സുൽത്താനുമൊത്തുള്ള അനർഘ നിമിഷങ്ങൾ പങ്കുവെച്ച് ഒരു ഡോക്ടർ

കോ​ഴി​ക്കോ​ട്: ‘ആ ​സ്നേ​ഹം അ​നു​ഭ​വി​ച്ച​വ​ർ​ക്ക് ഒ​രി​ക്ക​ലും മ​റ​ക്കാ​ൻ ക​ഴി​യി​ല്ല. എ​ന്നെ അ​ത്ര​യും ഇ​ഷ്ട​മാ​യി​രു​ന്നു’ -സാ​ക്ഷാ​ൽ വൈ​ക്കം മു​ഹ​മ്മ​ദ് ബ​ഷീ​റി​നെ അ​വ​സാ​ന​കാ​ല​ത്ത് ചി​കി​ത്സി​ച്ചി​രു​ന്ന ഡോ​ക്ട​ർ സു​നി​ല​യു​ടേ​താ​ണ് വാ​ക്കു​ക​ൾ. ജീ​വി​ത​ത്തി​ന്‍റെ അ​വ​സാ​ന കാ​ല​ത്ത് ക​ടു​ത്ത ആ​സ്ത്മ അ​ദ്ദേ​ഹ​ത്തെ അ​ല​ട്ടി​യി​രു​ന്നു. 1992-93 കാ​ല​ത്താ​ണ് ബ​ഷീ​ർ പ്ര​കൃ​തി​ചി​കി​ത്സ​യി​ൽ അ​ഭ​യം തേ​ടി​യ​ത്.

അ​ന്ന് ഭ​ർ​ത്താ​വ് ഡോ. ​രാ​ധാ​കൃ​ഷ്ണ​നൊ​പ്പം തി​രൂ​ർ ഗാ​ന്ധി​യ​ൻ പ്ര​കൃ​തി ചി​കി​ത്സാ​ല​യ​ത്തി​ൽ നാ​ച്ചു​റ​ൽ ഹൈ​ജീ​നി​സ്റ്റാ​യി പ്രാ​ക്ടീ​സ് ചെ​യ്യു​ക​യാ​യി​രു​ന്നു ടി.​പി. സു​നി​ല. ബ​ഷീ​റി​നെ ചി​കി​ത്സി​ക്കാ​നാ​യി തി​രൂ​രി​ൽ​നി​ന്ന് വൈ​ലാ​ലി​ലേ​ക്ക് ദി​വ​സ​വും യാ​ത്ര​ചെ​യ്യും.

ചി​ല ദി​വ​സ​ങ്ങ​ളി​ൽ ത​ന്‍റെ ര​ണ്ടു​വ​യ​സ്സാ​യ മ​ക​ളു​മൊ​ത്ത് വൈ​ലാ​ലി​ലെ വീ​ട്ടി​ൽ താ​മ​സി​ക്കും. രാ​വി​ലെ താ​ൻ വൈ​ലാ​ലി​ലെ വീ​ട്ടി​ലെ​ത്തു​ന്ന​തു​വ​രെ ബ​ഷീ​റും ഫാ​ബി​യും പ്ര​ഭാ​ത ഭ​ക്ഷ​ണം​പോ​ലും ക​ഴി​ക്കാ​തെ ത​നി​ക്കു​വേ​ണ്ടി കാ​ത്തി​രി​ക്കു​മാ​യി​രു​ന്നു. നേ​രം വൈ​കി ഫാ​ബി ഉ​മ്മ​ച്ചി നി​ർ​ബ​ന്ധി​ച്ചാ​ലും ‘ആ ​കു​ട്ടി വ​ര​ട്ടെ’ എ​ന്ന് പ​റ​യു​മാ​യി​രു​ന്നു അ​ദ്ദേ​ഹം.

‘ടാ​റ്റാ’​യെ​ന്ന ഫാ​ബി ഉ​മ്മ​ച്ചി​യു​ടെ സ്നേ​ഹ​പൂ​ർ​വ​മാ​യ വി​ളി​യും തി​രി​ച്ച് സു​ൽ​ത്താ​ന്‍റെ ‘എ​ടി​യേ’ എ​ന്ന വി​ളി​യും മ​ന​സ്സി​ൽ​നി​ന്ന് മാ​യു​ന്നി​ല്ല. ര​ണ്ടു​പേ​രും ത​മ്മി​ൽ എ​പ്പോ​ഴും വ​ഴ​ക്കാ​ണ്. സ്നേ​ഹം വ​ഴ​ക്കി​ലൂ​ടെ പ്ര​ദ​ർ​ശി​പ്പി​ക്കാ​നാ​വു​മെ​ന്ന് അ​റി​ഞ്ഞ​ത് അ​വ​രെ ക​ണ്ടും അ​റി​ഞ്ഞു​മാ​ണ്. അ​നീ​സ് അ​ന്ന് പാ​ല​ക്കാ​ട് പ​ഠി​ക്കു​ക​യാ​യി​രു​ന്നു. ഷാ​ഹി​ന​യു​ടെ വി​വാ​ഹ​മൊ​ക്കെ ക​ഴി​ഞ്ഞി​രു​ന്നു.

വീ​ട്ടി​ൽ സു​ൽ​ത്താ​നും ബീ​വി​യും മാ​ത്രം. സു​ൽ​ത്താ​ന് വ​രു​ന്ന ക​ത്തു​ക​ൾ വാ​യി​ച്ചു​കൊ​ടു​ക്കാ​നും മ​റു​പ​ടി ത​യാ​റാ​ക്കാ​നു​മാ​യി ഒ​രാ​ൾ പ​ക​ൽ​നേ​ര​ത്ത് വ​രും. എ​ങ്കി​ലും ആ ​വീ​ട്ടി​ൽ എ​പ്പോ​ഴും ആ​ളു​ക​ളാ​ണ്. ബ​ന്ധു​ക്ക​ളും സു​ഹൃ​ത്തു​ക്ക​ളും ആ​രാ​ധ​ക​രും വി​ദ്യാ​ർ​ഥി​ക​ളും. എം.​ടി. വാ​സു​ദേ​വ​ൻ നാ​യ​രെ​പ്പോ​ലു​ള്ള വ​ലി​യ എ​ഴു​ത്തു​കാ​രെ​യൊ​ക്കെ നേ​രി​ൽ കാ​ണു​ന്ന​ത് അ​വി​ടെ​വെ​ച്ചാ​ണ്.

ചി​കി​ത്സ ഫ​ലം ചെ​യ്ത​തി​നാ​ൽ വീ​ട്ടി​ൽ ഒ​തു​ങ്ങി​ക്കൂ​ടി​യി​രു​ന്ന അ​ദ്ദേ​ഹം പു​റ​ത്തി​റ​ങ്ങി മാ​ങ്കോ​സ്റ്റി​ന്‍റെ ത​ണ​ലി​ലൊ​ക്കെ വ​ന്നി​രി​ക്കാ​ൻ തു​ട​ങ്ങി. ‘ബാ​ല്യ​കാ​ല​സ​ഖി’ സ​മ്മാ​ന​മാ​യി ത​ന്നാ​ണ് സു​ൽ​ത്താ​ൻ പ​റ​ഞ്ഞ​യ​ച്ച​ത്. പി​ന്നീ​ട് മ​ക​ൾ സ​ർ​ഗാ​സ്മി​യു​ടെ മൂ​ന്നാം പി​റ​ന്നാ​ളി​ന് ക്ഷ​ണി​ച്ച​പ്പോ​ൾ ഫാ​ബി ഉ​മ്മ​ച്ചി അ​നി​യ​ത്തി​യേ​യും കൂ​ട്ടി തി​രൂ​രി​ൽ വ​ന്നു. മ​ക​ൾ​ക്ക് സ​മ്മാ​ന​മാ​യി ക​വ​റി​ലാ​ക്കി പൈ​സ കൊ​ടു​ത്ത​യ​ച്ചി​രു​ന്നു സു​ൽ​ത്താ​ൻ.

ആ ​പ​ണം മ​ക​ളു​ടെ പേ​രി​ൽ ബാ​ങ്കി​ൽ ഇ​ട​ണ​മെ​ന്ന് ഉ​മ്മ​ച്ചി​യെ പ​റ​ഞ്ഞേ​ല്പി​ച്ചി​രു​ന്നു. അ​ടു​ത്ത ത​വ​ണ ക​ണ്ട​പ്പോ​ൾ അ​ങ്ങ​നെ ചെ​യ്തി​ല്ലേ എ​ന്ന് ചോ​ദി​ക്കു​ക​യും ചെ​യ്തു. സു​ൽ​ത്താ​ന്‍റെ മ​ര​ണ​ശേ​ഷ​വും കു​ടും​ബ​വു​മാ​യു​ള്ള ബ​ന്ധം തു​ട​ർ​ന്നു. ഇ​പ്പോ​ഴും അ​ത് തു​ട​രു​ന്നു​ണ്ട്.

വൈ​ക്കം മു​ഹ​മ്മ​ദ് ബ​ഷീ​റെ​ന്ന ഇ​മ്മി​ണി ബ​ല്യ മ​നു​ഷ്യ​നൊ​പ്പം വ​ള​രെ അ​ടു​ത്ത് ഇ​ട​പ​ഴ​കു​മ്പോ​ഴൊ​ന്നും താ​ൻ ക​ട​ന്നു​പോ​കു​ന്ന​ത് ജീ​വി​ത​ത്തി​ലെ അ​ന​ർ​ഘ നി​മി​ഷ​ങ്ങ​ളി​ലൂ​ടെ​യാ​ണെ​ന്ന് തി​രി​ച്ച​റി​യാ​ൻ ക​ഴി​ഞ്ഞി​രു​ന്നി​ല്ല​ല്ലോ എ​ന്ന സ​ങ്ക​ടം മാ​ത്ര​മേ​യു​ള്ളൂ ഇ​പ്പോ​ൾ സു​നി​ല​ക്ക്.