കോട്ടക്കൽ ഒരുങ്ങി; ഒരുമയുടെ പെരുമയുമായി ‘ഹാർമോണിയസ് കേരള’ ഇന്ന്

മ​ല​പ്പു​റം: കേ​ര​ള​ത്തി​ന്റെ ഒ​ത്തൊ​രു​മ​യു​ടെ ആ​ഘോ​ഷ​മാ​യ മാ​ധ്യ​മം ‘ഹാ​ർ​മോ​ണി​യ​സ് കേ​ര​ള’ മ​ഞ്ഞു​പെ​യ്യു​ന്ന ക്രി​സ്മ​സ് രാ​വി​ൽ ആ​വേ​ശ​ത്തി​ന്റെ അ​ല​ക​ട​ൽ തീ​ർ​ക്കും.

കോ​ട്ട​ക്ക​ൽ ആ​യു​ർ​വേ​ദ കോ​ള​ജ് മൈ​താ​നി​യി​ൽ ചൊ​വ്വാ​ഴ്ച വൈ​കീ​ട്ട് അ​ഞ്ചു മു​ത​ലാ​ണ് ആ​ഘോ​ഷ​രാ​വി​ന് തു​ട​ക്ക​മാ​വു​ക. പാ​ട്ടും പ​റ​ച്ചി​ലും ചി​രി​യു​മാ​യി അ​ഞ്ചു മ​ണി​ക്കൂ​ർ നീ​ളു​ന്ന ​മെ​ഗാ​ഷോ മ​ല​പ്പു​റ​ത്തി​​ന്റെ ച​രി​ത്രം മാ​റ്റി​യെ​ഴു​തും.

കേ​ര​ള​ത്തി​ൽ സാ​ഹോ​ദ​ര്യ​ത്തി​ന്റെ അം​ബാ​സ​ഡ​ർ​മാ​രാ​യ സാ​മൂ​ഹി​ക-​സാം​സ്കാ​രി​ക വ്യ​ക്തി​ത്വ​ങ്ങ​ളു​ടെ സം​ഗ​മ​വും യു​വ ഗാ​യ​ക​ക്കൂ​ട്ട​ത്തി​ന്റെ സം​ഗീ​ത​വി​രു​ന്നും ആ​സ്വ​ദി​ക്കാ​ൻ ആ​യി​ര​ങ്ങ​ളെ​ത്തും. വി​പു​ല​മാ​യ സൗ​ക​ര്യ​ങ്ങ​ളാ​ണ് ആ​യു​ർ​വേ​ദ കോ​ള​ജ് മൈ​താ​നി​യി​ൽ സ​ജ്ജ​മാ​ക്കി​യ​ത്. ​പ്ര​വേ​ശ​നം പാ​സ് മൂ​ലം നി​യ​ന്ത്രി​ച്ചി​ട്ടു​ണ്ട്. വൈ​കീ​ട്ട് നാ​ലോ​ടെ ആ​ഘോ​ഷ​വേ​ദി​യി​ലേ​ക്കു​ള്ള വാ​തി​ൽ തു​റ​ക്കും.

‘ഒ​രു ദേ​ശ​ത്തി​ന്റെ ക​ഥ’ എ​ന്ന പേ​രി​ൽ സാ​ഹോ​ദ​ര്യ​ത്തി​ന്റെ​യും ഒ​ത്തൊ​രു​മ​യു​ടെ​യും സം​ഗ​മം ഹാ​ർ​മോ​ണി​യ​സ് കേ​ര​ള വേ​ദി​യി​ൽ ന​ട​ക്കും. പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ, കോ​ട്ട​ക്ക​ൽ ആ​ര്യ​വൈ​ദ്യ​ശാ​ല ട്ര​സ്റ്റി ഡോ. ​പി.​എം. വാ​ര്യ​ർ, മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നും മാ​ധ്യ​മം ചീ​ഫ് എ​ഡി​റ്റ​റു​മാ​യ ഒ. ​അ​ബ്ദു​റ​ഹ്മാ​ൻ, കേ​ന്ദ്ര സാ​ഹി​ത്യ അ​ക്കാ​ദ​മി അ​വാ​ർ​ഡ് ജേ​താ​വ് കെ.​പി. രാ​മ​നു​ണ്ണി, പ്ര​മു​ഖ ക്രൈ​സ്ത​വ പു​രോ​ഹി​ത​നും സാം​സ്കാ​രി​ക-​സാ​മു​ദാ​യി​ക മു​ഖ​വു​മാ​യ ഫാ. ​ജോ​സ​ഫ് ക​ള​ത്തി​ൽ എ​ന്നി​വ​ർ ‘ഒ​രു ദേ​ശ​ത്തി​ന്റെ ക​ഥ’​യി​ൽ ഒ​ത്തു​ചേ​രും. പ്ര​മു​ഖ ​മാ​ധ്യ​മ​പ്ര​വ​ർ​ത്ത​ക​ൻ നി​ഷാ​ദ് റാ​വു​ത്ത​ർ സെ​ഷ​ൻ നി​യ​ന്ത്രി​ക്കും.

തു​ട​ർ​ന്ന് ഹാ​ർ​മോ​ണി​യ​സ് കേ​ര​ള​യു​ടെ ഉ​ദ്ഘാ​ട​നം എം.​പി. അ​ബ്ദു​സ്സ​മ​ദ് സ​മ​ദാ​നി എം.​പി നി​ർ​വ​ഹി​ക്കും. മ​ല​പ്പു​റം ജി​ല്ല ക​ല​ക്ട​ർ വി.​ആ​ർ. വി​നോ​ദ് ഉ​ദ്ഘാ​ട​ന​ച്ച​ട​ങ്ങി​ൽ സം​ബ​ന്ധി​ക്കും. തു​ട​ർ​ന്ന് പാ​ട്ടി​ന്റെ ആ​ഘോ​ഷ​രാ​വു​മാ​യി യു​വ ഗാ​യ​ക​ക്കൂ​ട്ടം അ​ര​ങ്ങ് കീ​ഴ​ട​ക്കും.

സൂ​ര​ജ് സ​ന്തോ​ഷും ന​ജീം അ​ർ​ഷാ​ദും അ​ക്ബ​ർ ഖാ​നും ജാ​സിം ജ​മാ​ലും ക്രി​സ്റ്റ​ക​ല​യും ന​ന്ദ​യും സി​ജു സി​യാ​നും സം​ഗീ​ത​രാ​വി​ന് കു​ളി​രേ​കും. അ​നു​ക​ര​ണ​ക​ല​യു​ടെ ത​ക​ർ​പ്പ​ൻ പ്ര​ക​ട​ന​വു​മാ​യി സി​ദ്ദീ​ഖ് റോ​ഷ​നു​മു​ണ്ടാ​വും. ജ​ന​പ്രി​യ അ​വ​താ​ര​ക​ൻ മി​ഥു​ൻ ര​മേ​ശ് രാ​വി​ന് ഓ​ളം തീ​ർ​ക്കും.