കോ​ഴി​ക്കോ​ട് താലൂക്ക് ഓഫിസിൽ അനന്തരാവകാശ സർട്ടിഫിക്കറ്റിനുള്ള അപേക്ഷകൾ കെട്ടിക്കിടക്കുന്നു

 കോ​ഴി​ക്കോ​ട്: താ​ലൂ​ക്ക് ഓ​ഫി​സി​ൽ അ​ന​ന്ത​രാ​വ​കാ​ശ അ​പേ​ക്ഷ ഫ​യ​ലു​ക​ൾ കെ​ട്ടി​ക്കി​ട​ക്കു​മ്പോ​ഴും ന​ട​പ​ടി​ക​ളൊ​ന്നു​മി​ല്ല. നാ​ലു​മാ​സ​ത്തോ​ള​മാ​യി അ​ന​ന്ത​രാ​വ​കാ​ശ സ​ർ​ട്ടി​ഫി​ക്ക​റ്റി​നു​ള്ള അ​പേ​ക്ഷ​ക​ൾ പ​രി​ഹാ​ര​മാ​കാ​തെ കെ​ട്ടി​ക്കി​ട​ക്കു​ക​യാ​ണെ​ന്നാ​ണ് പ​രാ​തി. 1700ഓ​ളം അ​പേ​ക്ഷ​ക​ളാ​ണ് കോ​ഴി​ക്കോ​ട് താ​ലൂ​ക്ക് ഓ​ഫി​സി​ൽ കെ​ട്ടി​ക്കി​ട​ക്കു​ന്ന​ത്. പ​ല ആ​വ​ശ്യ​ങ്ങ​ൾ​ക്കും ഉ​പ​യോ​ഗി​​ക്കേ​ണ്ട സ​ർ​ട്ടി​ഫി​ക്ക​റ്റു​ക​ൾ ല​ഭി​ക്കാ​തെ ആ​വ​ശ്യ​ക്കാ​ർ ദു​രി​ത​ത്തി​ലാ​കു​ക​യാ​ണ്.

സെ​ക്ഷ​നി​ൽ ആ​ളി​ല്ലാ​ത്ത​തി​നാ​ലും പാ​സ്​​വേ​ഡ് ന​ൽ​കാ​ത്ത​തി​നാ​ലും അ​പേ​ക്ഷ നീ​ങ്ങു​ന്നി​ല്ലെ​ന്നാ​ണ് പ​രാ​തി​ക്കാ​ർ പ​റ​യു​ന്ന​ത്. ഓ​ഫി​സി​ലെ​ത്തു​മ്പോ​ൾ സെ​ക്ഷ​നി​ൽ ആ​ളി​ല്ലാ​ത്ത​തി​നാ​ൽ പ​ല ത​വ​ണ തി​രി​ച്ചു​പോ​കേ​ണ്ടി വ​രു​ക​യാ​ണ​ത്രെ. ഇ​തു​മൂ​ലം ഉ​ദ്യോ​ഗ​സ്ഥ​രു​മാ​യി അ​പേ​ക്ഷ​ക​ർ​ക്ക് വാ​ക്​​ത​ർ​ക്ക​ത്തി​ലേ​ർ​പ്പെ​ണ്ടേി​വ​രു​ക​യാ​ണ്. വി​ല്ലേ​ജ് ഓ​ഫി​സി​ൽ നി​ന്നും റി​പ്പോ​ർ​ട്ട്‌ ല​ഭി​ച്ചി​ട്ടും ഗ​സ​റ്റി​ലേ​ക്ക് അ​യ​ക്കാ​തെ കെ​ട്ടി​ക്കി​ട​ക്കു​ക​യാ​ണ്. ന​വ​കേ​ര​ള സ​ദ​സ്സി​ന്റെ പേ​രി​ൽ ആ​ഴ്ച​ക​ളാ​യി പ​ല ജീ​വ​ന​ക്കാ​രും ക​ല​ക്ട​റേ​റ്റി​ലും താ​ലൂ​ക്ക് ഓ​ഫി​സി​ലു​മെ​ത്തി ഒ​പ്പി​ട്ട് പോ​കു​ക​യാ​യി​രു​ന്നു. ചോ​ദി​ക്കു​ന്ന സ​മ​യ​ത്ത് മീ​റ്റി​ങ്ങി​ലാ​ണെ​ന്നാ​ണ് പ​റ​യു​ന്ന​ത​ത്രെ.