നാദാപുരത്ത് ചെരിപ്പ് ഷോറൂം കത്തിനശിച്ചു

നാ​ദാ​പു​രം: തീ​പി​ടി​ത്ത​ത്തി​ൽ വ​ൻ നാ​ശ​ന​ഷ്ടം. ഗോ​ഡൗ​ണി​ൽ സൂ​ക്ഷി​ച്ച വി​ല​പി​ടി​ച്ച ചെ​രി​പ്പ് ശേ​ഖ​രം പൂ​ർ​ണ​മാ​യും ക​ത്തി​ന​ശി​ച്ചു. 25 ല​ക്ഷം രൂ​പ​യി​ല​ധി​കം ന​ഷ്ടം​വ​ന്ന​താ​യി ക​ണ​ക്കാ​ക്കു​ന്നു. ക​ക്കം​വെ​ള്ളി​യി​ൽ പു​തു​താ​യി പ്ര​വ​ർ​ത്ത​ന​മാ​രം​ഭി​ച്ച ജാ​ക്ക് കോ​സ്റ്റ​ർ ബ്രാ​ൻ​ഡ​ഡ് ചെ​രി​പ്പ് വി​ൽ​പ​ന കേ​ന്ദ്ര​മാ​ണ് ക​ത്തി​ന​ശി​ച്ച​ത്.

ഇ​ന്ന​ലെ ഉ​ച്ച​ക്ക് മൂ​ന്നു മ​ണി​യോ​ടെ​യാ​യി​രു​ന്നു അ​പ​ക​ടം. ക​ട​യു​ടെ ബോ​ർ​ഡി​ൽ​നി​ന്നും പ​ട​ർ​ന്ന തീ ​മു​ക​ൾ​നി​ല​യി​ൽ ചെ​രി​പ്പു​ക​ൾ സൂ​ക്ഷി​ച്ച മു​റി​യി​ലേ​ക്ക് പ​ട​രു​ക​യാ​യി​രു​ന്നു. നി​മി​ഷ​ങ്ങ​ൾ​ക്ക​കം മു​ക​ൾ നി​ല​യി​ലെ മു​റി ക​ത്തി​ച്ചാ​മ്പ​ലാ​യി. ചേ​ല​ക്കാ​ട് നി​ന്നെ​ത്തി​യ ര​ണ്ടു യൂ​നി​റ്റ് ഫ​യ​ർ​ഫോ​ഴ്‌​സ് സം​ഘം ഏ​റെ നേ​രം പ​ണി​പ്പെ​ട്ടാ​ണ് തീ​യ​ണ​ച്ച​ത്.

കു​മ്മ​ങ്കോ​ട് സ്വ​ദേ​ശി ഒ​തി​യോ​ത്ത് അ​ജ്മ​ൽ അ​ട​ങ്ങു​ന്ന ബി​സി​ന​സ് ഗ്രൂ​പ്പി​ന്റേ​താ​ണ് സ്ഥാ​പ​നം. 25 ല​ക്ഷം രൂ​പ​യു​ടെ പു​ത്ത​ൻ സ്റ്റോ​ക്ക് ക​ഴി​ഞ്ഞ ദി​വ​സ​മാ​ണ് ക​ട​യി​ലെ​ത്തി​യ​തെ​ന്ന് ഉ​ട​മ​ക​ൾ പ​റ​ഞ്ഞു. മു​ക​ൾ​ഭാ​ഗ​ത്തെ ഗോ​ഡൗ​ണി​ലാ​ണ് ഇ​വ സൂ​ക്ഷി​ച്ചി​രു​ന്ന​ത്. ക​ട​യു​ടെ ബോ​ർ​ഡി​ന​ടി​യി​ൽ​നി​ന്നാ​ണ് ആ​ദ്യം തീ​പ​ട​ർ​ന്ന​തെ​ന്ന് സ​മീ​പ​ത്തെ ക​ച്ച​വ​ട​ക്കാ​ർ പ​റ​ഞ്ഞു. നി​മി​ഷ​ങ്ങ​ൾ​ക്ക​കം തീ ​ഗോ​ഡൗ​ണി​ലേ​ക്ക് പ​ട​രു​ക​യും ഉ​ൽ​പ​ന്ന​ങ്ങ​ൾ വെ​ണ്ണീ​രാ​യി മാ​റു​ക​യു​മാ​യി​രു​ന്നു.

സൈ​ൻ ബോ​ർ​ഡി​ലെ വൈ​ദ്യു​തി ലൈ​റ്റി​ൽ നി​ന്നു​ണ്ടാ​യ ഷോ​ർ​ട്ട് സ​ർ​ക്യൂ​ട്ടാ​ണ് അ​പ​ക​ട​കാ​ര​ണ​മെ​ന്ന് ക​രു​തു​ന്നു. ഗോ​ഡൗ​ണി​നു​ള്ളി​ൽ വൈ​ദ്യു​തി ക​ണ​ക്ഷ​ൻ ന​ൽ​കി​യി​ട്ടി​ല്ല. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് വി.​വി. മു​ഹ​മ്മ​ദ​ലി, സെ​ക്ര​ട്ട​റി ഷാ​ഹു​ൽ ഹ​മീ​ദ്, വ്യാ​പാ​രി നേ​താ​ക്ക​ളാ​യ ഏ​ര​ത്ത് ഇ​ഖ്ബാ​ൽ, ക​ണേ​ക്ക​ൽ അ​ബ്ബാ​സ്, ഹാ​രി​സ് മാ​ത്തോ​ട്ടം, സി.​ഐ. ഫാ​യി​സ് അ​ലി, ത​ഹ​സി​ൽ​ദാ​ർ കെ.​വി. സു​ധീ​ർ എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി.