സാഹിത്യനഗരം പദവിക്കായി കോ​ഴി​ക്കോ​ട് ജില്ല അപേക്ഷ നൽകും

കോ​ഴി​ക്കോ​ട്: ഇ​ന്ത്യ​യി​ലെ ആ​ദ്യ​ത്തെ സാ​ഹി​ത്യ​ന​ഗ​രം എ​ന്ന പ​ദ​വി നേ​ടാ​നാ​യി ഇ​ക്കൊ​ല്ലം ജൂ​ണി​ന​കം കോ​ഴി​ക്കോ​ട് അ​പേ​ക്ഷ ന​ൽ​കും. മേ​യ​ർ ഡോ. ​ബീ​ന ഫി​ലി​പ്പി​ന്റെ അ​ധ്യ​ക്ഷ​ത​യി​ൽ കോ​ർ​പ​റേ​ഷ​ൻ കൗ​ൺ​സി​ൽ ഹാ​ളി​ൽ ചേ​ർ​ന്ന സാ​ഹി​ത്യ​ന​ഗ​രം പ​ദ്ധ​തി​യു​ടെ സ്റ്റി​യ​റി​ങ് ക​മ്മി​റ്റി യോ​ഗ​ത്തി​ലാ​ണ് ഇ​ക്കാ​ര്യ​മ​റി​യി​ച്ച​ത്. യു​നെ​സ്‌​കോ​യു​ടെ സാ​ഹി​ത്യ​ന​ഗ​ര പ​ദ​വി നേ​ടാ​ൻ അ​പേ​ക്ഷ ന​ൽ​ക​ണ്ടേ അ​വ​സാ​ന തീ​യ​തി​യാ​ണ് ജൂ​ൺ 30. അ​തി​നു​മു​മ്പു ത​ന്നെ അ​പേ​ക്ഷ ന​ൽ​കും. ന​ൽ​കു​ന്ന​തി​ന് മു​ന്നോ​ടി​യാ​യു​ള്ള പ്ര​വ​ര്‍ത്ത​ന​ങ്ങ​ള്‍ വേ​ഗം പൂ​ർ​ത്തി​യാ​വു​ന്നു.

കോ​ർ​പ​റേ​ഷ​ൻ ബ​ജ​റ്റി​ൽ ഒ​രു​കോ​ടി രൂ​പ പ്ര​വ​ർ​ത്ത​ന​ങ്ങ​ൾ​ക്ക് പ്ര​ഖ്യാ​പി​ച്ചു​ക​ഴി​ഞ്ഞു. സാ​ഹി​ത്യ ന​ഗ​ര​ത്തി​നാ​യി ആ​ന​ക്കു​ളം സാം​സ്കാ​രി​ക നി​ല​യ​ത്തി​ൽ ഓ​ഫി​സ് ഉ​ട​ൻ പ്ര​വ​ർ​ത്തി​ച്ചു​തു​ട​ങ്ങും. ഡ​യാ​സ്പോ​റി​ക് ചി​ൽ​ഡ്ര​ൻ​സ് പാ​ർ​ല​മെ​ന്റ് സം​ഘ​ടി​പ്പി​ക്കും. ജ​ന​കീ​യ ഭ​ര​ണ നി​ർ​വ​ഹ​ണ​ത്തി​ൽ കു​ട്ടി​ക​ളു​ടെ പ​ങ്കാ​ളി​ത്തം ഉ​റ​പ്പു​വ​രു​ത്തു​ന്ന​തി​ന് കോ​ഴി​ക്കോ​ട് കോ​ർ​പ​റേ​ഷ​ന്റെ കീ​ഴി​ലാ​ണ് കു​ട്ടി​ക​ളു​ടെ പാ​ർ​ല​മെ​ന്റ് വ​രു​ക.

ആ​ദ്യ ചി​ൽ​ഡ്ര​ൻ​സ് പാ​ർ​ല​മെൻറി​ൽ കോ​ഴി​ക്കോ​ടി​ന്റെ സാ​ഹി​ത്യ ന​ഗ​ര​പ​ദ​വി​യെ​പ്പ​റ്റി കു​ട്ടി​ക​ളു​ടെ നി​ർ​ദേ​ശ​ങ്ങ​ൾ സ്വീ​ക​രി​ക്കും. സാ​ഹി​ത്യ​പ​ദ​വി നേ​ടി​യെ​ടു​ക്കാ​നാ​യു​ള്ള പ്ര​വ​ർ​ത്ത​ന​ങ്ങ​ൾ​ക്കാ​യി സ്വ​ത​ന്ത്ര​മാ​യ ടാ​സ്ക് ഫോ​ഴ്സ് ഉ​ട​ൻ രൂ​പ​വ​ത്ക​രി​ക്കും. വി​ദേ​ശ​ത്തു​നി​ന്നു​ള്ള സാ​ഹി​ത്യ​കാ​ര​ന്മാ​ർ​ക്ക് ഇ​വി​ടെ​യു​ള്ള​വ​രു​മാ​യി സം​വ​ദി​ക്കാ​ൻ കൂ​ടു​ത​ൽ അ​വ​സ​ര​ങ്ങ​ളു​ണ്ടാ​ക്കും. ലോ​ഗോ ഉ​ട​ൻ ത​യാ​റാ​ക്കും. ഓ​ഫി​സ് പ്ര​വ​ർ​ത്ത​ന​ങ്ങ​ൾ​ക്കാ​യി ആ​ളു​ക​ളെ നി​യ​മി​ക്കും. യു​നെ​സ്കോ​യു​ടെ ദേ​ശീ​യ കൗ​ൺ​സി​ൽ മു​ഖേ​ന​യാ​ണ് പ​ദ്ധ​തി സ​മ​ർ​പ്പി​ക്കു​ക.

കോ​ഴി​ക്കോ​ട് ലി​റ്റ​റ​റി സ​ർ​ക്യൂ​ട്ടും റീ​ഡി​ങ് സ്ട്രീ​റ്റും ഉ​ണ്ടാ​ക്കും. സാ​ധ​ന​ങ്ങ​ള്‍ വാ​ങ്ങാ​നെ​ത്തു​ന്ന​വ​ര്‍ക്ക് വാ​യി​ക്കാ​നു​ള്ള ഒ​രി​ടം തെ​രു​വി​ല്‍ ഒ​രു​ക്കും. ഇ​ത്ത​ര​ത്തി​ല്‍ ജീ​വി​ത​വും സാ​ഹി​ത്യ​വും ഒ​ന്നി​ച്ചു​ചേ​ര്‍ത്തു​ള്ള പ്ര​വ​ര്‍ത്ത​ന​ങ്ങ​ളാ​ണ് ന​ട​പ്പാ​ക്കു​ക.

കി​ല​യു​ടെ സ​ഹ​ക​ര​ണ​ത്തോ​ടെ​യാ​ണ് സാ​ഹി​ത്യ​ന​ഗ​ര പ​ദ​വി​ക്കാ​യു​ള്ള ശ്ര​മ​ങ്ങ​ള്‍ ന​ട​ത്തു​ന്ന​ത്. സാ​ഹി​ത്യ​ന​ഗ​ര ശൃം​ഖ​ല​യി​ലു​ള്ള ന​ഗ​ര​ങ്ങ​ളാ​യ പ്രാ​ഗ്, കാ​ര്‍ക്കോ​വ്, എ​ഡി​ന്‍ബ​ര്‍ഗ് എ​ന്നി​വി​ട​ങ്ങ​ളി​ല്‍ എ​ന്തൊ​ക്കെ പ്ര​വ​ര്‍ത്ത​ന​ങ്ങ​ളാ​ണ് ന​ട​ത്തി​യ​തെ​ന്ന് പ​ഠി​ച്ച​ശേ​ഷ​മാ​ണ് കോ​ഴി​ക്കോ​ടി​ന്റെ സാ​ധ്യ​ത​ക​ളി​ലേ​ക്ക് ക​ട​ന്ന​ത്. കോ​ഴി​ക്കോ​ടി​ന്റെ സാ​ഹി​ത്യ പൈ​തൃ​കം, സാ​ധ്യ​ത​ക​ള്‍, സാ​മ്പ​ത്തി​ക​മാ​റ്റം തു​ട​ങ്ങി​യ കാ​ര്യ​ങ്ങ​ളെ​ല്ലാം പ​രി​ശോ​ധി​ച്ചു​ക​ഴി​ഞ്ഞു.

കോ​ഴി​ക്കോ​ട്ട് നി​ർ​ബ​ന്ധ​മാ​യി മ്യൂ​സി​യം ഒ​രു​ക്ക​ണ​മെ​ന്നും കോ​ഴി​ക്കോ​ടി​ന്റെ ഏ​റ്റ​വും വ​ലി​യ സാ​ഹി​ത്യ​ശ​ക്തി​യാ​യ എ​ണ്ണ​മ​റ്റ ചെ​റു ലൈ​ബ്ര​റി​ക​ളെ കൂ​ടു​ത​ൽ ശാ​ക്തീ​ക​രി​ക്ക​ണ​മെ​ന്നും യോ​ഗ​ത്തി​ൽ ആ​വ​ശ്യ​മു​യ​ർ​ന്നു. മ​ന്ത്രി​മാ​രാ​യ പി.​എ. മു​ഹ​മ്മ​ദ് റി​യാ​സ്, അ​ഹ​മ്മ​ദ് ദേ​വ​ർ​കോ​വി​ൽ എ​ന്നി​വ​ർ വി​ഡി​യോ സ​ന്ദേ​ശം ന​ൽ​കി.

ഡെ​പ്യൂ​ട്ടി മേ​യ​ർ സി.​പി. മു​സ​ഫ​ർ അ​ഹ​മ്മ​ദ്, കി​ല അ​ർ​ബ​ൻ ചെ​യ​ർ പ്ര​ഫ. അ​ജി​ത് കാ​ളി​യ​ത്ത്, എ​ന്‍.​ഐ.​ടി. അ​സോ. പ്ര​ഫ. ഡോ. ​സി. മു​ഹ​മ്മ​ദ് ഫി​റോ​സ്, ആ​ർ​ക്കി​ടെ​ക്ട് നി​മി​ൽ മെ​ഹ​ർ ഹു​സൈ​ൻ, പി.​കെ. പാ​റ​ക്ക​ട​വ്, ഡോ. ​പ്ര​സാ​ദ് കൃ​ഷ്ണ, ഡോ. ​കെ.​കെ. മു​ഹ​മ്മ​ദ്, പി.​ജെ. ജോ​ഷ്വ, സി​ദ്ധാ​ർ​ഥ​ൻ, ഡോ. ​വേ​ണു​ഗോ​പാ​ൽ എ​ന്നി​വ​ർ സം​സാ​രി​ച്ചു. ന​ഗ​രാ​സൂ​ത്ര​ണ സ്ഥി​രം​സ​മി​തി അ​ധ്യ​ക്ഷ കൃ​ഷ്ണ​കു​മാ​രി സ്വാ​ഗ​ത​വും കോ​ർ​പ​റേ​ഷ​ൻ സെ​ക്ര​ട്ട​റി കെ.​യു. ബി​നി ന​ന്ദി​യും പ​റ​ഞ്ഞു.