മലപ്പുറം കൂട്ടിലങ്ങാടി മൈതാനത്ത് നടന്ന കുടുംബശ്രീ ജില്ല മിഷൻ ബഡ്സ് കായികമേളയിൽ ജൂനിയർ സോഫ്റ്റ് ബാൾ ത്രോയിൽ മത്സരിക്കുന്ന തിരൂർ ബഡ്സ് സ്കൂളിലെ ഫാത്തിമ റിഫ
മലപ്പുറം: ഓട്ടവും ചാട്ടവും സോഫ്റ്റ് ബാൾ ത്രോ മത്സരങ്ങളുമായി കൂട്ടിലങ്ങാടി എം.എസ്.പി മൈതാനത്ത് വേറിട്ട കായികാവേശം തീർത്ത് ജില്ലയിലെ ബഡ്സ് വിദ്യാർഥികൾ. ബഡ്സ്, ബി.ആർ.സി സ്കൂളുകളിലെ വിദ്യാർഥികൾക്കായി സംഘടിപ്പിച്ച സ്പ്രിന്റ് 2k 23 ജില്ല കായികമേള കലക്ടർ വി.ആർ. വിനോദ് ഉദ്ഘാടനം ചെയ്തു. കുടുംബശ്രീ ജില്ല കോ ഓഡിനേറ്റർ ജാഫർ കെ. കക്കൂത്ത് അധ്യക്ഷത വഹിച്ചു. ജില്ല സ്പോട്സ് കൗൺസിൽ പ്രസിഡന്റ് വി.പി. അനിൽ മുഖ്യാതിഥിയായിരുന്നു.
കുടുംബശ്രീയും സ്പോട്സ് കൗൺസിലും സംയുക്തമായാണ് മേള സംഘടിപ്പിച്ചത്. ജില്ലയിലെ 64 സ്കൂളുകളിൽ നിന്നായി സബ് ജൂനിയർ, ജൂനിയർ, സീനിയർ വിഭാഗങ്ങളിൽ അഞ്ഞൂറോളം വിദ്യാർഥികൾ വിവിധ മത്സരങ്ങളിൽ പങ്കെടുത്തു. 50, 100 മീറ്റർ ഓട്ട മത്സരം, ഷോട്ട്പുട്ട്, സ്റ്റഡി ജംപ്, സോഫ്റ്റ് ബാൾ ത്രോ, ലോങ് ജംപ്, റിലേ തുടങ്ങിയ മത്സരയിനങ്ങളാണ് ഒരുക്കിയിരുന്നത്. വിവിധ ബഡ്സ്, ബി.ആർ.സികളിലായി 2400 വിദ്യാർഥികളാണ് ജില്ലയിലുള്ളത്. ഉദ്ഘാടന ചടങ്ങില്‍ മലപ്പുറം നഗരസഭാധ്യക്ഷൻ മുജീബ് കാടേരി, പ്രതിപക്ഷ നേതാവ് ഒ. സഹദേവൻ, കൗൺസിലർ റംസീന, സ്പോട്സ് കൗൺസിൽ സെകട്ടറി വി.ആര്‍. അർജുൻ, ജില്ല സ്പോർട്സ് ഓഫിസർ ടി. മുരുകന്‍ രാജ്, ജൂനിയർ ഹെൽത്ത് ഇൻസ്പെക്ടർ ഹാരിസ്, കുടുംബശ്രീ ജില്ല പ്രോഗ്രാം മാനേജർ കെ.എസ്. ഹസ്കർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.