കൂടിച്ചേരലുകൾക്കിതാ മികച്ചൊരിടം

കോ​ഴി​ക്കോ​ട്: ന​ഗ​ര​ത്തി​ന്റെ കൂ​ടി​ച്ചേ​ര​ലു​ക​ൾ​ക്ക് ഇ​നി അ​ന്താ​രാ​ഷ്ട്ര സൗ​ക​ര്യം.15 കോ​ടി രൂ​പ ചെ​ല​വി​ട്ട് കോ​ർ​പ​റേ​ഷ​ൻ നി​ർ​മി​ച്ച ആ​ധു​നി​ക സൗ​ക​ര്യ​ങ്ങ​ളു​ള്ള പി. ​കൃ​ഷ്ണ​പ്പി​ള്ള മെ​മ്മോ​റി​യ​ൽ ഓ​ഡി​റ്റോ​റി​യം ചൊ​വ്വാ​ഴ്ച വൈ​കീ​ട്ട് നാ​ലി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നാ​ടി​ന് സ​മ​ർ​പ്പി​ക്കും.

ന​ഗ​ര​പ​രി​ധി​യി​ൽ കോ​വൂ​രി​ൽ 1.43 ഏ​ക്ക​റി​ലാ​ണ് മ​നോ​ഹ​ര​മാ​യ ഈ ​ഓ​ഡി​റ്റോ​റി​യം പ​ണി​ക​ഴി​പ്പി​ച്ചി​രി​ക്കു​ന്ന​ത്. ഭം​ഗി​യാ​യി ഒ​രു​ക്കി​യ ര​ണ്ട് ലോ​ബി​ക​ളാ​ണ് പ്ര​ധാ​ന​മാ​യു​ള്ള​ത്. ഇ​രു നി​ല​ക​ളി​ലു​ള്ള കെ​ട്ടി​ട​ത്തി​ന് 27000 ച​തു​ര​ശ്ര അ​ടി വി​സ്തീ​ർ​ണ​മു​ണ്ട്. ഒ​രു സ​മ​യം 300 പേ​ർ​ക്ക് ഭ​ക്ഷ​ണം ക​ഴി​ക്കാ​ൻ സൗ​ക​ര്യ​മു​ള്ള ഡൈ​നി​ങ് ഹാ​ൾ, ഓ​ഫീ​സ്, ഗ്രീ​ൻ റൂം, ​അ​ടു​ക്ക​ള, ശു​ചി​മു​റി എ​ന്നി​വ​യാ​ണ് താ​ഴ​ത്തെ നി​ല​യി​ൽ ഒ​രു​ക്കി​യി​രി​ക്കു​ന്ന​ത്.

ഈ ​നി​ല​യി​ൽ ചെ​റി​യൊ​രു സ്റ്റേ​ജു​മു​ണ്ട്. ഒ​ന്നാം നി​ല​യി​ലെ ശീ​തീ​ക​രി​ച്ച ഓ​ഡി​റ്റോ​റി​യ​ത്തി​ൽ 420 പേ​ർ​ക്ക് ഇ​രി​ക്കാ​നു​ള്ള സൗ​ക​ര്യ​മു​ണ്ട്. സ്റ്റേ​ജ്, ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​കം ഗ്രീ​ൻ റൂ​മു​ക​ൾ, ശു​ചി​മു​റി​ക​ൾ, പ്ര​ധാ​ന ലോ​ബി എ​ന്നി​വ ഇ​വി​ടെ ഒ​രു​ക്കി​യി​ട്ടു​ണ്ട്.

വി​ശാ​ല​മാ​യ പാ​ർ​ക്കി​ങ് സൗ​ക​ര്യ​മാ​ണ് മ​റ്റൊ​രു പ്ര​ത്യേ​ക​ത. 70 കാ​റു​ക​ൾ​ക്കും അ​ഞ്ച്‌ ബ​സി​നും 200 ബൈ​ക്കു​ക​ൾ​ക്കും ഒ​രേ​സ​മ​യം പാ​ർ​ക്ക് ചെ​യ്യാം. വി​വാ​ഹ ആ​വ​ശ്യ​ങ്ങ​ൾ​ക്കും സ​മ്മേ​ള​ന​ങ്ങ​ൾ​ക്കും ക​ലാ​പ​രി​പാ​ടി​ക​ൾ​ക്കും വേ​ണ്ട സൗ​ക​ര്യ​ങ്ങ​ൾ ഈ ​ഓ​ഡി​റ്റോ​റി​യ​ത്തി​ലു​ണ്ട്.

ടാ​ഗോ​ർ ഹാ​ൾ ശോ​ച​നീ​യാ​വ​സ്ഥ​യി​ലാ​യ സാ​ഹ​ച​ര്യ​ത്തി​ൽ ന​ഗ​ര​സ​ഭ​ക്ക് നി​ല​വാ​ര​മു​ള്ള മ​റ്റൊ​രു ഓ​ഡി​റ്റോ​റി​യ​മൊ​രു​ങ്ങു​ന്നു എ​ന്ന പ്ര​ത്യേ​ക​ത​യു​മു​ണ്ട്. ര​ണ്ടു നി​ല​ക​ൾ ഒ​രു​മി​ച്ചും ഒ​രു നി​ല മാ​ത്ര​മാ​യും ആ​വ​ശ്യ​ക്കാ​ർ​ക്ക് ന​ൽ​കു​മെ​ന്ന് കോ​ർ​പ​റേ​ഷ​ൻ അ​ധി​കൃ​ത​ർ അ​റി​യി​ച്ചു.