കൈത്താങ്ങ് കാത്ത് കൈത്തറി മേഖല

കൊ​ല്ല​ങ്കോ​ട്: നി​ല​നി​ൽ​പ്പ് ഭീ​ഷ​ണി​യി​ലാ​യ കൈ​ത്ത​റി മേ​ഖ​ല സ​ർ​ക്കാ​റി​ന്റെ കൈ​ത്താ​ങ്ങി​നാ​യി കാ​ത്തി​രി​ക്കു​ന്നു. കൊ​ല്ല​ങ്കോ​ട്, വ​ട​വ​ന്നൂ​ർ, പെ​രു​വെ​മ്പ്, ചി​റ്റൂ​ർ, ത​ത്ത​മം​ഗ​ലം, നെ​ന്മാ​റ തു​ട​ങ്ങി​യ പ്ര​ദേ​ശ​ങ്ങ​ളി​ൽ ആ​യി​ര​ത്തി​ല​ധി​കം കൈ​ത്ത​റി നെ​യ്ത്ത് കു​ടും​ബ​ങ്ങ​ളാ​ണു​ള്ള​ത്. 30 വ​ർ​ഷം മു​മ്പു​വ​രെ സ​ജീ​വ​മാ​യി​രു​ന്ന കൈ​ത്ത​റി വ​സ്ത്ര നി​ർ​മാ​ണ മേ​ഖ​ല നി​ല​വി​ൽ എ​ട്ടി​ൽ ഒ​ന്നാ​യി ചു​രു​ങ്ങു​ന്ന അ​വ​സ്ഥ​യി​ലാ​ണ്.

ഓ​ണ​ക്കാ​ല​ത്ത് മാ​ത്ര​മാ​ണ് ഇ​വ ച​ലി​ക്കു​ന്ന​ത്. കൊ​ല്ല​ങ്കോ​ട് മേ​ഖ​ല​യി​ൽ മാ​ത്രം 300 കു​ടും​ബ​ങ്ങ​ളാ​ണ് കൈ​ത്ത​റി നെ​യ്ത്ത് വ​സ്ത്ര​ങ്ങ​ൾ നെ​യ്തെ​ടു​ത്ത് വി​ൽ​പ​ന ന​ട​ത്തി ഉ​പ​ജീ​വ​ന മാ​ർ​ഗം തേ​ടി​യി​രു​ന്ന​ത്.

നി​ല​വി​ൽ ഇ​ത് പ​ത്തി​ലൊ​ന്നാ​യി കു​റ​ഞ്ഞു. കൂ​ലി കു​റ​വും നൂ​ലി​ന്റെ​യും ബ​ന്ധ​പ്പെ​ട്ട ഉ​ൽ​പ​ന്ന​ങ്ങ​ളു​ടെ​യും വി​ല വ​ർ​ധി​ച്ച​തും അ​ത്യാ​ധു​നി​ക യ​ന്ത്ര​ങ്ങ​ളു​ടെ വ​ര​വും ത​ക​ർ​ച്ച​യു​ടെ കാ​ര​ണ​മാ​ണ്. വി​വി​ധ പ്ര​ദേ​ശ​ങ്ങ​ളി​ൽ കൈ​ത്ത​റി സ​ഹ​ക​ര​ണ സം​ഘ​ങ്ങ​ളി​ലൂ​ടെ​യാ​ണ് നി​ല​വി​ൽ നെ​യ്ത്തും വ​സ്ത്ര ഉ​ൽ​പാ​ദ​ന​വും വി​ൽ​പ​ന​യും ന​ട​ക്കു​ന്ന​ത്. കൊ​ല്ല​ങ്കോ​ട് പ​ഞ്ചാ​യ​ത്തി​ലെ നെ​യ്ത്ത് കു​ടും​ബ​ങ്ങ​ളി​ൽ ഭൂ​രി​ഭാ​ഗ​വും ഈ ​മേ​ഖ​ല​യി​ൽ​നി​ന്ന് പി​ൻ​മാ​റി. കൈ​ത്ത​റി വ​സ്ത്ര​ത്തി​ന് ആ​വ​ശ്യ​ക്കാ​ർ കു​റ​ഞ്ഞ​തും ആ​ധു​നി​ക യ​ന്ത്ര​ത്തി​ൽ ഉ​ൽ​പാ​ദി​പ്പി​ക്കു​ന്ന വ​സ്ത്ര​ത്തി​ന്റെ വി​ല​ക്കു​റ​വും ഡി​മാ​ൻ​ഡ് വ​ർ​ധി​ച്ച​തും പ​ര​മ്പ​രാ​ഗ​ത വ​സ്ത്ര നി​ർ​മാ​ണ മേ​ഖ​ല​ക്ക് ക​ന​ത്ത തി​രി​ച്ച​ടി​യാ​യ​താ​യി നാ​ല​ര പ​തി​റ്റാ​ണ്ടി​ല​ധി​ക​മാ​യി ഈ ​മേ​ഖ​ല​യി​ൽ തൊ​ഴി​ലെ​ടു​ക്കു​ന്ന മേ​ട്ടു​പാ​ള​യം സ്വ​ദേ​ശി എ​ൻ. പ​ര​മ​ശി​വ​ൻ പ​റ​ഞ്ഞു. നാ​ട​ൻ കൈ​ത്ത​റി യ​ന്ത്ര​ത്തി​ൽ ഒ​രു ദി​വ​സം പ​ണി​യെ​ടു​ത്താ​ൽ ര​ണ്ട് മു​ണ്ടു​ക​ൾ നെ​യ്തെ​ടു​ക്കാം. 300 രൂ​പ​യാ​ണ് ഇ​തി​നു​ള്ള കൂ​ലി. വ്യ​വ​സാ​യ വ​കു​പ്പാ​ണ് ഇ​ത്ത​രം സ​ഹ​ക​ര​ണ സം​ഘ​ങ്ങ​ളി​ലെ നെ​യ്ത്ത് യ​ന്ത്ര​ങ്ങ​ൾ ത​ക​രാ​റി​ലാ​കു​മ്പോ​ൾ അ​റ്റ​കു​റ്റ​പ്പ​ണി ചെ​യ്യു​ന്ന​ത്. നെ​യ്ത്ത് സം​ഘ​ങ്ങ​ളി​ൽ അ​ത്യാ​ധു​നി​ക നെ​യ്ത്ത് യ​ന്ത്ര​ങ്ങ​ൾ ല​ഭ്യ​മാ​ക്കി​യാ​ൽ ശേ​ഷി​ക്കു​ന്ന തൊ​ഴി​ലാ​ളി​ക​ളെ​യെ​ങ്കി​ലും സം​ര​ക്ഷി​ക്കാ​നാ​കു​മെ​ന്ന് ആ​ദ്യ​കാ​ല നെ​യ്ത്തു​കാ​ർ പ​റ​യു​ന്നു.

നൂ​ൽ നി​ർ​മാ​ണം മു​ത​ൽ നെ​യ്തെ​ടു​ക്കു​ന്ന​ത് വ​രെ​യു​ള്ള മേ​ഖ​ല​യും നെ​യ്ത്ത് ക​ഴി​ഞ്ഞ് വ​സ്ത്ര​ങ്ങ​ൾ പാ​ക്ക് ചെ​യ്ത് വി​ൽ​പ​ന കേ​ന്ദ്ര​ങ്ങ​ളി​ൽ എ​ത്തി​ക്കു​ന്ന മേ​ഖ​ല​യും സ​ജീ​വ​മാ​ക്കാ​ൻ ഓ​ണ​ത്തി​നെ​ങ്കി​ലും സ​ർ​ക്കാ​ർ രം​ഗ​ത്തി​റ​ങ്ങ​ണ​മെ​ന്നാ​ണ് ഈ ​മേ​ഖ​ല​യി​ൽ തൊ​ഴി​ലെ​ടു​ക്കു​ന്ന​വ​രു​ടെ ആ​വ​ശ്യം.