രക്തജന്യ രോഗികൾക്ക് പ്രത്യേക ചികിത്സകേന്ദ്രമൊരുങ്ങുന്നു

കോഴിക്കോട്്, തിരുവനന്തപുരം മെഡിക്കൽ കോളജുകൾ, ആലുവ, മാനന്തവാടി ജില്ല ആശുപത്രികൾ എന്നിവിടങ്ങളിലാണ്​ പ്രത്യേക ചികിത്സകേന്ദ്രങ്ങൾകോഴിക്കോട്: തലാസീമിയ, ഹീമോഫീലിയ, സിക്കിൾസെൽ അനീമിയ പോലുള്ള മാരക രക്തജന്യ രോഗികൾക്ക്​ പ്രത്യേക ചികിത്സകേന്ദ്രങ്ങൾ ഒരുങ്ങുന്നു. എല്ലാ വിഭാഗം രക്തജന്യ രോഗികളെയും ഒരു കുടക്കീഴിൽ ചികിത്സിക്കാനുള്ള സൗകര്യമാണ്​ ഒരുങ്ങുന്നത്​.

എ.പി.എൽ, ബി.പി.എൽ വ്യത്യാസമില്ലാതെ രോഗികൾക്ക് ചികിത്സ സമ്പൂർണമായും സൗജന്യമായിരിക്കും. കോഴിക്കോട് മെഡിക്കൽ കോളജ്, തിരുവനന്തപുരം മെഡിക്കൽ കോളജ്, ആലുവ ജില്ല ആശുപത്രി, മാനന്തവാടി ജില്ല ആശുപത്രി എന്നീ നാല്‌ ആശുപത്രികളിലാണ്​ പ്രത്യേക ചികിത്സകേന്ദ്രങ്ങൾ തുടങ്ങുക. തിരുവനന്തപുരത്ത് കേന്ദ്രം ആരംഭിച്ചുകഴിഞ്ഞു.

എല്ലാ ജില്ലകളിലും ഹീമോഫീലിയ ട്രീറ്റ്മെൻറ്​ സെൻററും ബ്ലഡ് ട്രാൻസ്ഫ്യൂഷൻ സൗകര്യവും ഏർപെടുത്തും. ട്രീറ്റ്മെൻറ്​ സെൻററിലേക്ക്​ എല്ലാ ജില്ലകളിലും നോഡൽ ഓഫിസർമാരെ നിയോഗിച്ചിട്ടുണ്ട്​. കോഴിക്കോട്ട്​​ രക്തപരിശോധനക്കുള്ള യന്ത്രം എത്തിയിട്ടുണ്ടെന്ന്​ നോഡൽ ഓഫിസർ ഡോ. അബ്​ദുൽ മജീദ്​ പറഞ്ഞു. മറ്റ്​ നടപടിക്രമങ്ങൾ ആയിവരുന്നേയുള്ളൂ. പ്രായഭേദമന്യേ ജീവൻ രക്ഷാമരുന്നുകളും ബ്ലഡ് ഫിൽട്ടർ സെറ്റുകളും ലഭ്യമാക്കുന്നതിനും സൗകര്യമൊരുക്കും.

നിലവിൽ 18 വയസ്സിന്​ താഴെയുള്ള കുട്ടികൾക്ക്​ മാത്രമായിരുന്നു മരുന്നും മറ്റ്​ ചികിത്സാ സഹായങ്ങളും സൗജന്യമായി ലഭിച്ചിരുന്നത്​. അതുതന്നെ പല ആശുപത്രികളിലും ഉണ്ടാകാറുമില്ല. പ്രായഭേദമന്യേ എല്ലാ രക്തജന്യ രോഗികൾക്കും ചികിത്സ സൗജന്യമാക്കുന്നതും​ പരിശോധനകേന്ദ്രങ്ങളും രക്​തം മാറ്റുന്നതിനുള്ള സൗകര്യങ്ങളും ഒരുക്കുന്നതും​ രോഗികൾക്ക്​ ആശ്വാസം പകരും.

സംസ്ഥാന സർക്കാറി​െൻറ നേതൃത്വത്തിൽ ദേശീയാരോഗ്യ ദൗത്യത്തിൻ കീഴിൽ സ്​റ്റേറ്റ് ബ്ലഡ് സെൽ ആണ് പദ്ധതി നടപ്പാക്കുന്നത്. തലാസീമിയ, സിക്കിൾ സെൽ അനീമിയ രോഗങ്ങളോടെയുള്ള ശിശുജനനങ്ങൾ സമ്പൂർണമായും തടയാനും ഹീമോഫീലിയ രോഗം നിയന്ത്രണവിധേയമാക്കാനും നടപടിയുണ്ടാവും.

മൂന്നു വർഷം മുമ്പുതന്നെ പദ്ധതി നടപ്പാക്കുന്നതിനെ കുറിച്ച് സർക്കാർ തലത്തിൽ ആലോചിച്ചിരുന്നു. രക്തജന്യ രോഗികൾക്ക്​ സൗജന്യ വിദഗ്ധ ചികിത്സാ കേന്ദ്രങ്ങൾ തുടങ്ങാനുള്ള സർക്കാർ പദ്ധതി പ്രതീക്ഷ നൽകുന്നതാണെന്ന്​ പേഷ്യൻറ്​സ്​ പ്രൊട്ടക്ഷൻ കൗൺസിൽ സംസ്​ഥാന ജനറൽ കൺവീനർ കരീം കാരശ്ശേരി പറഞ്ഞു.