ദേ​ശീ​യ​പാ​ത​യി​ലേ​ക്ക് നേ​രി​ട്ടു​ക​ട​ക്ക​ൽ; കാ​ൽ​ന​ട​ യാ​ത്ര​ക്കാർക്ക് ഒ​രു​ക്കി​യ മെ​റ്റ​ൽ ക്രോ​സ് ബാ​റു​ക​ൾ അ​ട​ച്ചു

പാ​ല​ക്കാ​ട്: കാ​ൽ​ന​ട യാ​ത്ര​ക്കാ​ർ​ക്ക് ദേ​ശീ​യ​പാ​ത​യി​ലേ​ക്കു നേ​രി​ട്ടു​ക​ട​ക്കാ​ൻ ഒ​രു​ക്കി​യ മെ​റ്റ​ൽ ക്രോ​സ് ബാ​റു​ക​ൾ സു​ര​ക്ഷാ മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി പൊ​ലീ​സ് റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ ജി​ല്ല ക​ല​ക്ട​റു​ടെ ഉ​ത്ത​ര​വു പ്ര​കാ​രം ദേ​ശീ​യ​പാ​ത അ​തോ​റി​റ്റി അ​ട​ച്ചു. ക്രോ​സ്ബാ​റു​ക​ളി​ലൂ​ടെ നേ​രി​ട്ട് ദേ​ശീ​യ​പാ​ത​യി​ലേ​ക്കു പ്ര​വേ​ശി​ക്കു​ന്ന​ത് അ​പ​ക​ട​ങ്ങ​ൾ​ക്ക് ഇ​ട​യാ​ക്കു​ന്നെ​ന്നു ചൂ​ണ്ടി​ക്കാ​ട്ടി പൊ​ലീ​സ് ക​ല​ക്ട​ർ​ക്ക് റി​പ്പോ​ർ​ട്ട് ന​ൽ​കി​യി​രു​ന്നു.

ഇ​തി​ന്റെ ഭാ​ഗ​മാ​യി വാ​ള​യാ​ർ മു​ത​ൽ വ​ട​ക്ക​ഞ്ചേ​രി വ​രെ​യു​ള്ള 56 കി​ലോമീ​റ്റ൪ നാ​ലു​വ​രി​പാ​ത​യി​ലെ മു​പ്പ​തോ​ളം ഭാ​ഗ​ത്തെ ക്രോ​സ്ബാ​റു​ക​ളാ​ണ് അ​ട​ച്ച​ത്. ഇ​വി​ട​ങ്ങ​ളി​ൽ ഇ​നി മു​ത​ൽ നേ​രി​ട്ട് ദേ​ശീ​യ​പാ​ത​യി​ലേ​ക്ക് ക​ട​ക്കാ​ൻ സാ​ധി​ക്കി​ല്ല.

സി​ഗ്ന​ൽ ജ​ങ്ഷ​നി​ലെ​ത്തി വേ​ണം ദേ​ശീ​യ​പ​പാ​ത കു​റു​കെ ക​ട​ക്കാ​ൻ. പ​ല​തും ജ​ന​വാ​സ മേ​ഖ​ല​യി​ലാ​യ​തി​നാ​ൽ കാ​ൽ​ന​ട യാ​ത്ര​ക്കാ​ർ കി​ലോ​മീ​റ്റ​റോ​ളം ചു​റ്റി​വേ​ണം സി​ഗ്ന​ൽ ജ​ങ്ഷ​നി​ലെ​ത്താ​ൻ.

സു​ര​ക്ഷ വ​ർ​ധി​പ്പി​ക്കാ​നാ​ണ് ന​ട​പ​ടി​യെ​ങ്കി​ലും ക്രോ​സ്ബാ​റു​ക​ൾ അ​ട​ച്ച​തോ​ടെ കാ​ൽ​ന​ട യാ​ത്ര​ക്കാ​ർ ദു​രി​ത​ത്തി​ലാ​യി. ക​ഞ്ചി​ക്കോ​ട് വ്യ​വ​സാ​യ മേ​ഖ​ല​യി​ൽ ജോ​ലി ചെ​യ്യു​ന്ന സ്ത്രീ​ക​ൾ ഉ​ൾ​പ്പെ​ടെ തൊ​ഴി​ലാ​ളി​ക​ളും പ്ര​യാ​സ​ത്തി​ലാ​ണ്. ഇ​വ​ർ​ക്ക് ക​മ്പ​നി​യി​ൽ​നി​ന്ന് ഇ​റ​ങ്ങി കി​ലോ​മീ​റ്റ​റു​ക​ളോ​ളം ന​ട​ന്നു​വേ​ണം ദേ​ശീ​യ​പാ​ത​യി​ലെ സി​ഗ്ന​ൽ ജ​ങ്ഷ​നി​ലെ​ത്താ​ൻ.

ഇ​ത്ത​രം മേ​ഖ​ല​ക​ളി​ൽ മേ​ൽ​പാ​ലം ഉ​ൾ​പ്പെ​ടെ​യു​ള്ള ബ​ദ​ൽ സം​വി​ധാ​ന​ങ്ങ​ളൊ​രു​ക്ക​ണ​മെ​ന്നാ​ണ് ആ​വ​ശ്യം. സം​സ്ഥാ​ന​ത്തേ​ക്ക് പ്ര​വേ​ശി​ക്കാ​നു​ള്ള പ്ര​ധാ​ന ക​വാ​ട​ങ്ങ​ളി​ൽ ഒ​ന്നാ​യ വാ​ള​യാ​ർ വ​ഴി ദി​വ​സേ​ന ചെ​റു​തും വ​ല​തു​മാ​യ നി​ര​വ​ധി വാ​ഹ​ന​ങ്ങ​ളാ​ണ് ക​ട​ന്നു​പോ​കു​ന്ന​ത്. പ​ല​യി​ട​ത്തും കാ​ൽ​ന​ട​യാ​ത്ര​ക൪ റോ​ഡ് മു​റി​ച്ച് ക​ട​ക്കു​ന്ന​തി​നി​ട​യി​ൽ അ​പ​ക​ട​ത്തി​ൽ പെ​ടു​ന്ന​ത് പ​തി​വാ​ണ്.