വയലട കോട്ടക്കുന്ന് ആദിവാസി കുടുംബങ്ങൾക്ക് വീട് കിട്ടി; വെള്ളവും വെളിച്ചവും പ്രാഥമിക സൗകര്യവുമില്ല

ബാ​ലു​ശ്ശേ​രി: വ​യ​ല​ട കോ​ട്ട​ക്കു​ന്ന് ആ​ദി​വാ​സി കോ​ള​നി​യി​ലെ കു​ടും​ബ​ങ്ങ​ൾ​ക്കു വീ​ട് പ​ണി​തു​ന​ൽ​കി​യെ​ങ്കി​ലും വെ​ള്ള​വും വെ​ളി​ച്ച​വും പ്രാ​ഥ​മി​ക സൗ​ക​ര്യ​വു​മി​ല്ലാ​തെ ദു​രി​ത​മ​നു​ഭ​വി​ക്കേ​ണ്ട അ​വ​സ്ഥ. പ​ന​ങ്ങാ​ട് പ​ഞ്ചാ​യ​ത്തി​ലെ മൂ​ന്നാം വാ​ർ​ഡി​ൽ​പെ​ട്ട വ​യ​ല​ട കോ​ട്ട​ക്കു​ന്ന് ആ​ദി​വാ​സി കോ​ള​നി​യി​ൽ പ​ണി​യ വി​ഭാ​ഗ​ത്തി​ൽ​പെ​ട്ട മൂ​ന്നു കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്.

പ​ന​ങ്ങാ​ട് പ​ഞ്ചാ​യ​ത്ത്‌ എ​സ്.​ടി ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്തി മൂ​ന്നു വീ​ടു​ക​ൾ പ​ണി​തു ന​ൽ​കി​യെ​ങ്കി​ലും വീ​ടി​ന് ക​ക്കൂ​സ് ഇ​തു​വ​രെ നി​ർ​മി​ച്ചു​ന​ൽ​കി​യി​ട്ടി​ല്ല. 70 പി​ന്നി​ട്ട നു​റു​ങ്ങി​യും ന​ട​ക്കാ​ൻ വ​യ്യാ​ത്ത മാ​ണി​യും പ്രാ​ഥ​മി​ക കൃ​ത്യ​ങ്ങ​ൾ​ക്കാ​യി ചെ​ങ്കു​ത്താ​യ മ​ല​യു​ടെ താ​ഴ​ത്തെ കാ​ടി​നെ​യാ​ണ് ആ​ശ്ര​യി​ക്കു​ന്ന​ത്. ഗോ​പി​യും ചെ​മ്പ​നും താ​മ​സി​ക്കു​ന്ന വീ​ടു​ക​ളു​ടെ​യും സ്ഥി​തി ഇ​തു​ത​ന്നെ. കു​ടി​വെ​ള്ള​വും കി​ട്ടാ​ക്ക​നി​യാ​ണ്. പ​ഞ്ചാ​യ​ത്ത് വാ​ഹ​ന​ത്തി​ൽ വെ​ള്ള​മെ​ത്തി​ച്ചു ന​ൽ​കു​ന്ന​തും അ​വ​രു​ടെ ഇ​ഷ്ട​ത്തി​ന​നു​സ​രി​ച്ച്.

കോ​ള​നി​ക്ക് സ​മീ​പ​ത്തു​കൂ​ടി വൈ​ദ്യു​തി ലൈ​ൻ വ​ലി​ച്ചി​ട്ടു​ണ്ടെ​ങ്കി​ലും ഇ​വ​രു​ടെ വീ​ടു​ക​ളി​ലേ​ക്ക് ക​ണ​ക്ഷ​ൻ ല​ഭ്യ​മാ​ക്കി​യി​ട്ടി​ല്ല. കു​ട്ടി​ക​ളു​ടെ പ​ഠ​ന​മ​ട​ക്കം മ​​ണ്ണെ​ണ്ണ വെ​ളി​ച്ച​ത്തി​ലാ​ണ്. കോ​ള​നി​ക്ക് തൊ​ട്ട​ടു​ത്താ​ണ് വ​യ​ല​ട​യി​ലെ വി​നോ​ദ​സ​ഞ്ചാ​ര​കേ​ന്ദ്ര​മാ​യ മു​ള്ള​ൻ​പാ​റ. ഇ​വി​ടെ ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ കെ​ട്ടി​ടം പ​ണി​തി​ട്ടു​ണ്ട്. സ​ഞ്ചാ​രി​ക​ൾ​ക്കാ​യി ടീ​സ്റ്റാ​ളു​മു​ണ്ട്. യ​ഥേ​ഷ്ടം വൈ​ദ്യു​തി​വെ​ളി​ച്ച​വു​മു​ണ്ട്. കോ​ള​നി​യി​ലെ മൂ​ന്നു കു​ടും​ബ​ങ്ങ​ൾ​ക്കു​ള്ള വീ​ടി​ന്റെ നി​ർ​മാ​ണം നാ​ല​ഞ്ചു വ​ർ​ഷം​മു​മ്പ് തു​ട​ങ്ങി​യ​താ​ണ്.

പൂ​ർ​ത്തി​യാ​യി​ട്ട് വ​ർ​ഷം തി​ക​യു​ന്ന​തേ​യു​ള്ളൂ. ക​ക്കൂ​സ് ടാ​ങ്കി​നു​വേ​ണ്ടി കു​ഴി മാ​ത്ര​മാ​ണ് കു​ഴി​ച്ചി​ട്ടു​ള്ള​ത്. ലൈ​ഫ് പ​ദ്ധ​തി​യി​ൽ ഓ​രോ വീ​ടി​നും ആ​റു ല​ക്ഷം രൂ​പ​യാ​ണ് ചെ​ല​വ്. മ​ഴ​ക്കാ​ല​ത്ത് കോ​ള​നി​വാ​സി​ക​ൾ​ക്ക് ഇ​വി​ടെ ഏ​റെ ദു​രി​ത​മ​നു​ഭ​വി​ക്കേ​ണ്ടി​വ​രു​ന്നു​ണ്ട്. ചെ​ങ്കു​ത്താ​യ മു​ള്ള​ൻ​പാ​റ ക​യ​റി​യി​റ​ങ്ങി വേ​ണം വ​യ​ല​ട​യി​ലെ​ത്താ​ൻ. റേ​ഷ​ൻ ക​ട​യും കു​ടും​ബാ​രോ​ഗ്യ​കേ​ന്ദ്ര​വും ഇ​വി​ടെ​യാ​ണ്.

വ​യ​ല​ട​യി​ലെ എ​ൽ.​പി സ്കൂ​ളി​ലെ​ത്താ​നും കു​ട്ടി​ക​ൾ​ക്ക് പ്ര​യാ​സ​മാ​ണ്. തു​ട​ർ പ​ഠ​ന​ത്തി​നാ​യി 10 കി​ലോ​മീ​റ്റ​റോ​ളം ദൂ​രെ​യു​ള്ള ക​ല്ലാ​നോ​ട് സ്കൂ​ളി​നെ ആ​ശ്ര​യി​ക്ക​ണം. കു​ട്ടി​ക​ളെ സ്കൂ​ളി​ലെ​ത്തി​ക്കാ​നാ​യി ഇ​വി​ട​ത്തെ അ​ധ്യാ​പ​ക​ർ​ത​ന്നെ വാ​ഹ​നം ഏ​ർ​പ്പാ​ട് ചെ​യ്തി​രി​ക്ക​യാ​ണ്. വ​യ​ല​ട​യി​ൽ​നി​ന്ന് കോ​ട്ട​ക്കു​ന്നി​ലേ​ക്ക് റോ​ഡ് നി​ർ​മി​ച്ചി​ട്ടു​ണ്ടെ​ങ്കി​ലും ക​ഴി​ഞ്ഞ കാ​ല​ത്തെ ശ​ക്ത​മാ​യ മ​ഴ​യി​ൽ റോ​ഡ് ഭാ​ഗി​ക​മാ​യി ത​ക​ർ​ന്നി​രി​ക്ക​യാ​ണ്. നേ​ര​ത്തേ ഒ​മ്പ​തു കു​ടും​ബ​ങ്ങ​ൾ ഇ​വി​ടെ​യു​ണ്ടാ​യി​രു​ന്നു. ആ​റു കു​ടും​ബ​ങ്ങ​ളെ ഒ​രേ​ക്ക​ർ ഭൂ​മി ന​ൽ​കി മു​തു​കാ​ട് വ​ന​ത്തി​ലേ​ക്ക് മാ​റ്റി​പ്പാ​ർ​പ്പി​ച്ചി​ട്ടു​ണ്ട്.