പൈ​ങ്ങോ​ട്ടൂ​ർ​മാ​ടി​ലും അ​ടിപ്പാതക്കായി പ്ര​തി​ഷേ​ധം

ചേ​ലേ​മ്പ്ര: ചേ​ലേ​മ്പ്ര ഗ്രാ​മ​പ​ഞ്ചാ​യ​ത്തി​ൽ ഉ​ൾ​പ്പെ​ട്ട പൈ​ങ്ങോ​ട്ടൂ​ർ പ്ര​ദേ​ശ​ത്തു​കാ​രു​ടെ വ​ഴി​ക​ളു​ൾ​പ്പെ​ടെ അ​ട​ച്ച് ദേ​ശീ​യ​പാ​ത നി​ർ​മി​ക്കു​ന്ന അ​തോ​റി​റ്റി​യു​ടെ ന​ട​പ​ടി​ക്കെ​തി​രെ നാ​ട്ടു​കാ​ർ ആ​ക്ഷ​ൻ സ​മി​തി രൂ​പ​വ​ത്ക​രി​ച്ച് രം​ഗ​ത്തെ​ത്തി.

അടിപ്പാത നി​ർ​മി​ക്കാ​ൻ ന​ട​പ​ടി​യി​ല്ലാ​തെ ഭി​ത്തി കെ​ട്ടി പാ​ത നി​ർ​മി​ക്കു​ന്ന സ്ഥ​ല​ത്ത് സം​ഘ​ടി​ച്ചെ​ത്തി​യ നാ​ട്ടു​കാ​ർ പ്ര​തി​ഷേ​ധി​ച്ചു. സ്കൂ​ളി​ലേ​ക്ക് പോ​വാ​ൻ എ​ത്തി​യ വി​ദ്യാ​ർ​ഥി​ക​ൾ പാ​ത മു​റി​ച്ച് ക​ട​ക്കാ​നാ​വാ​തെ പ്ര​യാ​സ​പ്പെ​ടു​ന്ന​ത് നാ​ട്ടു​കാ​ർ ദേ​ശീ​യ​പാ​ത അ​ധി​കൃ​ത​രെ നേ​രി​ട്ട് ബോ​ധ്യ​പ്പെ​ടു​ത്തി.

ചേ​ലേ​മ്പ്ര പ​ഞ്ചാ​യ​ത്തി​ൽ​നി​ന്ന് ദേ​ശീ​യ​പാ​ത​യി​ലേ​ക്ക് വ​ന്നു​ചേ​രു​ന്ന പ്ര​ധാ​ന റോ​ഡു​ക​ളി​ലൊ​ന്നാ​ണ് പൈ​ങ്ങോ​ട്ടൂ​ർ റോ​ഡ്. കാ​ൽ ന​ട​യാ​ത്ര​ക്കാ​ർ പോ​ലും റോ​ഡ് മു​റി​ച്ച് ക​ട​ക്കാ​ൻ കാ​ക്ക​ഞ്ചേ​രി​യോ ചെ​ട്ടി​യാ​ർ​മാ​ടോ നി​ർ​മി​ച്ച ഓ​വ​ർ പാ​സ് വ​രെ ര​ണ്ട് കി​ലോ​മീ​റ്റ​ർ ന​ട​ന്ന് പോ​വ​ണം. സം​ഭ​വ സ്ഥ​ല​ത്തെ​ത്തി​യ ലൈ​സ​ൺ ഓ​ഫി​സ​ർ​ക്ക് മു​ന്നി​ൽ പ്ര​തി​ഷേ​ധം അ​റി​യി​ക്കു​ക​യും അ​ണ്ട​ർ​പാ​സി​ന്റെ ആ​വ​ശ്യം ഉ​ന്ന​യി​ക്കു​ക​യും ചെ​യ്തു.

പി. ​അ​ബ്ദു​ൽ ഹ​മീ​ദ് എം.​എ​ൽ.​എ​യു​ടെ സാ​ന്നി​ധ്യ​ത്തി​ൽ സ​മി​തി ഭാ​ര​വാ​ഹി​ക​ളാ​യ കെ. ​റ​ഫീ​ഖ്, ജം​ഷി​ദ നൂ​റു​ദ്ദീ​ൻ, ടി.​കെ. മു​ഹ​മ്മ​ദ് കു​ട്ടി, പി. ​മു​ജീ​ബ്, പി. ​നാ​സ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ക​ല​ക്ട​ർ​ക്ക് നി​വേ​ദ​നം ന​ൽ​കി. ചേ​ലേ​മ്പ്ര പൈ​ങ്ങോ​ട്ടൂ​രി​ലൂ​ടെ ദേ​ശീ​യ​പാ​ത​യി​ൽ ചേ​രു​ന്ന പ്ര​ധാ​ന റോ​ഡി​ൽ​നി​ന്ന് ദേ​ശീ​യ പാ​ത ക്രോ​സ് ചെ​യ്യാ​ൻ അ​ടി​പ്പാ​ത​യി​ല്ലാ​ത്ത​താ​ണ് പ്ര​തി​ഷേ​ധ​ത്തി​നി​ട​യാ​ക്കി​യ​ത്.

ആ​വ​ശ്യം പ​രി​ശോ​ധി​ക്കാ​ൻ ജി​ല്ല ക​ല​ക്ട​ർ സ്ഥ​ലം സ​ന്ദ​ർ​ശി​ക്കു​മെ​ന്ന് അ​റി​യി​ച്ച​താ​യി നി​വേ​ദ​ക സം​ഘം പ​റ​ഞ്ഞു. ദേ​ശീ​യ​പാ​ത അ​തോ​റി​റ്റി ഉ​ദ്യോ​ഗ​സ്ഥ​ർ​ക്ക് മു​മ്പാ​കെ ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ് എ.​പി. ജ​മീ​ല, വൈ​സ് പ്ര​സി​ഡ​ന്റ് കെ.​പി. ദേ​വ​ദാ​സ്, മ​റ്റ് ജ​ന​പ്ര​തി​നി​ധി​ക​ളാ​യ ഹ​ഫ്സ​ത്ത് ബീ​വി, ഇ​ഖ്ബാ​ൽ പൈ​ങ്ങോ​ട്ടൂ​ർ, ജം​ഷീ​ദ നൂ​റു​ദ്ദീ​ൻ, എം.​കെ. മു​ഹ​മ്മ​ദ് അ​സ്‍ലം, കു​റ്റി​യി​ൽ ബ​ഷീ​ർ, ആ​ക്ഷ​ൻ ക​മ്മി​റ്റി ഭാ​ര​വാ​ഹി​ക​ളാ​യ കെ. ​റ​ഫീ​ഖ്, കെ.​പി. ബാ​ല​കൃ​ഷ്ണ​ൻ, ടി.​കെ. മു​ഹ​മ്മ​ദ് കു​ട്ടി, ടി.​പി. സി​റാ​ജ്, കെ.​പി. ഷി​ഹാ​ബു​ദ്ദീ​ൻ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ൽ കാ​ര്യ​ങ്ങ​ൾ ബോ​ധ്യ​പ്പെ​ടു​ത്തി. ന​ട​പ​ടി​യി​ല്ലെ​ങ്കി​ൽ വ​രും ദി​വ​സ​ങ്ങ​ളി​ൽ ശ​ക്ത​മാ​യ സ​മ​ര​വു​മാ​യി രം​ഗ​ത്തി​റ​ങ്ങാ​നാ​ണ് തീ​രു​മാ​നം.