സി​ലി​ണ്ട​റു​ക​ളി​ൽ വെ​ള്ളം: ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ന് പ​രാ​തി​ക്കാ​ര​ൻ ഹൈ​കോ​ട​തി​യി​ലേ​ക്ക്

തേ​ഞ്ഞി​പ്പ​ലം: പാ​ച​ക​വാ​ത​ക സി​ലി​ണ്ട​റു​ക​ളി​ൽ വെ​ള്ളം നി​റ​ച്ച് ത​ട്ടി​പ്പ് ന​ട​ത്തു​ന്ന​താ​യു​ള്ള പ​രാ​തി​യി​ൽ പൊ​ലീ​സി​ൽ​നി​ന്ന് തു​ട​ർ​ന​ട​പ​ടി വൈ​കു​ന്ന​തി​നാ​ൽ ക്രൈം​ബ്രാ​ഞ്ച് അ​ന്വേ​ഷ​ണം ആ​വ​ശ്യ​പ്പെ​ട്ട് ഹൈ​കോ​ട​തി​യെ സ​മീ​പി​ക്കാ​ൻ നീ​ക്കം. ഒ​രാ​ഴ്ച​ക്കു​ള്ളി​ൽ തു​ട​ർ​ന​ട​പ​ടി​യി​ല്ലെ​ങ്കി​ൽ ഹൈ​കോ​ട​തി​യെ സ​മീ​പി​ക്കു​മെ​ന്ന് ടാ​ങ്ക് ലോ​റി വ​ർ​ക്കേ​ഴ്സ് യൂ​നി​യ​ൻ (സി.​ഐ.​ടി.​യു) പ്ലാ​ന്റ് ക​മ്മി​റ്റി പ്ര​സി​ഡ​ന്റ് അ​ഡ്വ. കെ.​ടി. വി​നോ​ദ് കു​മാ​ർ വ്യ​ക്ത​മാ​ക്കി. സം​സ്ഥാ​ന പൊ​ലീ​സ് മേ​ധാ​വി​ക്ക് ന​ൽ​കി​യ പ​രാ​തി​യി​ൽ അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ക്കാ​ൻ തൃ​ശൂ​ർ റേ​ഞ്ച് ഐ.​ജി​യെ ചു​മ​ത​ല​പ്പെ​ടു​ത്തി ആ​ഴ്ച​ക​ൾ ക​ഴി​ഞ്ഞി​ട്ടും തു​ട​ർ​ന​ട​പ​ടി​യു​ണ്ടാ​കാ​ത്ത സാ​ഹ​ച​ര്യ​ത്തി​ലാ​ണി​ത്. ഐ.​ഒ.​സി അ​ധി​കൃ​ത​ർ​ക്ക് വി​നോ​ദ് കു​മാ​ർ ന​ൽ​കി​യ പ​രാ​തി​യെ തു​ട​ർ​ന്ന് കേ​ര​ള ഡി.​ജി.​എം ഓ​പ​റേ​ഷ​ൻ മേ​ധാ​വി എ​ൽ.​പി. ഫു​ൽ​സ​ലെ, സെ​യി​ൽ​സ് ഡി.​ജി.​എം അ​ല​ക്സ് മാ​ത്യു എ​ന്നി​വ​ർ ചേ​ളാ​രി​യി​ൽ തെ​ളി​വെ​ടു​പ്പ് ന​ട​ത്തി​യി​രു​ന്നു. ഇ​തി​ന് ശേ​ഷ​വും പ​രാ​തി​ക്കാ​ര​ന് ക​മ്പ​നി അ​ധി​കൃ​ത​രി​ൽ​നി​ന്നു​ള്ള ഔ​ദ്യോ​ഗി​ക പ്ര​തി​ക​ര​ണം ല​ഭ്യ​മാ​യി​ട്ടി​ല്ല.

പ്ലാ​ന്‍റി​ൽ​നി​ന്ന് ക​യ​റ്റി അ​യ​ച്ച 400 ല​ധി​കം സി​ലി​ണ്ട​റു​ക​ൾ വി​വി​ധ ഏ​ജ​ൻ​സി​ക​ളി​ൽ നി​ന്നാ​യി വെ​ള്ളം നി​റ​ച്ച​താ​യി​രു​ന്നെ​ന്നാ​ണ് പ​രാ​തി. ഇ​തി​ന് പി​ന്നി​ൽ മാ​ഫി​യ ഉ​ണ്ടെ​ന്നാ​യി​രു​ന്നു പ​രാ​തി. കോ​ഴി​ക്കോ​ട് ജി​ല്ല​യി​ലെ ഗ്യാ​സ് ഏ​ജ​ൻ​സി ഉ​ട​മ ത​ട്ടി​പ്പി​നി​ര​യാ​യ​തി​നെ തു​ട​ർ​ന്ന് ന​ൽ​കി​യ പ​രാ​തി ഐ.​ഒ.​സി മാ​നേ​ജ്‌​മെ​ന്റ് ജി​ല്ല ക​ല​ക്ട‌​ർ വി.​ആ​ർ. വി​നോ​ദി​ന് കൈ​മാ​റി​യി​രു​ന്നു. തൃ​ശൂ​ർ റേ​ഞ്ച് ഐ.​ജി​ക്കാ​ണ് അ​ന്വേ​ഷ​ണ ചു​മ​ത​ല. ഐ.​ജി മ​ല​പ്പു​റം എ​സ്.​പി​യോ​ട് റി​പ്പോ​ർ​ട്ട് തേ​ടി. എ​സ്.​പി തേ​ഞ്ഞി​പ്പ​ലം പൊ​ലീ​സി​നോ​ട് വി​ശ​ദ റി​പ്പോ​ർ​ട്ട് ആ​വ​ശ്യ​പ്പെ​ട്ടി​ട്ടു​ണ്ട്. എ​ന്നാ​ൽ തേ​ഞ്ഞി​പ്പ​ലം പൊ​ലീ​സി​ൽ​നി​ന്ന് ന​ട​പ​ടി വൈ​കു​ന്ന​താ​യാ​ണ് ആ​ക്ഷേ​പം.