മേലങ്ങാടിയിൽ അപകടത്തിൽപ്പെട്ട വാഹനങ്ങൾ
കൽപകഞ്ചേരി: കൽപകഞ്ചേരി മേലങ്ങാടിയിൽ കാർ മൂന്ന് വാഹനങ്ങളിൽ ഇടിച്ച് നാല് പേർക്ക് പരിക്കേറ്റു. ബുധനാഴ്ച രാവിലെ 9.45നായിരുന്നു അപകടം. പുത്തനത്താണി ഭാഗത്തുനിന്ന് വന്ന കാറാണ് എതിർദിശയിൽ പോവുകയായിരുന്ന രണ്ട് ബൈക്കുകളിലും നിർത്തിയിട്ട ഓട്ടോയിലും ഇടിച്ചത്.
ഇടിയുടെ ആഘാതത്തിൽ സമീപത്തെ കടക്കും നാശം സംഭവിച്ചു. ഓട്ടോ ഡ്രൈവർ കൽപകഞ്ചേരി സ്വദേശി കോതങ്കളത്തിൽ ജലീൽ, കടയുടമ കല്ലൻ ജലീൽ, ബൈക്ക് യാത്രികരായ വെള്ളച്ചാൽ സ്വദേശി സനൽ, കൽപകഞ്ചേരി പഞ്ചായത്ത് വി.ഇ.ഒ ലെനിൻ പീറ്റർ എന്നിവർക്കാണ് പരിക്കേറ്റത്.
കൈക്ക് പരിക്കേറ്റ ലെനിൻ പീറ്ററിനെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കടുങ്ങാത്തുകുണ്ട് സ്വദേശിയുടെ കാറാണ് അപകടത്തിൽപ്പെട്ടത്. കാറിന്റെ അമിതവേഗതയാണ് അപകടത്തിന് കാരണമെന്ന് നാട്ടുകാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.