പാലക്കാട്: വടക്കഞ്ചേരി കണ്ണമ്പ്ര കാരപ്പൊറ്റയിൽ സി.പി.എം പ്രവർത്തകൻ കെ.ആർ. വിജയനെ വെട്ടിക്കൊലപ്പെടുത്തിയ കേസിൽ ആർ.എസ്.എസ് പ്രവർത്തകരായ നാല് പ്രതികൾക്ക് ജീവപര്യന്തം തടവും 50,000 രൂപ വീതം പിഴയും.
കണ്ണമ്പ്ര പടിഞ്ഞാമുറി പവൻ എന്ന സുജീഷ് (31), പടിഞ്ഞാമുറി കുന്നുംപുറം മിഥുൻ (27), കാരപ്പൊറ്റ കൂടല്ലൂർ ജനീഷ് (26), കാരപ്പൊറ്റ അത്താണിപ്പറമ്പ് സുമേഷ് (29) എന്നിവർക്കാണ് പാലക്കാട് മൂന്നാം അഡീഷനൽ സെഷൻസ് കോടതി ജഡ്ജി പി.കെ. മോഹൻദാസ് ശിക്ഷ വിധിച്ചത്. പിഴസംഖ്യ വിജയെൻറ ബന്ധുക്കൾക്ക് നൽകണം. ഇല്ലെങ്കിൽ ആറു മാസം അധിക തടവ് അനുഭവിക്കണം. കേസിലെ മറ്റൊരു പ്രതിയായ ചാരുഷിനെ തെളിവുകളുടെ അഭാവത്തിൽ വിട്ടയച്ചു.
2015 മേയ് മൂന്നിന് വൈകീട്ട് ആറോടെയായിരുന്നു കൊലപാതകം. വീട്ടിലേക്ക് നടന്നുപോകുന്ന വിജയനെ പ്രതികൾ തടഞ്ഞുനിർത്തി വെട്ടുകയായിരുന്നു. ഒാേട്ടാ, ടാക്സി വർക്കേഴ്സ് യൂനിയൻ യൂനിറ്റ് സെക്രട്ടറിയും കെ.എസ്.കെ.ടി.യു വില്ലേജ് കമ്മിറ്റി അംഗവുമായിരുന്ന വിജയനെ രാഷ്ട്രീയ വിരോധത്തെതുടർന്ന് കൊലപ്പെടുത്തിയെന്നാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.