാജി, എൻ.കെ.സി. ബഷീൻ, ഒ.കെ. സത്യ, ഷിനു വള്ളിൽ, ഗഫൂർ പുതിയങ്ങാടി, പി.കെ. നാസർ, കെ.കെ. കൃഷ്ണൻ, അഡ്വ. എം.പി. സൂര്യനാരായണൻ, ബഷീർ പാണ്ടികശാല എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.