വൈദ്യുതി ഒളിച്ചുകളി; കെ.എസ്.ഇ.ബി ഓഫിസിൽ അർധരാത്രി പ്രതിഷേധവുമായി നാട്ടുകാർ

എ​ട​യൂ​ർ: ഇ​ട​യ്ക്കി​ടെ​യു​ള്ള വൈ​ദ്യു​തി​യു​ടെ ഒ​ളി​ച്ചു​ക​ളി​മൂ​ലം ക​ഠി​ന ചൂ​ടി​ൽ പൊ​റു​തി​മു​ട്ടി​യ നാ​ട്ടു​കാ​ർ അ​ർ​ധ​രാ​ത്രി എ​ട​യൂ​ർ കെ.​എ​സ്.​ഇ.​ബി ഓ​ഫി​സി​ന് മു​മ്പി​ൽ കു​ത്തി​യി​രു​ന്ന് പ്ര​തി​ഷേ​ധി​ച്ചു. എ​ട​യൂ​ർ മേ​ഖ​ല​യി​ൽ രാ​ത്രി​സ​മ​യ​ത്ത് ഇ​ട​ക്കി​ടെ വൈ​ദ്യു​തി മു​ട​ങ്ങു​ന്ന​ത് പ​തി​വാ​യി​രി​ക്കു​ക​യാ​ണ്. അ​സ​ഹ​നീ​യ​മാ​യ ചൂ​ട് കാ​ര​ണം രാ​ത്രി​യി​ൽ ഉ​റ​ങ്ങാ​തെ ക​ര​യു​ന്ന കൊ​ച്ചു​കു​ട്ടി​ക​ളു​ടെ ദു​രി​തം ക​ണ്ടാ​ണ് നാ​ട്ടു​കാ​ർ പൂ​ക്കാ​ട്ടി​രി​യി​ൽ പ്ര​വ​ർ​ത്തി​ക്കു​ന്ന കെ.​എ​സ്.​ഇ.​ബി ഓ​ഫി​സി​ൽ ക​ഴി​ഞ്ഞ ദി​വ​സം രാ​ത്രി 12 ഓ​ടെ എ​ത്തി​യ​ത്. എ​ട​യൂ​ർ മ​ണ്ണ​ത്ത്പ​റ​മ്പ്, വ​ട്ട​പ​റ​മ്പ്, ആ​ൽ​പ​റ്റ​പ​ടി, മൂ​ന്നാ​ക്ക​ൽ പ​ള്ളി​റോ​ഡ് തു​ട​ങ്ങി​യ സ്ഥ​ല​ങ്ങ​ളി​ൽ രാ​ത്രി വൈ​ദ്യു​തി​യു​ടെ ഒ​ളി​ച്ചു​ക​ളി പ​തി​വാ​ണെ​ന്ന് നാ​ട്ടു​കാ​ർ പ​റ​ഞ്ഞു.

കി​ട​പ്പി​ലാ​യ രോ​ഗി​ക​ൾ, പി​ഞ്ചു കു​ഞ്ഞു​ങ്ങ​ൾ, വ​യോ​ധി​ക​ർ തു​ട​ങ്ങി​യ​വ​രാ​ണ് ഏ​റ്റ​വും അ​ധി​കം പ്ര​യാ​സ​പ്പെ​ടു​ന്ന​ത്. ചി​ല ഭാ​ഗ​ങ്ങ​ളി​ൽ വോ​ൾ​ട്ടേ​ജ് കു​റ​വും പ്ര​യാ​സം സൃ​ഷ്ടി​ക്കു​ന്നു​ണ്ട്. ക​ഴി​ഞ്ഞ ദി​വ​സം രാ​ത്രി വൈ​ദ്യു​തി പോ​യ​തി​നെ ത​ട​ർ​ന്നാ​ണ് രോ​ഷാ​കു​ല​രാ​യ നാ​ട്ടു​കാ​ർ കു​ട്ടി​ക​ളു​മാ​യി കെ.​എ​സ്.​ഇ.​ബി യി​ൽ വ​ന്ന് കു​ത്തി​യി​രു​ന്ന​ത്. രാ​ത്രി കാ​ല​ങ്ങ​ളി​ലെ ഇ​ട​യ്ക്കി​ടെ​യു​ള്ള വൈ​ദ്യു​തി ത​ട​സ്സം ഒ​ഴി​വാ​ക്കി​യി​ല്ലെ​ങ്കി​ൽ സ്ത്രീ​ക​ളെ​യും കു​ട്ടി​ക​ളെ​യും കൂ​ട്ടി ഓ​ഫി​സ് ഉ​പ​രോ​ധി​ക്കു​മെ​ന്ന് നാ​ട്ടു​കാ​ർ പ​റ​ഞ്ഞു. വൈ​ദ്യു​തി​യു​ടെ അ​മി​ത ഉ​പ​യോ​ഗം മൂ​ലം ലോ​ഡ് താ​ങ്ങാ​ൻ സാ​ധി​ക്കാ​ത്ത​തി​നാ​ൽ സ​ബ് സ്റ്റേ​ഷ​നി​ൽ നി​ന്നു​ള്ള അ​റി​യി​പ്പ് പ്ര​കാ​ര​മാ​ണ് ചി​ല പ്ര​ദേ​ശ​ങ്ങ​ളി​ൽ വൈ​ദ്യു​തി വി​ത​ര​ണം നി​ർ​ത്തി​വെ​ക്കേ​ണ്ടി വ​രു​ന്ന​തെ​ന്ന് അ​ധി​കൃ​ത​ർ പ​റ​ഞ്ഞു.