നി​ലം​പൊ​ത്താ​റാ​യ കു​ടി​ലി​ലി​രു​ന്ന്​ പാ​ര്‍വ​തി ചോ​ദി​ക്കു​ന്നു, എ​ന്നാ​ണ് അ​ധി​കൃ​ത​ർ ക​നി​യു​ക

പു​ളി​ക്ക​ല്‍: അ​ധി​കൃ​ത​രോ​ട് ഇ​നി​യെ​ങ്കി​ലും ക​ണ്ണു​തു​റ​ക്കാ​ന്‍ പ​റ​യു​ക​യാ​ണ് ഈ ​നി​രാ​ലം​ബ വി​ധ​വ. പു​ളി​ക്ക​ല്‍ പ​ഞ്ചാ​യ​ത്തി​ല്‍ നാ​ലാം വാ​ര്‍ഡ് ഒ​ള​വ​ട്ടൂ​ര്‍ കൊ​ര​ണ്ടി​പ​റ​മ്പി​ലാ​ണ് അ​ത്തി​ക്ക​ല്‍ പാ​ര്‍വ​തി​യാ​ണ് അ​ധി​കൃ​ത​രു​ടെ അ​വ​ഗ​ണ​ന​പേ​റി ജീ​വി​തം ക​ഴി​ച്ചു​കൂ​ട്ടു​ന്ന​ത്.

ന​ല്ലൊ​രു കാ​റ്റും മ​ഴ​യും ഒ​രു​മി​ച്ചെ​ത്തി​യാ​ല്‍ നി​ലം​പൊ​ത്തു​ന്ന ഷീ​റ്റ് മേ​ഞ്ഞ ഒ​റ്റ​മു​റി കു​ടി​ലി​ലാ​ണ് ഈ ​അ​റു​പ​ത്തി​നാ​ലു​കാ​രി ക​ഴി​യു​ന്ന​ത്. ശ​രി​യാ​ക്കാം എ​ന്ന സ്ഥി​രം മ​റു​പ​ടി മാ​ത്ര​മാ​ണ് അ​ധി​കൃ​ത​രി​ല്‍നി​ന്ന്​ ല​ഭി​ക്കാ​റെ​ന്ന് പാ​ര്‍വ​തി പ​റ​യു​ന്നു.

ഇ​വ​രെ​യും മ​ക​ളെ​യും ഉ​പേ​ക്ഷി​ച്ച്​ 40 വ​ര്‍ഷം മു​മ്പ് ഭ​ര്‍ത്താ​വ് പോ​യ​താ​ണ്. മ​ക​ളു​ടെ വി​വാ​ഹം നാ​ട്ടു​കാ​രും ബ​ന്ധു​ക്ക​ളും ചേ​ര്‍ന്ന് മു​ണ്ടു​മു​ഴി​യി​ലെ ഭി​ന്ന​ശേ​ഷി​ക്കാ​ര​നാ​യ ഒ​രു യു​വാ​വു​മാ​യി ന​ട​ത്തി. ഇ​ദ്ദേ​ഹ​ത്തി​നും ഭാ​രി​ച്ച കു​ടും​ബ​ബാ​ധ്യ​ത​ക​ള്‍ ഉ​ള്ള​തി​നാ​ല്‍ സ​ഹാ​യി​ക്കാ​ന്‍ പ​രി​മി​തി​ക​ളു​ണ്ട്.

കു​ടും​ബ​സ്വ​ത്താ​യി കി​ട്ടി​യ കു​ന്നി​ന്‍മു​ക​ളി​ലു​ള്ള 10 സെൻറ്​ സ്ഥ​ല​ത്താ​ണ് പാ​ര്‍വ​തി​യു​ടെ കു​ടി​ല്‍. ചു​റ്റും കാ​ടാ​ണ്. എ​ത്തി​പ്പെ​ടാ​ന്‍ വ​ഴി​യും ഇ​ല്ല. വേ​ന​ലി​ല്‍ വെ​ള്ള​വും കി​ട്ടി​ല്ല. കു​ടും​ബ​ശ്രീ​യി​ല്‍നി​ന്ന്​ കി​ട്ടു​ന്ന വ​രു​മാ​ന​മാ​ണ് ജീ​വി​ത​മാ​ര്‍ഗം.

മാ​റി​മാ​റി​വ​രു​ന്ന സ​ർ​ക്കാ​റു​ക​ള്‍ക്ക് പ​ഞ്ചാ​യ​ത്ത് അം​ഗ​ങ്ങ​ൾ മു​ഖേ​ന പ​ല​ത​വ​ണ നി​വേ​ദ​ന​ങ്ങ​ള്‍ ന​ല്‍കി​യി​ട്ടും പ​രി​ഹാ​ര​മു​ണ്ടാ​യി​ട്ടി​ല്ല. അ​വ​സാ​നം 2019ല്‍ ​വാ​ര്‍ഡ് അം​ഗം മു​ഖേ​ന 'ലൈ​ഫ്' പ​ദ്ധ​തി​ക്കാ​യി ന​ല്‍കി​യ അ​പേ​ക്ഷ​യി​ല്‍ 'പ്ര​ധാ​ന​മ​ന്ത്രി ആ​വാ​സ് യോ​ജ​ന'​യി​ല്‍ ഉ​ള്‍പ്പെ​ടു​ത്തി​യ​താ​ണ് ഇ​വ​ര്‍ക്ക് തി​രി​ച്ച​ടി​യാ​യ​ത്.

പ​ല​ത​വ​ണ ഓ​ഫി​സു​ക​ളി​ല്‍ ക​യ​റി​യി​റ​ങ്ങി​യി​ട്ടും തു​ട​ര്‍ന​ട​പ​ടി​ക​ളാ​യി​ല്ല. ഈ ​കു​ടി​ലി​ല്‍ അ​ന്തി​യു​റ​ങ്ങാ​നു​ള്ള ഭ​യം കാ​ര​ണം അ​യ​ല്‍വാ​സി​യു​ടെ വീ​ട്ടി​ലാ​ണ് രാ​ത്രി ഉ​റ​ങ്ങാ​റ്. സു​മ​ന​സ്സു​ക​ളി​ലും ന​ല്ല​വ​രാ​യ നാ​ട്ടു​കാ​രി​ലു​മാ​ണ് പാ​ർ​വ​തി​യു​ടെ പ്ര​തീ​ക്ഷ.